പോലീസിനെ വിവരം അറിയിക്കാം
ഇത്തരം വെബ്‌സൈറ്റുകളിലെ കോണ്‍ടാക്ട് നമ്പറുകള്‍ പലപ്പോഴും വിദേശ രാജ്യങ്ങളില്‍ നിന്നുള്ള നമ്പറുകളായിരിക്കും നല്‍കുകയെന്നും അതു തന്നെ തട്ടിപ്പിന്റെ അടയാളമാണെന്നും അദ്ദേഹം പറഞ്ഞു. ഇമെയിലുകളുടെയും ഫോണ്‍ സന്ദേശങ്ങളുടെയും രൂപത്തില്‍ വരുന്ന തട്ടിപ്പുകള്‍ ശ്രദ്ധയില്‍പ്പെട്ടാല്‍ 800 2626 എന്ന ടോള്‍ ഫ്രീ നമ്പറിലേക്ക് നേരിട്ടു വിളിക്കുകയോ 2828ലേക്ക് എസ്എംഎസ് അയക്കുകയോ ചെയ്യണം. aman@adpolice.gov.ae എന്ന ഇമെയിലിലേക്കും അബൂദാബി പോലിസിന്റെ മൊബൈല്‍ ആപ്പ് വഴിയും പരാതികള്‍ അറിയിക്കാവുന്നതാണെന്നും പോലിസ് അറിയിച്ചു.
പണം അടയ്ക്കുന്നതിന് മുമ്പ് വിശ്വാസ്യത ഉറപ്പാക്കണം
ഇത്തരം ഇ മെയിലുകള്‍ വരുമ്പോള്‍ അതിന്റെ ഡോമെയ്ന്‍ നാമം പരിശോധിച്ച് ഔദ്യോഗികമാണെന്ന് ഉറപ്പുവരുത്തണം. വിശ്വാസ യോഗ്യമായ പ്ലാറ്റ്‌ഫോമുകള്‍ വഴി മാത്രമേ ബില്ലുകള്‍ അടയ്ക്കാവൂ എന്നും അധികൃതര്‍ അറിയിച്ചു. ഇത്തരം ഇമെയിലുകളോടൊപ്പം വരുന്ന ലിങ്കുകളില്‍ ക്ലിക്ക് ചെയ്യാനും പാടില്ല. കംപ്യൂട്ടറിലെ വിവരങ്ങള്‍ ഉള്‍പ്പെടെ ചോര്‍ത്തുന്ന സോഫ്റ്റ് വെയറുകള്‍ ഇത്തരത്തില്‍ ഇ-മെയില്‍ വഴി വരുമെന്നും ജാഗ്രത പാലിക്കണമെന്നും പോലീസ് വ്യക്തമാക്കി. ദുബായ് ഇലക്ട്രിസിറ്റി ആന്റ് വാട്ടര്‍ അതോറിറ്റിയുടെ പേരില്‍ നടക്കുന്ന ഇമെയില്‍ തട്ടിപ്പിനെ കുറിച്ച് അന്വേഷണം നടത്തിവരികയാണ്. കുറ്റവാളികളെ കണ്ടെത്തുന്നതിനുള്ള ശ്രമങ്ങള്‍ ആരംഭിച്ചതായും അധികൃതര്‍ വ്യക്തമാക്കി.
കൊവിഡ് കാലത്ത് ഒണ്‍ലൈന്‍ തട്ടിപ്പ് കൂടി
അടുത്ത കാലത്തായി ഇത്തരം ഓണ്‍ലൈന്‍ തട്ടിപ്പുകള്‍ രാജ്യത്ത് വ്യാപകമായതായി യുഎഇ സൈബര്‍ പോലീസ് വിഭാഗം നേരത്തേ വ്യക്തമാക്കിയിരുന്നു. കൊവിഡ് കാലത്ത് ആളുകള്‍ കൂടുതലായി ഓണ്‍ലൈന്‍ വ്യാപാരങ്ങളും മറ്റ് ഇടപാടുകളും നടത്താന്‍ ആരംഭിച്ചതോടെ ഇത് വലിയ തോതില്‍ വ്യാപിച്ചിട്ടുണ്ട്. അറിയപ്പെട്ട ഫുഡ് ബ്രാന്റുകളുടെ വ്യാജ വെബ്‌സൈറ്റുണ്ടാക്കി ആളുകളില്‍ നിന്ന് ഓര്‍ഡുറുകള്‍ സ്വീകരിച്ച് തട്ടിപ്പ് നലത്തുന്ന സംഘങ്ങള്‍ സജീവമാണെന്ന് ഈയിടെ അബൂദാബി പോലിസ് മുന്നറിയിപ്പ് നല്‍കിയിരുന്നു. അവിശ്വസനീയമായ വിലക്കുറവില്‍ സാധനങ്ങള്‍ ഓഫര്‍ ചെയ്താണ് ആളുകളെ ഇത്തരം വ്യാജ സൈറ്റുകള്‍ കെണിയില്‍ വീഴ്ത്തുന്നത്. ഓര്‍ഡര്‍ ചെയ്ത് പണം അടച്ച് സാധനങ്ങള്‍ കിട്ടാത്ത നിരവധി കേസുകള്‍ രാജ്യത്തുണ്ടെന്നും അബൂദാബി പോലീസ് ഫോറന്‍സിക് സുരക്ഷാ വിഭാഗം തലവന്‍ മേജര്‍ ജനറല്‍ മുഹമ്മദ് അല്‍ റാശിദി അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : dubai electricity and water authority warns of fake billing emails
Malayalam News from malayalam.samayam.com, TIL Network
