പ്രണയ ബന്ധം അവസാനിപ്പിച്ചതിലുള്ള പക; സമ്മാനമായി നൽകിയ 23 ലക്ഷം രൂപയുടെ ബൈക്ക് കത്തിച്ച് യുവതി

പെട്രോളൊഴിച്ച് തീയിട്ടു

representative image

ബാങ്കോക്കിൽ കഴിഞ്ഞ തിങ്കളാഴ്ചയാണ് സഭവം നടന്നതെന്നാണ് റിപ്പോർട്ട്. വീണ്ടും ഒന്നിക്കണമെന്ന ആവശ്യം മുൻ കാമുകന്‍ നിരസിച്ചതോടെയാണ് യുവതി പക വീട്ടാൻ തീരുമാനിക്കുന്നതെന്നാണ് ഇംഗ്ലീഷ് വാർത്താ ചാനലായ ടൈംസ് നൗ റിപ്പോർട്ട് ചെയ്യുന്നത്. പാർക്കിങ് മേഖലയിലയിലേക്കെത്തിയ യുവതി മുൻ കാമുകന്‍റെ ബൈക്കിന് മുകളിലേക്ക് പെട്രോളൊഴിച്ച് തീ കൊളുത്തുകയായിരുന്നു. തീ ആളിപ്പടർന്നതോടെ യുവതി പെട്ടെന്ന് സ്ഥലത്ത് നിന്ന് മാറുന്നതും പിന്നീട് കാറിൽ കയറി പോകുന്നതും വീഡിയോയിലുണ്ട്. തീ ആളിപ്പടർന്നെങ്കിലും ആർക്കും പൊള്ളലേറ്റതായി റിപ്പോർട്ടില്ല. എന്നാൽ സമീപത്തുണ്ടായിരുന്ന ആറോളം ബൈക്കുകൾക്കും തീ പിടിച്ചിരുന്നു. ഫയർ ഫോഴ്സ് എത്തിയാണ് തീ അണച്ചത്.

വൻ അപകടം ഒഴിവായി

representative image

“ശ്രീനാഖരിൻ‌വിരോട്ട് യൂണിവേഴ്സിറ്റി പ്രസർ‌മിറ്റ് ഡെമോൺ‌സ്‌ട്രേഷൻ സ്കൂളിനുള്ളിലെ പാർക്കിങ്ങ് കെട്ടിടത്തിന്‍റെ മൂന്നാം നിലയിൽ തീപിടിച്ചെന്നായിരുന്നു വിവരം ലഭിച്ചത്. എലമെന്‍ററി സ്കൂൾ കെട്ടിടവുമായി ബന്ധിപ്പിച്ചു കൊണ്ടുള്ള കെട്ടിടം കൂടിയായിരുന്നു ഇത്. കൊവിഡ് സാഹചര്യത്തിൽ ഓൺലൈൻ ക്ലാസ് ആയതിനാൽ കുട്ടികൾ ഇല്ലാത്തത് അപകടം ഒഴിവാക്കി’ പോലീസ് ഓഫീസർ മോങ്കൂട്ട് പറഞ്ഞതായി റിപ്പോർട്ട് വ്യക്തമാക്കുന്നു.

കുടുങ്ങിയത് സിസിടിവിൽ

representative image

കാനോക്കിന്‍റെ മുൻ കാമുകന്‍റെ ബൈക്ക് പൂർണ്ണമായും കത്തി നശിച്ചെങ്കിലും സ്ഥലത്തെത്തിയ അഗ്നിശമന സേനയ്ക്ക് തീ മറ്റിടങ്ങളിലേക്ക് പടരാതെ നിയന്ത്രണ വിധേയമാക്കാൻ കഴിഞ്ഞു. പിന്നീട് പോലീസ് സിസിടിവി ക്യാമറകൾ പരിശോധിച്ചപ്പോഴാണ് യുവതി ബൈക്കിന് തീ ഇടുന്ന ദൃശ്യങ്ങൾ ലഭിച്ചത്. സ്കൂൾ ജീവനക്കാരനായ ഒരാളുടെ മുൻ കാമുകിയാണ് ഇതെന്നും വ്യക്തമായി. ബുധനാഴ്ചയോടെ ഇവരെ അറസ്റ്റ് ചെയ്യുകയും ചെയ്തു.

ബൈക്ക് കത്തിക്കുന്ന വീഡിയോ