ഓമനത്തമുള്ള നായ്ക്കുട്ടികളെ എല്ലാവർക്കും വളരെ ഇഷ്ടമാണ്. വീട്ടിൽ വളർത്തുന്ന ഡാഷ്, പോമറേനിയൻ, ബീഗൾ തുടങ്ങി

ചെറിയ ഇനം ചില നായ്ക്കുട്ടികള്‍ അനുസരണയുള്ളതും ആകർഷണമുള്ളതുമാണ്. കാഴ്ചയിലും ഇടപെടുമ്പോൾ അപകടകാരികളുമായ ചില നായ്ക്കളെ കുറിച്ചാണ് ഇനി പറയാൻ പോകുന്നത്. ലോകത്തിലെ ചില രാജ്യങ്ങളിൽ ഇവയിൽ പലതിനും നിരോധനവുമുണ്ട്. നിർബന്ധിത മൈക്രോചിപ്പിംഗ്, പ്രത്യേക പെർമിറ്റ് നേടൽ, നിർബന്ധിത വന്ധ്യംകരണം ഇവയെ വളർത്താനുള്ള പെർമിഷനുകൾ തുടങ്ങിയ വ്യവസ്ഥകളോടെ മാത്രമേ ഈ രാജ്യങ്ങളിൽ ഇവയെ വളർത്താൻ സാധിക്കൂ.

​പിറ്റ്ബുള്‍

ഇതുവരെ ലഭ്യമായ കണക്കുകള്‍ വച്ച് നോക്കിയാല്‍ പിറ്റ് ബുളാണ് ലോകത്തിലെ തന്നെ ഏറ്റവും അപകടകാരിയായ നായ. ഉടമസ്ഥര്‍ അല്ലാത്തവരോട് അക്രമകാരികളാണ്. സാമൂഹിക പരിശീലനം നല്‍കിയാലും സാഹചര്യങ്ങള്‍ക്ക് അനുസരിച്ചാണ് ഇവ പെരുമാറുന്നത്. ഇവയുടെ അക്രമ ശീലം വളര്‍ത്താനുള്ള പരിശീലനം നൽകുന്നവരുമുണ്ട്. അങ്ങനെയുള്ള പരിശീലനം ലഭിച്ച നായ്ക്കളെ വളരെയധികം സൂക്ഷിക്കണം. വളരെ വിശ്വസ്തരും സൗഹൃദത്തോടെ ആളുകളോട് പെരുമാറുന്നവയുമാണ്. എന്നാല്‍ പരിചയമില്ലാത്തവര്‍ സൂക്ഷിക്കണം. കൃത്യമായ ട്രെയിനിംഗ് നല്‍കി വീടുകളില്‍ വളര്‍ത്താന്‍ സാധിക്കും. 24 രാജ്യങ്ങളാണ് ഇവയെ നിരോധിച്ചിട്ടുള്ളത്.

​ബ്രസീലിയന്‍ മാസ്റ്റിഫ്

ഇന്ത്യയില്‍ തന്നെ വളരെ വിരളമാണ് ഈ ഇനം നായ്ക്കള്‍. ഏറെ ശൗര്യം കൂടിയ നായ്ക്കളാണ്. ഉടമസ്ഥനും അവരുടെ കുടുംബങ്ങളുമായി മാത്രമേ ബ്രസീലിയന്‍ മാസ്റ്റിഫ് ഇണങ്ങുകയുള്ളൂ. പരിശീലകനെ വച്ച് ഇവയെ പരിശീലിപ്പിക്കാന്‍ കഴിയില്ല. വളരെ ബുദ്ധിശാലികളാണ് ഈ നായ. എന്നാല്‍ പതിനാലോളം രാജ്യങ്ങളില്‍ ഇവയ്ക്ക് നിരോധനമുണ്ട്. കാവല്‍ നായ്ക്കളായാണ് പൊതുവെ ഇതിനെ ഉപയോഗിക്കാറുള്ളൂ. യജമാന ഭക്തിക്ക് പേര് കേട്ടവരാണ് ഇവര്‍. ജീവന്‍ കൊടുത്തും ഉടമസ്ഥനെയും കുടുംബത്തെയും രക്ഷിക്കും. പെട്ടെന്ന് ഉണ്ടാകുന്ന ചലനങ്ങള്‍ വരെ പ്രകോപനമുണ്ടാക്കും.

