തൃക്കാക്കരയില്‍ താരം ക്രൈസ്തവ സഭ; നടക്കാൻ പോകുന്നത് ശക്തമായ ത്രികോണ മത്സരം: വെള്ളാപ്പള്ളി

Also Read : ആം ആദ്മി വോട്ടർമാർ ആർക്കൊപ്പം? തനിക്ക് അനുകൂലമാകുമെന്ന് ജോ; ആത്മവിശ്വാസത്തോടെ ബിജെപിയും



ആര്‍ക്കാണ് എസ്എന്‍ഡിപിയുടെ പിന്തുണയെന്ന കാര്യം പുറത്ത് പറയേണ്ടതില്ല. സഭ വിളങ്ങി തിളങ്ങി നിൽക്കുകയാണ്. സ്ഥാനാർഥികൾ ആരും താരമല്ല. സഭയാണ് താരമെന്നും അദ്ദേഹം പറഞ്ഞു. കുറച്ച് ദിവസം കഴിയുമ്പോൾ സഭയെ താഴെവെച്ച് സ്ഥാനാർഥികളെ താരം ആക്കിയേക്കുമെന്നും അദ്ദേഹം ചൂണ്ടിക്കാട്ടി.

വെള്ളാപ്പള്ളി നടേശനുമായി വളരെ കാലത്തെ ബന്ധമാണ് ഉള്ളതെന്നാണ് എൻഡിഎ സ്ഥാനാർഥി എഎൻ രാധാകൃഷ്ണൻ സന്ദർശനത്തിന് പിന്നാലെ പറഞ്ഞത്. പൊതുപ്രവർത്തനത്തിന്‍റെയും പൊതുജിവിതത്തിന്‍റെയും ഭാഗമായി എന്നും സന്ദർശിക്കുന്നിടമാണ് വെള്ളാപ്പള്ളിയുടെ വീട്. സാധാരണക്കാർക്ക് എന്നും ആശ്വാസമാണ് വെള്ളാപ്പള്ളിയെന്നും അതിനാലാണ് അദ്ദേഹത്തെ കാണാനും അനുഗ്രഹം വാങ്ങാനും എത്തിയതെന്നും രാധാകൃഷ്ണൻ പറഞ്ഞു.

Also Read : ശവക്കല്ലറയിൽ ചെരുപ്പിട്ട് കയറിയവർ മാപ്പ് പറയണം; സതീശന്‍റെ ലക്ഷ്യം മുഖ്യമന്ത്രി സ്ഥാനാർഥിത്വം: എം സ്വരാജ്



ആം ആദ്മിയും ട്വന്‍റി 20യും മത്സരിക്കാനില്ലെന്ന് വ്യക്തമാക്കിയതോടെ തൃക്കാക്കരയിൽ തെരഞ്ഞെടുപ്പ് ചിത്രം വ്യക്തമായിരിക്കുകയാണ്. കോൺഗ്രസ് സീറ്റ് നിലനിർത്താൻ, മുൻ എംഎൽഎ പി ടി തോമസിന്‍റെ ഭാര്യ ഉമ തോമസ് മത്സരിക്കുമ്പോൾ സീറ്റ് പിടിച്ചെടുക്കാൻ സിപിഎം നിയോഗിച്ചിരിക്കുന്നത് ഡോ. ജോ ജോസഫിനെയാണ്.

തൃക്കാക്കരയിലെ ഇടതു വലതു മുന്നണി സ്ഥാനാർഥികൾ ഇന്ന് നാമനിർദേശ പത്രിക സമർപ്പിക്കുകയും ചെയ്തു. എൽഡിഎഫ് സ്ഥാനാർഥി ഡോ. ജോ ജോസഫാണ് ആദ്യം നാമനിർദേശ പ്രതിക നൽകിയത്. മന്ത്രി പി രാജീവ്, ജോസ് കെ മാണി, എം സ്വരാജ് എന്നിവർക്കൊപ്പം പ്രകടനമായി കളക്ടറേറ്റിൽ എത്തിയാണ് ഇടതു സ്ഥാനാർഥി വരണാധികാരിക്ക് നാമനിർദേശ പത്രിക കൈമാറിയത്. 12 മണിയോടെ സൈക്കിൾ റിക്ഷയിൽ എത്തിയാണ് യുഡിഎഫ് സ്ഥാനാർഥി ഉമ തോമസ് പത്രിക സമർപ്പിച്ചത്.