അഫ്ഗാനിലെ ടെലിവിഷൻ വനിതാ അവതാരകർ മുഖം മറയ്ക്കണം; നിർദ്ദേശവുമായി താലിബാൻ

Also Read : താലിബാന്റെ പഠനവിലക്ക്; അഫ്ഗാനിസ്ഥാനിൽ പെൺകുട്ടികൾക്ക് പഠിക്കാൻ രഹസ്യ സ്കൂളുകൾ

ടോളോ ന്യൂസിന്റെയും മറ്റ് നിരവധി ടിവി, റേഡിയോ നെറ്റ്‌വർക്കുകളുടെയും ഉടമസ്ഥതയിലുള്ള മോബി ഗ്രൂപ്പിന് പ്രസ്താവന അയച്ചിട്ടുണ്ട്. മറ്റ് അഫ്ഗാൻ മാധ്യമങ്ങൾക്കും ഇത് ബാധകമാണെന്നാണ് ട്വീറ്റിൽ പറയുന്നത്. ഒരു അഫ്ഗാൻ പ്രാദേശിക മാധ്യമ ഉദ്യോഗസ്ഥൻ തന്റെ സ്റ്റേഷൻ ഓർഡർ ലഭിച്ചതായി സ്ഥിരീകരിച്ചിട്ടുണ്ട്.

തങ്ങൾക്ക് മറ്റ് മാർഗം ഒന്നുമില്ലെന്നാണ് അദ്ദേഹം അഭിപ്രായപ്പെട്ടത്. അധികാരികളുമായുള്ള പ്രശ്‌നങ്ങൾ ഭയന്ന് തന്നെയും തന്റെ സ്റ്റേഷനെയും തിരിച്ചറിയാത്ത അവസ്ഥയിലാണെന്നാണ് അദ്ദേഹം സംസാരിച്ചത്.

നിരവധി വനിതാ അവതാരകർ പരിപാടികൾ അവതരിപ്പിക്കുന്നതിനിടെ മുഖം മറച്ചിരിക്കുന്നതിന്റെ ചിത്രങ്ങൾ സമൂഹ മാധ്യമങ്ങളിൽ പങ്കുവച്ചിട്ടുണ്ട്. ഒരു പ്രമുഖ ടോളോന്യൂസ് അവതാരകയായ യൽദ അലി ഒരു മുഖംമൂടി ധരിക്കുന്ന ഒരു വീഡിയോ പോസ്റ്റ് ചെയ്തിട്ടുണ്ട്.

Also Read : മുട്ടോളം വെള്ളത്തിൽ ഇറങ്ങാൻ വയ്യ, പ്രളയ അവലോകനത്തിനെത്തിയ ബിജെപി എംഎൽഎ രക്ഷാപ്രവർത്തകന്റെ തോളിൽ കയറി; വിവാദം

താലിബാൻ ആദ്യമായി അധികാരത്തിൽ എത്തിയ 1996-2001 കാലഘട്ടത്തിൽ അവർ സ്ത്രീകൾക്ക് അമിതമായ നിയന്ത്രണങ്ങൾ ഏർപ്പെടുത്തിയിരുന്നു. സ്ത്രീകൾ എല്ലാവരും ശരീരം മുഴുവൻ മറയ്ക്കുന്ന ബുർഖ ധരിക്കണമെന്ന് വ്യക്തമാക്കിയിരുന്നു. അതിന് പുറമെ പൊതുജീവിതത്തിൽ നിന്നും വിദ്യാഭ്യാസത്തിൽ നിന്നും അവരെ തടയുകയും ചെയ്തിരുന്നു.