മുട്ടോളം വെള്ളത്തിൽ ഇറങ്ങാൻ വയ്യ, പ്രളയ അവലോകനത്തിനെത്തിയ ബിജെപി എംഎൽഎ രക്ഷാപ്രവർത്തകന്റെ തോളിൽ കയറി; വിവാ​ദം

രക്ഷാപ്രവർത്തനത്തിന് എത്തിയ ഉദ്യോഗസ്ഥന്റെ തോളിൽ കയറിയായിരുന്നു എംഎൽഎ വെള്ളക്കെട്ട് കടന്നത്. സമൂഹമാധ്യമങ്ങളിൽ വീഡിയോ വൈറലായതോടെ കടുത്ത ഭാഷയിലുള്ള വിമർശനങ്ങളാണ് എംഎൽഎയ്ക്ക് നേരെ ഉയർന്നിരിക്കുന്നത്.

വാർത്താ ഏജൻസിയായ എഎൻഐ ട്വീറ്റ് ചെയ്ത വീഡിയോയിൽ, കണങ്കാൽ മാത്രം ആഴത്തിലുള്ള വെള്ളത്തിൽ, കഷ്ടിച്ച് ഏതാനും ചുവടുകൾ മാത്രം അകലെയുള്ള ബോട്ടിലേക്ക് രക്ഷാപ്രവർത്തകൻ എംഎൽഎയെ തോളിൽ ഏറ്റി കൊണ്ടുപോകുന്നത് വ്യക്തമാണ്.

വടക്ക് കിഴക്കൻ സംസ്ഥാനത്തെ 27 ജില്ലകളിൽ നാശം വിതച്ച പ്രളയത്തിൽ ഒമ്പത് പേരോളം കൊല്ലപ്പെടുകയും 6.6 ലക്ഷത്തിലധികം ആളുകളെ ബാധിക്കുകയും ചെയ്തിട്ടുണ്ട്. ഇതിനിടെ എംഎൽഎയായ സിബു മിശ്ര വിവേചനപരമായി പെരുമാറി എന്ന് കാണിച്ചാണ് വിമർശിക്കപ്പെടുന്നത്. പ്രദേശത്തെ വെള്ളപ്പൊക്ക സാഹചര്യം അവലോകനം ചെയ്യാനാണ് എംഎൽഎ ഹോജായ് ജില്ലയിൽ എത്തിയത്.

Also Read : നവജ്യോത് സിങ്ങ് സിദ്ദുവിന് ഒരു വർഷത്തെ തടവ് ശിക്ഷ; ഉടൻ കീഴടങ്ങണമെന്ന് സുപ്രീം കോടതി

ഇതുവരെയുള്ള മഴക്കെടുതിയിൽ 48,000ത്തിലധികം ആളുകളാണ് 248 ഓളം വരുന്ന ദുരിതാശ്വാസ ക്യാമ്പുകളിലേക്ക് മാറിയിരിക്കുന്നത്. ഹോജായ്, കച്ചർ എന്നീ ജില്ലകളിലാണ് പ്രളയം ഏറ്റവും നാശം വിതച്ചിരിക്കുന്നത്. ഈ ജില്ലകളിലായി ഓരോ ലക്ഷം ആളുകൾക്ക് വീതമാണ് നാശമുണ്ടായിരിക്കുന്നത് എന്നാണ് എൻഡിടിവി റിപ്പോർട്ട് ചെയ്യുന്നത്.

കരസേന, പാരാ മിലിട്ടറി സേന, എസ്ഡിആർഎഫ്, ഫയർ ആൻഡ് എമർജൻസി സർവീസസ് എന്നിവ സംസ്ഥാനത്തെ പ്രളയ ബാധിത പ്രദേശങ്ങളിൽ രക്ഷാപ്രവർത്തനം നടത്തിവരികയാണ്. സംസ്ഥാനത്തിന്റെ വിവിധ ഭാഗങ്ങളിൽ നിരവധി റോഡുകളും പാലങ്ങളും കനാലുകളും തകർന്നിട്ടുണ്ട്.

Also Read : ‘സംഗീത അധ്യാപികയായ ഭാര്യയ്ക്ക് വിദ്യാർഥിനിയുമായി ലൈംഗികബന്ധം’; പരാതിയുമായി ഭർത്താവ്, അറസ്റ്റ്

വൻതോതിലുള്ള ഉരുൾപൊട്ടലും വെള്ളക്കെട്ടും മൂലം മലയോര പ്രദേശത്ത് റെയിൽവേ ട്രാക്ക്, പാലങ്ങൾ, റോഡ്, ആശയവിനിമയ സംവിധാനങ്ങൾ എന്നിവയ്ക്കും കാര്യമായ തകരാറുകൾ ഉണ്ടായിട്ടുണ്ട്.