മെക്കിൾ ജാക്‌സന്റെ ത്രില്ലറും ഷക്കിറയുടെ വക്ക വക്ക ഗാനവുമൊക്കെ എല്ലാവർക്കും ഏറെ സുപരിചിതവും പ്രിയങ്കരവുമാണ്. വർഷങ്ങൾക്ക് മുൻപുള്ള ഈ ഗാനങ്ങളുടെ ജനപ്രീതി വളരെ കൂടൂതലാണ്. ഇപ്പോഴും ഈ ഗാനങ്ങൾ ടിവി ഷോകളിലും പരിപാടികളിലുമൊക്കെ പ്രത്യക്ഷപ്പെടാറുണ്ട്. അതുകൊണ്ട് തന്നെ എല്ലാവർക്കും വളരെ സുപരിചിതമാണ് ഈ ഗാനങ്ങൾ.
യുകെയിലെ സൗത്ത് പോസ്റ്റിൽ നിന്നുള്ള ഒരു വൃദ്ധനാണ് ഇപ്പോൾ സോഷ്യൽ മീഡിയയിൽ എല്ലാവരെയും ഞെട്ടിച്ചിരിക്കുന്നത്. തുറന്ന സദസിൽ അതി ഗംഭീര നൃത്തമാണ് ഇയാൾ നടത്തിയത്. ഗുഡ് ന്യൂസ് മൂവ്‌മെന്റ് എന്ന ഇൻസ്റ്റാഗ്രാം പേജാണ് വീഡിയോ പുറത്ത് വിട്ടത്. ഏകദേശം 2 മില്യൺ ആളുകൾ ഇതിനോടകം വീഡിയോ കണ്ടു കഴിഞ്ഞു.
ചടുലമായ നൃത്ത ചുവടുകളുമായാണ് സോഷ്യൽ മീഡിയയെ ഈ വൃദ്ധൻ അമ്പരിപ്പിച്ചത്. നൃത്തം ചെയ്യാൻ പ്രായം ഒരു പ്രശ്‌നമേ അല്ല എന്ന് തെളിയിച്ചിരിക്കുകയാണ് ഇദ്ദേഹം. ഒരു കഫേയുടെ മുന്നിൽ നിന്നുള്ള ഈ പ്രകടനം മറ്റൊരു വഴിപോക്കനാണ് റെക്കോർഡ് ചെയ്തത്. ചുറ്റുമുള്ളവരെ ഒന്നും ശ്രദ്ധിക്കാതെ സ്വന്തം സന്തോഷം തേടുകയാണ് ഈ വൃദ്ധൻ.
Also read: ഫിറ്റ്‌നെസിന് പ്രായമില്ലെന്ന് തെളിയിച്ച് 76 വയസുകാരി; ഞെട്ടി സോഷ്യൽ മീഡിയ
ജീവിതത്തെ ഇദ്ദേഹത്തെ പോലെ ലളിതമായി കാണൂ. സ്വയം ഗൗരവമുള്ളവർ ആകാതിരിക്കൂ, മറ്റാരും അങ്ങനെ എടുക്കാറില്ല. ഇതായിരുന്നു വീഡിയോയ്ക്ക് നൽകിയിരിക്കുന്ന അടിക്കുറിപ്പ്. എന്തായാലും സംഗതി സോഷ്യൽ മീഡിയ ഏറ്റെടുത്ത് കഴിഞ്ഞു.
കുറച്ച് നാളുകൾക്ക് മുൻപാണ് ഇന്ത്യയിൽ നിന്നുള്ള സജീവ് ശ്രീവാസ്തവ ഇതേ രീതിയിൽ നൃത്തം ചെയ്ത് സോഷ്യൽ മീഡിയയിൽ വൈറലായത്. സോഷ്യൽ മീഡിയ ഡാൻസിംഗ് അങ്കിൾ എന്ന് വിശേഷിപ്പിച്ച ഭോപ്പാൽ സ്വദേശിയായ സജീവ് ഒരു അധ്യാപകൻ കൂടിയായിരുന്നു. ഒരു വിവാഹ വേദിയിൽ ബോളിവുഡ് നടൻ ഗോവിന്ദയെ പോലെ അദ്ദേഹം ചെയ്ത് നൃത്തമാണ് തരംഗമായത്. 2018ലായിരുന്നു ആ വീഡിയോ വൈറലായത്.
Web Title : an old man dancing for popular videos goes viral
Malayalam News from Samayam Malayalam, TIL Network