​റോട്ട് വീലർ

കണ്ടാൽ ഭീകരനാണെങ്കിലും പൊതുവെ നല്ല സ്വഭാവമുള്ളവരാണ് റോട്ട് വീലറുകൾ. ഇവ സ്‌നേഹിക്കുന്നവരെയും കാവൽ നിൽക്കുന്ന കുടുംബത്തെയും എന്ത് വില കൊടുത്തും സംരക്ഷിക്കാൻ ഈ വിഭാഗം തയ്യാറാണ്. അതുകൊണ്ട് തന്നെ കുടുംബങ്ങളുമായി ഇണങ്ങുന്ന ഇവയുടെ സ്വാഭാവം വളരെ പ്രശസ്തമാണ്. ഒറ്റ കടിക്ക് തന്നെ വലിയ മുറിവുകൾ ഉണ്ടാക്കാൻ ഇവയ്ക്ക് സാധിക്കും. ആക്രമിച്ചാൽ പ്രതികരിക്കാതെ നിഷ്‌ക്രിയരായി നിൽക്കുക എന്നത് മാത്രമാണ് ഇവയിൽ നിന്ന് രക്ഷപ്പെടാനുള്ള ഏക മാർഗം. രക്ഷാപ്രവർത്തനങ്ങൾക്കും പൊലീസ് സേനയ്ക്കും വേണ്ടി ഇവയെ ഉപയോഗിക്കാറുണ്ട്. 10 രാജ്യങ്ങളിൽ നിരോധനമുണ്ട്.

ജർമൻ ഷെപ്പേർഡ്

പൊലീസ് സേനയുടെ സ്വകാര്യ അഹങ്കാരമാണ് ജെർമൻ ഷെ്‌പ്പേർഡുകൾ. അതീവ ബുദ്ധിശാലിയും വിശ്വസ്തനും കരുത്തന്മാരുമാണ് ഈ നായ്ക്കൾ. ഇവയുടെ ഒരു കടിക്ക് 238 പൗണ്ട്‌സ് സ്‌ക്വയർ ഇഞ്ചിന്റെ കരുത്തുണ്ടാവും. ഒരു മനുഷ്യന്റെ അസ്ഥി രണ്ടായി പൊട്ടിക്കാൻ ഇത് തന്നെ ധാരാളമാണ്. കുടുംബത്തെ സംരക്ഷിക്കുക എന്നത് മാത്രമായിരിക്കും വീടുകളിൽ വളർത്തുന്ന ഇത്തരം നായ്ക്കളുടെ പ്രധാന ലക്ഷ്യം. പരിചയമില്ലാത്ത ആളുകൾ തമാശയ്ക്ക് പോലും ഉടമസ്ഥരെ ഉപദ്രവിച്ചാലും ഇവ പ്രകോപിതരാകും.

​അമേരിക്കൻ ബുൾഡോഗ്

പൊതുവെ മനുഷ്യനുമായി വലിയ സൗഹൃദം സൃഷ്ടിക്കുന്നവയാണ് ഈ വിഭാഗം. കൃത്യമായ ട്രെയിനിങ് ലഭിച്ചാൽ മാത്രമേ ഈ വിഭാഗത്തിന് കൃത്യമായി ഇടപടഴകാൻ സാധിക്കുകയുള്ളൂ. മറ്റ് നായ്ക്കളെ അപേക്ഷിച്ച് ഇവയ്ക്ക് ബുദ്ധി അൽപ്പം കുറവാണ്. നിങ്ങൾ ഒരു കുടുംബത്തിന്റെ നാഥനല്ലെങ്കിൽ ചിലപ്പോൾ ഇവ നിങ്ങളെ അനുസരിക്കില്ല. നേതാക്കളെ മാത്രമേ ഇവ അനുസരിക്കുകയുള്ളൂ. നിയന്ത്രിക്കാനും ട്രെയിനിങ് നൽകാനും വളരെ ബുദ്ധിമുട്ടാണ