പി സി ജോ‍‍ർജ്ജ് ഇറങ്ങിയാൽ ബിജെപിക്ക് ​ഗുണം; തൃക്കാക്കരയിലേക്ക് ക്ഷണിക്കുമെന്ന് എ എൻ രാധാകൃഷ്ണൻ

Also Read: തൃക്കാക്കരയിൽ അഞ്ച് വർഷംകൊണ്ട് നാലിരട്ടി വോട്ട്; അത്ഭുതം കാണിക്കുമോ ബിജെപി? ആത്മവിശ്വാസത്തിന് പിന്നിൽ

തൃക്കാക്കരയിലെ ബിജെപി സ്ഥാനാർത്ഥി എ എൻ രാധാകൃഷ്ണൻ പരിചയപ്പെടുത്തൽ ആവശ്യമില്ലാത്ത സ്ഥാനാർത്ഥിയാണെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ പറഞ്ഞു. ഇരു മുന്നണികളുമായി ശക്തമായ പോരാട്ടം നടത്താൻ ബെജെപി സംസ്ഥാന വൈസ് പ്രസിഡന്റിന് സാധിക്കുമെന്നും അദ്ദേഹം പറഞ്ഞു.

കേരളത്തിലെ ഇരട്ട നീതി പ്രശ്നം തെരഞ്ഞെടുപ്പിൽ ചർച്ചയാകും. ക്രൈസ്തവ-ഹൈന്ദവ വിശ്വാസ പ്രമാണങ്ങളെ തകർക്കാൻ ശ്രമിക്കുന്ന മതഭീകരവാദികളെ പ്രോത്സാഹിപ്പിക്കുന്ന ഇടത്-വലത് മുന്നണികൾക്കെതിരെ ജനവിധിയുണ്ടാകുമെന്നും ബിജെപി സംസ്ഥാന അധ്യക്ഷൻ പറഞ്ഞു. ലവ് ജിഹാദും നാർക്കോട്ടിക്ക് ജിഹാദും തൃക്കാക്കരയിൽ ചർച്ചയാകുമെന്നും അദ്ദേഹം വ്യക്തമാക്കി.

Also Read: ‘പി.ടിയുടെ നമ്പരിൽ നിന്ന് ഒരു കോൾ വന്നു, പെട്ടെന്ന് ഫോൺ എടുത്തു’; ഉമ ചേച്ചിയുടെ തീരുമാനം നൽകുന്ന ആശ്വാസം ചെറുതല്ലെന്ന് പിസി വിഷ്ണുനാഥ്

സിൽവർ ലൈൻ പദ്ധതി കേരളത്തിൽ വരാത്തത് കേന്ദ്രം മോദി സർക്കാർ ഭരിക്കുന്നതുകൊണ്ടു മാത്രമാണ്. എറണാകുളത്തിനു വേണ്ടി കേന്ദ്രം ചെയ്ത കാര്യങ്ങൾ വോട്ടർമാർക്ക് അറിയാമെന്നും സുരേന്ദ്രൻ പറഞ്ഞു.

തൃക്കാക്കരയിൽ ആം ആദ്മി പാർട്ടി മത്സരിക്കില്ലെന്നു വ്യക്തമാക്കിയതിനു പിന്നാലെയാണ് ട്വന്റി ട്വന്റിയും മത്സര രംഗത്തു നിന്നും പിന്മാറിയത്. കഴിഞ്ഞ നിയമസഭാ തെരഞ്ഞെടുപ്പിൽ ട്വന്റി 20 സ്ഥാനാർത്ഥി ഡോ ടെറി തോമസിന് തൃക്കാക്കരയിൽ 13773 വോട്ടാണ് ലഭിച്ചത്. ഉപ തെരഞ്ഞെടുപ്പിൽ ആരെ പിന്തുണയ്ക്കുമെന്ന് ട്വന്റി 20 ഇനിയും വ്യക്തമാക്കിയിട്ടില്ല. മത്സര രംഗത്തില്ലാത്തതിനാൽ ആം ആദ്മി പാർട്ടിയുടേയും ട്വന്റി 20യുടേയും വോട്ടുകൾ തങ്ങൾക്ക് ലഭിക്കുമെന്നാണ് ബിജെപിയുടെ പ്രതീക്ഷ.