ദുബായിൽ തൊഴിൽതട്ടിപ്പ്; ടെറസിൽ കഴിഞ്ഞിരുന്ന മലയാളികൾക്ക് അഭയം

തട്ടിപ്പിന് ഇരകളായ ഇവർ ദുബായിൽ എത്തി പോലീസിൽ പരാതി നൽകി. ഏജന്റുമാർക്ക് എതിരെയാണ് ഇവർ പരാതി നൽകിയിരിക്കുന്നത്. തട്ടിപ്പിന് ഇരയായ 23 മലയാളികൾ ദുബായിൽ ഒരു കെട്ടിടത്തിന് മുകളിൽ ആണ് കഴിഞ്ഞിരുന്നത്. ഇവർ ദുരിതത്തിൽ ആണെന്നും ഇവർക്ക് സഹായം വേണം എന്നും ആവശ്യപ്പെട്ട് കഴിഞ്ഞ ദിവസം മീഡിയവൺ വാർത്ത റിപ്പോർട്ട് ചെയ്തിരുന്നു. ഈ വാർത്തക്ക് ശേഷം ആണ് മറ്റു മാധ്യമങ്ങൾ ഇത് റിപ്പോർട്ട് ചെയ്യുകയും പ്രശ്നത്തിന് പരിഹാരം കണ്ടെത്തുകയും ചെയ്തത്. കഠിനമായ വെയിലത്ത് ദുരിതത്തിൽ കഴിഞ്ഞ ഇവർക്ക് ഭക്ഷണവും മറ്റു സൗകര്യങ്ങളുമായി ദുബായ് മർക്കസ് രംഗത്തെത്തുകയായിരുന്നു. ഇവർക്ക് തത്കാലത്തേക്ക് ആവശ്യമായ സുരക്ഷയാണ് ഇവർ ഒരുക്കിയിരിക്കുന്നത്.

Also Read: ട്രക്കുകൾക്കുള്ള പിഴ തുക വർധിപ്പിച്ച് സൗദി പുതിയ നിയമം ഇങ്ങനെ

ഇവരെ നാട്ടിലേക്ക് അയക്കാനുള്ള പ്രവർത്തനങ്ങൾ പുരോഗമിക്കുകയാണ്. ജോലി നൽകാം എന്ന് വാഗ്ദാനം ചെയ്ത് ഇവരെ ദുബായിലേക്ക് കൊണ്ടുവന്ന ട്രാവൽസിനെതിരെ നാട്ടിൽ നിയമ നടപടികൾ ആരംഭിച്ചിട്ടുണ്ട്. കൂടുതൽ പ്രവാസി സംഘടനകൾ ഇവർക്ക് സഹായവുമായി എത്തിയിട്ടുണ്ട്. റിക്രൂട്ടിങ് എജന്റ് പിടിച്ചുവെച്ച യുവാക്കളുടെ പാസ്പോർട്ട് തിരിച്ച് കിട്ടാനുള്ള നടപടികൾ ആരംഭിച്ചിട്ടുണ്ട്.