നരയെല്ലാം ഇനി പമ്പകടക്കും ഈ ഹെയര്‍പാക്ക് ഉപയോഗിച്ചാല്‍

അമിതമായി ടെന്‍ഷന്‍ അടിക്കുന്നവര്‍ മാനസിക സമ്മര്‍ദ്ദമുള്ളവര്‍ എന്നിവര്‍ക്കെല്ലാം വളരെ വേഗത്തില്‍ നരബാധിക്കുവാനുള്ള സാധ്യതകളും വളരെ കൂടുതലാണ്. കൂടാതെ മുടി നന്നായി കൊഴിഞ്ഞുപോയി കഷണ്ടി വരുന്നതും ഇതിന്റെ പരിണിതഫലമാണ്. കൂടാതെ, ബിപി വളരെ കൂടുതലുള്ളവരിലും ഉറക്കം തീരെയില്ലാത്തവരിലും അകാലനരയുടെ ലക്ഷണങ്ങള്‍ കണ്ടുവരുന്നുണ്ട്. അതേപോലെതന്നെ പല ആരോഗ്യപ്രശ്‌നങ്ങളും അകാലനരയ്ക്ക് കാരണമാകാറുണ്ട്. അതില്‍ പ്രധാനപ്പെട്ടതാണ് തൈറോയ്ഡ്. തൈറോയ്ഡിന്റെ ബുദ്ധിമുട്ടുള്ളവരില്‍ അകാലനര സര്‍വ്വസാധാരണയായി കണ്ടുവരുന്ന ഒന്നാണ്.

ഈ ഉൽപ്പന്നങ്ങൾ മുടിയിൽ എപ്പോൾ, എങ്ങനെ ഉപയോഗിക്കണം എന്നറിയാമോ?

നല്ല ആരോഗ്യശീലം പിന്തുടര്‍ന്നും കൃത്യമായി ഡോക്ടറെ കണ്ട് മരുന്ന് കഴിച്ചാല്‍ മാറാവുന്നതാണ് കേശസംരക്ഷണവുമായി ബന്ധപ്പെട്ട ഒട്ടുമിക്ക പ്രശ്‌നങ്ങളും. എന്നാല്‍, പ്രായമാകുമ്പോള്‍ ഉണ്ടാകുന്നതും അതേപോലെതന്നെ അസുഖംമൂലം വരുന്നതുമായ നരകള്‍ മാറ്റുവാന്‍ പുറത്തു നിന്നും കളറിംഗ് പൗഡര്‍ വാങ്ങാതെ വീട്ടില്‍ തികച്ചും നാച്ചുറലായി ഉണ്ടാക്കുവാന്‍ സാധിക്കുന്ന പലപാക്കുകളുണ്ട് അത്തരത്തില്‍ ഒരു പാക്ക് നമുക്ക് പരിചയപ്പെടാം.

നീലയമരി, കയ്യൂന്നി (കഞ്ഞുണ്ണി), മൈലാഞ്ചി ഹെയര്‍ പാക്ക്



നമ്മള്‍ മലയാളികളുടെ മുറ്റത്ത് ഒരുകാലത്ത് സുലഭമായി നട്ടുവളര്‍ത്തിയിരുന്ന ചെടിയാണ് മൈലാഞ്ചി. നഖങ്ങളുടെ സംരക്ഷണത്തിനും അണുബാധകളില്‍ നിന്നും കാല്‍വിരലുകളെ സംരക്ഷിക്കുന്നതിനെല്ലാം വര്‍ഷകാലത്ത് മൈലാഞ്ചി ഉപയോഗിച്ചിരുന്നു. അതേപോലെതന്നെ നമ്മുടെ പറമ്പിലെല്ലാം സുലഭമായി വളര്‍ന്നു വന്നിരുന്ന ഔഷധ ചെടികളാണ് നീലയമരിയും കയ്യൂന്നിയുമെല്ലാം.

പണ്ടുകാലത്ത് കേശ സംരക്ഷണത്തിന് താളിയായി ഉപയോഗിച്ചിരുന്നവയായിരുന്നു ഇവ. ഇന്നും, തൊടിയിലും പറമ്പിലുമെല്ലാം ഒന്നുതപ്പിയാല്‍ കണ്ടുകിട്ടാവുന്ന ഒരു നാടന്‍ ചെടികളാണിവ.

