ഉച്ചഭാഷിണി വിവാദം: രാജ് താക്കറെ നൽകിയ സമയം അവസാനിച്ചു, മുംബൈയിൽ അതീവ ജാ​ഗ്രത

ഉച്ചഭാഷിണി ഒഴിവാക്കിയില്ലെങ്കിൽ പള്ളിക്ക് മുന്നിൽ വച്ച് ഹനുമാൻ ചാലിസ ചെല്ലണമെന്ന് ഇന്നലെ രാജ് താക്കറെ ആഹ്വാനം ചെയ്തിരുന്നു. ഇതിന്റെ പശ്ചാത്തലത്തിൽ കല്യാൺ അടക്കമുള്ള പ്രദേശത്ത് ഒട്ടുമിക്ക മോസ്കുകളിലും ഉച്ചഭാഷിണി ഇന്ന് ഉപയോഗിച്ചിട്ടില്ലെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

സുപ്രീം കോടതിയുടെ ഉത്തരവിന്റെ അടിസ്ഥാനത്തിൽ രാവിലെയുള്ള ഉച്ചഭാഷിണിയുടെ ഉപയോഗം കുറയ്ക്കണമെന്ന് പോലീസ് പള്ളി അധികൃതരോട് ആവശ്യപ്പെട്ടിരുന്നു. ഇതിന്റെ പശ്ചാത്തലത്തിലാണ് നടപടി. ഇന്നലെ പ്രകോപനപരമായ പ്രസംഗം നടത്തിയതിന് രാജ് താക്കറെയ്ക്കെതിരെ പോലീസ് കേസെടുത്തിരുന്നു.

Also Read : നിമിഷ പ്രിയയുടെ മോചനം: ചർച്ചകൾ പുരോഗമിക്കുന്നു; ബ്ലഡ് മണിയായി വേണ്ടത് 92,000 ഡോളർ

പലയിടങ്ങളിലും ഹനുമാൻ ചാലിസ ചൊല്ലുന്നതിന് തയ്യാറെടുത്തിരുന്നുവെങ്കിലും പള്ളികളിൽ നിന്നും ബാങ്ക് വിളികൾ ഉയരാത്തതിനാൽ തങ്ങൾ ഒന്നും ചെയ്തില്ലെന്ന് എംഎൻഎസ് പ്രവർത്തകർ പറഞ്ഞു. സംസ്ഥാനത്ത് കലാപസാധ്യത ഉണ്ടാകാതിരിക്കാൻ മഹാരാഷ്ട്ര സർക്കാർ വിവിധ പ്രദേശങ്ങളിൽ പോലീസ് ഉദ്യോഗസ്ഥരെ വിന്യസിച്ചിട്ടുണ്ട്.

ഏപ്രിൽ രണ്ടിനാണ് ഉച്ചഭാഷിണികൾ മുസ്ലീം പള്ളികളിൽ നിന്നും മാറ്റണമെന്ന് ആവശ്യപ്പെട്ട് രംഗത്തുവന്നത്. ഇത് മാറ്റാത്ത പക്ഷം പള്ളികൾക്ക് മുന്നിൽ ഹനുമാൻ ചാലിസ ഉച്ചഭാഷിണിയിലൂടെ ജപിക്കുമെന്നാണ് ആവശ്യപ്പെട്ടത്. ഏപ്രിൽ 13ന് ഈദ് ദിനമായ മെയ് മൂന്ന് വരെയാണ് രാജ് താക്കറെ അനുവദിച്ച് നൽകിയിരുന്ന സമയം.

Also Read :ഓരോ വോട്ടും പിണറായി വിജയൻ്റെ അഴിമതി ഭരണത്തിൻ്റെ തിരുനെറ്റിയിലുള്ള കനത്ത പ്രഹരമായിരിക്കണം: കെ സുധാകരൻ

രാജ് താക്കറെയ്ക്കെതിരെ ഔറംഗബാദ് പോലീസ് കമ്മീഷണർ ഉചിതമായ നിയമനടപടി സ്വീകരിക്കുമെന്ന് മഹാരാഷ്ട്ര പോലീസ് മേധാവി രജ്നീഷ് സേത്ത് പറഞ്ഞു. രാജ് താക്കറെ നടത്തിയ വിവാദം പ്രസംഗം ഔറംഗബാദ് കമ്മീഷണർ പരിശോധിച്ച് വരികയാണ്. ആവശ്യമായ നിയമനടപടികൾ ഇന്ന് തന്നെ അദ്ദേഹം സ്വീകരിക്കുമെന്നും അദ്ദേഹം മാധ്യമങ്ങളോട് പറഞ്ഞിരുന്നു.