ആരോഗ്യത്തോടെ ഇരിക്കാൻ ആഗ്രഹിക്കാത്തവരായി ആരും ഉണ്ടാകില്ല. ഫിറ്റ്‌നെസിന് പ്രായ പരിധിയില്ല എന്നത് തെളിയിക്കുകയാണ് 76 വയസുള്ള മോഡലാണ് ഇപ്പോൾ സോഷ്യൽ മീഡിയയിലെ താരം.
5 വർഷത്തെ തന്റെ ഫിറ്റ്‌നെസ് യാത്രയും അതിലൂടെ ഉണ്ടായ രൂപമാറ്റവുമാണ് കാനഡയിൽ നിന്നുള്ള ജോവാൻ മക്‌ഡൊണാൾഡ് സോഷ്യൽ മീഡിയയിൽ പങ്കുവച്ചത്.
5 വർഷങ്ങൾക്ക് മുൻപ് ഉയർന്ന രക്ത സമ്മർദവും തളർച്ചയും ജോവാനെ വല്ലാതെ വിഷമിപ്പിച്ചിരുന്നു. പടികൾ കയറാൻ പോലും കഴിഞ്ഞിരുന്നില്ല. ദൈനംദിന ജീവിതത്തിൽ ചില മാറ്റങ്ങൾ വരുത്തി ആരോഗ്യകരവും സന്തോഷകരവുമായ ജീവിതം നയിക്കാൻ എടുത്ത തീരുമാനമാണ് ഈ 76 വയസുകാരിയുടെ ജീവിതം മാറ്റി മറിച്ചത്.
ഇൻസ്റ്റാഗ്രാമിൽ 1.6 മില്യൺ ഫോളോവേഴ്‌സുള്ള ജോവാൻ തന്റെ രൂപ മാറ്റത്തിന്റെ ഫോട്ടോകൾ പങ്കുവച്ചതോടെ നിരവധി പേരാണ് കമന്റുകളും ലൈക്കുകളുമായി എത്തിയത്. തനിക്ക് ചെയ്യാൻ സാധിക്കുമോ എന്ന ചിന്തിച്ചതിലും കൂടുതൽ നേടാൻ അവർക്ക് സാധിച്ചു. കഠിനാധ്വാനവും വ്യായാമം ചെയ്യാനുള്ള മനസ്സുമാണ് ജോവാന്റെ ഈ മാറ്റത്തിന്റെ പ്രധാന കാരണം. പ്രൊഫഷണൽ ഫിറ്റ്‌നെസ് ട്രെയിനർ കൂടിയാണ് ജോവാൻ.
Also read: ആൺകുട്ടികൾക്ക് ജന്മം നൽകി ഇരട്ട സഹോദരിമാർ; ഒരേ ദിവസം, ഒരേ ആശുപത്രി, ഒരേ തൂക്കം
ഞാൻ ആരംഭിച്ചപ്പോൾ ഉള്ള ഫിറ്റ്‌നെസ് ചിന്താഗതി അല്ല ഇപ്പോൾ എനിക്കുള്ളത്. എനിക്ക് കൂടുതൽ ആത്മവിശ്വാസം ലഭിച്ചു. ഇതേ ജീവിത രീതിയിൽ തുടാരനും ഞാൻ ആഗ്രഹിക്കുന്നുന്നുണ്ടെന്നും തന്റെ ചിത്രത്തിനൊപ്പം പങ്കുവച്ച കുറിപ്പിൽ ജോവാൻ പറയുന്നു.
ആരോഗ്യകരമായ ജീവിത ശൈലി ഉണ്ടാകേണ്ടത് വളരെ അത്യാവശ്യമാണ്. തടിയും ആരോഗ്യ പ്രശ്‌നങ്ങളും കൂടി കൊണ്ടിരിക്കുന്ന ഈ തലമുറയിൽ ജീവിത ശൈലിയിൽ മാറ്റങ്ങൾ വരുത്തി ഫിറ്റ്‌നെസ് നിലനിർത്തേണ്ടത് വളരെ പ്രധാനമാണ്. അനാവശ്യ അസുഖങ്ങളും ബുദ്ധിമുട്ടുകളും ഒഴിവാക്കാൻ ഇത് ഒരു പരിധി വരെ സഹായിച്ചേക്കും.
ചിത്രങ്ങൾ: Instagram/ trainwithjoan
Web Title : 76 year old fitness model shared photos on social media goes viral
Malayalam News from Samayam Malayalam, TIL Network