പാക്ക് തയ്യാറാക്കുന്ന വിധം



മൈലാഞ്ചി- 1 കപ്പ്

കയ്യൂന്നി (കഞ്ഞുണ്ണി)- 1 കപ്പ്

നീലയമരി- 1 കപ്പ്

ഇവ എല്ലാം നന്നായി കഴുകിയെടുത്ത് മിക്‌സിയുടെ ജാറില്‍ നന്നായി അരച്ചെടുക്കുക. ആവശ്യമെങ്കില്‍ കുറച്ച് വെള്ളം ചേര്‍ക്കാം. വെള്ളം അധികമാവാതെ പ്രത്യേകം ശ്രദ്ധിക്കണം. നല്ല പേസ്റ്റ് രൂപത്തില്‍ അരച്ചെടുത്ത ഈ പാക്ക് മുടിയിഴകളില്‍ തേച്ച് പിടിപ്പിക്കുക. ഈ പാക്ക് തലയോട്ടിയില്‍ ആവാതെ ശ്രദ്ധിക്കുന്നത് നല്ലതായിരിക്കും. ഒരു അരമണിക്കൂര്‍ നേരം തേച്ചുപിടിപ്പിച്ച് ഇരുന്നതിനുശേഷം നോര്‍മല്‍ വാട്ടര്‍ ഉപയോഗിച്ച് തലകഴുകാവുന്നതാണ്. തലകഴുകുന്നതിനായി അധികം കെമിക്കല്‍സ് ഇല്ലാത്ത ഷാംപൂ ഉപയോഗിക്കുന്നതായിരിക്കും നല്ലത്. പാക്കിന്റെ ഗുണങ്ങള്‍ എന്തെല്ലാമെന്ന് നമുക്ക് നോക്കാം.

1. കയ്യൂന്നിയും നീലാംബരിയും തലയിലെ ചൂട് കുറയ്ക്കുന്നതിനും ഇതിലൂടെ കണ്ണുകള്‍ക്ക് കുളിര്‍മയേകുന്നതിനും സഹായിക്കും.

2. മുടിയിഴകള്‍ക്ക് നാച്ചുറല്‍ കളര്‍ കൊണ്ടുവരുന്നതിനും മുടിയിഴകള്‍ കൂടുതല്‍

കരുത്തുറ്റതാക്കുന്നതിനും ഈ പാക്ക് സഹായിക്കും.

3. ഈ പാക്കിനൊപ്പം നെല്ലിക്ക, ചെറുനാരങ്ങ എന്നിവ ചേര്‍ക്കുന്നത് മുടിയുടെ വളര്‍ച്ചയ്ക്കും വൈറ്റമിന്‍ സി മുതലായ പോഷകങ്ങള്‍ ലഭിക്കുന്നതിനും സഹായകമാണ്.

4. നല്ല ഉറക്കം ലഭിക്കുന്നതിന് സഹായിക്കും.

ശ്രദ്ധിക്കേണ്ട കാര്യങ്ങള്‍



കഫത്തിന്റെ ബുദ്ധിമുട്ടുള്ളവര്‍ ഇത്തരം പാക്കുകള്‍ ഉപയോഗിക്കാതിരിക്കുകയായിരിക്കും നല്ലത്. കാരണം ഇതിലെ ചേരുവകള്‍ കൂടുതല്‍ തണുപ്പ് ഉണ്ടാക്കുന്നതിനാല്‍ നീരിറങ്ങുവാനുള്ള സാധ്യത കൂടുതലാണ്. ഉപയോഗിക്കുകയാണെങ്കില്‍ എണ്ണതേക്കാതെ പാക്ക് ഇട്ടതിനുശേഷം ഒരു 15 മിനിറ്റിനുള്ളില്‍ കഴുകി കളയുക.

ഹെയര്‍കെയര്‍ പാക്കുകളെല്ലാം രാവിലെതന്നെ ഉപയോഗിക്കുന്നതാണ് കുറച്ചുംകൂടെ ഉത്തമം. രാത്രിയിലോ ഉച്ചസമയത്തോ ഉപയോഗിച്ചാല്‍ പനി, ജലദോഷം മുതലായ രോഗങ്ങള്‍ വരുവാനുള്ള സാധ്യത കൂടുതലാണ.

അതേപോലെതന്നെ, ഇത്തരം പാക്കുകള്‍ ഉപയോഗിച്ച് കുളിച്ചതിനുശേഷം നേരെ പുറത്തേയ്ക്കിറങ്ങുന്നതും നീരിറക്കം പോലുള്ള ബുദ്ധിമുട്ടുകള്‍ ുണ്ടാക്കും. പരമാവധി മുടി നന്നായി ഉണക്കിയതിനുശേഷം മാത്രം പുറത്തേയ്ക്കിറങ്ങുക.