കോൺഗ്രസുകാർ മറ്റ് ശവക്കല്ലറകൾക്ക് മുകളിൽ ചെരുപ്പിട്ട് കയറി നിന്നിട്ടുള്ള ദൃശ്യങ്ങൾ പുറത്തുവന്നിട്ടുണ്ട്. അത് ആരുടെയൊക്കെയോ പ്രിയപ്പെട്ടവർ അന്തിയുറങ്ങുന്ന സ്ഥലമാണ്
ഹൈലൈറ്റ്:
- ശവക്കല്ലറയിൽ ചെരുപ്പിട്ട് കയറിയവർ മാപ്പ് പറയണം
- സതീശന്‍റെ ലക്ഷ്യം അടുത്ത തെരഞ്ഞെടുപ്പിൽ മുഖ്യമന്ത്രി സ്ഥാനാർഥിത്വം
- പ്രതിപക്ഷ നേതാവിനെതിരെ എം സ്വരാജ്
തൃക്കാക്കരയില്‍ ജയിച്ചാല്‍, അടുത്ത നിയമസഭ തെരഞ്ഞെടുപ്പില്‍ യുഡിഎഫിന്‍റെ മുഖ്യമന്ത്രി സ്ഥാനാര്‍ഥിയാകാമെന്നാണ് വിഡി സതീശന്‍റെ കണക്ക് കൂട്ടൽ. മുതിര്‍ന്ന കോണ്‍ഗ്രസ് നേതാക്കളെ അപ്രസക്തരാക്കി താന്‍ ഒറ്റയ്ക്ക് തെരഞ്ഞെടുപ്പിനെ നേരിടാമെന്ന ധാരണയോടെയാണ് സതീശന് പ്രചരണത്തിലേക്ക് കടന്നത്. എന്നാല്‍ അത് പാളിയെന്ന് സതീശന് ബോധ്യപ്പെട്ടുവെന്നും സ്വരാജ് പറഞ്ഞതായി വിവിധ മാധ്യമങ്ങൾ റിപ്പോർട്ട് ചെയ്തു. ഇടത് സ്ഥാനാർഥിയെ തൃക്കാക്കര മണ്ഡലം നെഞ്ചിലേറ്റിയെന്നും എം സ്വരാജ് അവകാശപ്പെട്ടു.
Also Read : പി സി ജോ‍‍ർജ് ഇറങ്ങിയാൽ ബിജെപിക്ക് ഗുണം; തൃക്കാക്കരയിലേക്ക് ക്ഷണിക്കുമെന്ന് എ എൻ രാധാകൃഷ്ണൻ
യുഡിഎഫ് സ്ഥാനാർഥിയുടെ പ്രചാരണത്തിനിടെ കോൺഗ്രസുകാർ ശവക്കല്ലറയിൽ ചെരുപ്പിട്ട് കയറിയ സംഭവത്തിൽ മാപ്പുപറയണമെന്നും എം സ്വരാജ് ആവശ്യപ്പെട്ടു. യുഡിഎഫ് സ്ഥാനാർഥിയുടെ പ്രചാരണം ആരംഭിച്ചത് ശവക്കല്ലറയിൽ പോയി പ്രാർഥിച്ചിട്ടാണ്. കൂടെയെത്തിയ കോൺഗ്രസുകാർ മറ്റ് ശവക്കല്ലറകൾക്ക് മുകളിൽ ചെരുപ്പിട്ട് കയറി നിന്നിട്ടുള്ള ദൃശ്യങ്ങൾ പുറത്തുവന്നിട്ടുണ്ട്. അത് ആരുടെയൊക്കെയോ പ്രിയപ്പെട്ടവർ അന്തിയുറങ്ങുന്ന സ്ഥലമാണ്. ഈ സംഭവത്തിൽ അവർ മാപ്പുപറയണം സ്വരാജ് പറഞ്ഞതായി ട്വന്‍റിഫോർ ന്യൂസ് റിപ്പോർട്ട് ചെയ്തു.
ക്യാമറയിൽ മുഖംവരാൻവേണ്ടി തിക്കിത്തിരക്കുമ്പോഴാണ് ഇത്തരത്തിലൊരു സംഭവമുണ്ടായത്. കോൺഗ്രസ് പ്രവർത്തകർ അറിഞ്ഞുകൊണ്ട് ചെയ്തതാണെന്ന അഭിപ്രായം സിപിഎമ്മിനില്ല. അതുകൊണ്ടാണ് അത് ഒരു വിഷയമാക്കി ഉയർത്താൻ ഇടതുപക്ഷം തയ്യാറാവാത്തതെന്നും എം സ്വരാജ് വ്യക്തമാക്കി.
Also Read : ‘പി.ടിയുടെ നമ്പരിൽ നിന്ന് ഒരു കോൾ വന്നു, പെട്ടെന്ന് ഫോൺ എടുത്തു’; ഉമ ചേച്ചിയുടെ തീരുമാനം നൽകുന്ന ആശ്വാസം ചെറുതല്ലെന്ന് പിസി വിഷ്ണുനാഥ്
കഴിഞ്ഞതവണ ട്വന്‍റി 20യ്ക്ക് വോട്ട് ചെയ്തവർ ഇത്തവണ വികസനത്തിന് വോട്ട് ചെയ്യും. തൃക്കാക്കരക്കാര്‍ ഇത്തവണ നാടിന്‍റെ വികസനത്തിന് വേണ്ടി ഇടതുപക്ഷത്തെ പിന്തുണയ്ക്കുമെന്നും സ്വരാജ് പറഞ്ഞു. യുഡിഎഫിന് പിന്തുണ കിട്ടില്ലെന്ന് അറിയാവുന്നത് കൊണ്ടാണ് അവര്‍ ട്വന്‍റി20യുടെ പിന്തുണ തേടിയത്. കോണ്‍ഗ്രസ് പ്രവര്‍ത്തകരില്‍ ഒരു വിഭാഗം ഇത്തവണ വികസനത്തെ പിന്തുണയ്ക്കും. നാല് കൊല്ലം പാഴാക്കാന്‍ കോണ്‍ഗ്രസ് പ്രവര്‍ത്തകരും തയ്യാറാകില്ലെന്നും എം സ്വരാജ് മാധ്യമങ്ങളോട് പറഞ്ഞു.
അതേസമയം തൃക്കാക്കരയിലെ ഇടതുമുന്നണി സ്ഥാനാർഥി ഡോ. ജോ ജോസഫ് നാമനിർദേശ പത്രിക സമർപ്പിച്ചു. മന്ത്രി പി രാജീവ്, ജോസ് കെ മാണി എം പി, എം സ്വരാജ് എന്നിവർക്കൊപ്പം പ്രകടനമായി കളക്ടറേറ്റിൽ എത്തിയാണ് പത്രിക നൽകിയത്.
താജ് മഹൽ ഹിന്ദുക്ഷേത്രമോ? വാദങ്ങൾ ഇങ്ങനെ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : cpim leader m swaraj on vd satheesan in thrikkakara by election campaign
Malayalam News from Samayam Malayalam, TIL Network
