അടിമുടി ജാതീയതയും അഴിമതിയും; കോൺഗ്രസിനെതിരെ ഹാർദ്ദിക് പട്ടേൽ

Also Read: നവജ്യോത് സിങ്ങ് സിദ്ദുവിന് ഒരു വർഷത്തെ തടവ് ശിക്ഷ; ഉടൻ കീഴടങ്ങണമെന്ന് സുപ്രീം കോടതി

നിയമസഭാ തെരഞ്ഞെടുപ്പിന് ഒരാഴ്ച മുമ്പ് ഹാർദ്ദിക് പട്ടേൽ ബിജെപിയിൽ ചേരുമെന്ന വാർത്ത അദ്ദേഹം നിഷേധിച്ചു. ഈ ഘട്ടത്തിൽ അത്തരത്തിലൊരു തീരുമാനം എടുത്തിട്ടില്ലെന്ന് അദ്ദേഹം വ്യക്തമാക്കി.

അതേസമയം വാർത്താ സമ്മേളനത്തിൽ പാട്ടിദാർ നേതാക്കളോട് അദ്ദേഹം മാപ്പ് പറഞ്ഞു. മുതിർന്ന പാട്ടിദാർ നേതാക്കൾ കോൺഗ്രസിൽ ചേരരുതെന്ന് മുന്നറിയിപ്പ് തന്നിരുന്നു. മുതിർന്ന നേതാക്കളോടും പ്രവർത്തകരോടും മാപ്പ് ചോദിക്കുകയാണ്. അവർ നൽകിയ മുന്നറിയിപ്പ് താൻ ഇപ്പോൾ തിരിച്ചറിയുന്നുവെന്നും ഹാർദ്ദിക് പട്ടേൽ പറഞ്ഞു.

രാഹുൽ ഗാന്ധിയുടെ ഗുജറാത്ത് സന്ദർശന വേളയിൽ അദ്ദേഹത്തിന് ഏത് ചിക്കൻ സാൻഡ്‌വിച്ച് നൽകണമെന്നാണ് കോൺഗ്രസ് നേതാക്കൾ ചർച്ച ചെയ്തത്. ജാതി രാഷ്ട്രീയമല്ലാതെ കോൺഗ്രസിൽ ഒന്നും നടക്കുന്നില്ല- ഹാർദ്ദിക് പട്ടേൽ പറഞ്ഞു.

Also Read: പഞ്ചാബ് കോൺഗ്രസ് മുൻ അധ്യക്ഷൻ സുനിൽ ഝാക്കർ ബിജെപിയിലേക്ക്

കോൺഗ്രസിന്റെ പ്രാഥമികാംഗത്വത്തിൽ നിന്നും രാജിവെച്ചുകൊണ്ടുള്ള കത്തിൽ കോൺഗ്രസിനെതിരെ രൂക്ഷ വിമർശനമാണ് ഹാർദ്ദിക് പട്ടേൽ ഉയർത്തുന്നത്. പ്രധാനമന്ത്രി നരേന്ദ്ര മോദിയുടെ നേതൃത്തിലുള്ള കേന്ദ്രസർക്കാരിന്റെ പ്രവർത്തികളെ കണ്ണടച്ച് എതിർക്കുക മാത്രമാണ് കോൺഗ്രസ് ചെയ്യുന്നതെന്ന് കത്തിൽ പരാമർശിച്ചിരുന്നു.

സംസ്ഥാന കോൺഗ്രസ് ഘടകത്തിന്റെ ഒരു പരിപാടിയിലേക്കും തന്നെ ക്ഷണിക്കാറില്ലെന്നും രണ്ട് വർഷത്തോളം തന്നെ ഒരു ഉത്തരവാദിത്വവും ഏൽപ്പിച്ചിരുന്നില്ലെന്നും അദ്ദേഹം പറഞ്ഞു. കടലാസിൽ മാത്രമായിരുന്നു തന്റെ പദവിയെന്നും ഹാർദ്ദിക് പട്ടേൽ കുറ്റപ്പെടുത്തി.