ഗുജറാത്തിൽ ഈ വർഷം നടക്കാനിരിക്കുന്ന നിയമസഭ തെരഞ്ഞെടുപ്പിന് മുമ്പ് ഹർദിക് പട്ടേൽ ബിജെപിയിൽ ചേർന്നേക്കുമെന്ന റിപ്പോർട്ടുകളുണ്ടായിരുന്നു. എന്നാൽ താൻ ഇതുവരെയും ഏതെങ്കിലും പാർട്ടിയിൽ ചേരണമോയെന്ന് തീരുമാനിച്ചിട്ടില്ലെന്ന് അദ്ദേഹം പറഞ്ഞു. “ബിജെപിയിലോ, ആം ആദ്മി പാർട്ടിയിലോ, ഒരു രാഷ്ട്രീയ പാർട്ടിയിലും ചേരുന്ന കാര്യത്തിൽ ഞാൻ ഇതുവരെ തീരുമാനമെടുത്തിട്ടില്ല. ഞാൻ എന്ത് തീരുമാനമെടുത്താലും അത് ജനങ്ങളുടെ താൽപ്പര്യത്തിനായിരിക്കും” ഹാർദിക് പറഞ്ഞു.
Also Read : ‘എന്നും അംബാനിയേയോ അദാനിയേയോ അധിക്ഷേപിച്ചിട്ട് കാര്യമില്ല’; കോൺഗ്രസിനെ വിമർശിച്ച് ഹർദ്ദിക് പട്ടേൽ
അതേസമയം വാർത്താ സമ്മേളനത്തിൽ ബിജെപിയെ പുകഴ്ത്തിയാണ് മുൻ കോൺഗ്രസ് നേതാവ് സംസാരിച്ചതെന്നതും ശ്രദ്ധേയമാണ്. അയോധ്യാ കേസ്, ജമ്മുകശ്മീരിന്‍റെ പ്രത്യേക അധികാരം റദ്ദാക്കൽ തുടങ്ങിയ വിഷയങ്ങളിൽ ബിജെപിയെ അഭിനന്ദിച്ച അദ്ദേഹം കോൺഗ്രസ് നേതാക്കൾ ഗുജറാത്തി ജനതയോട് പക്ഷപാതം കാണിക്കുന്നതായും ആരോപിച്ചു.
“പാർട്ടിയിലായിരിക്കുമ്പോൾ എനിക്ക് ഒരിക്കലും പ്രവർത്തിക്കാൻ അവസരം ലഭിച്ചിട്ടില്ല, കോൺഗ്രസ് എനിക്ക് ഒരു ജോലിയും തന്നിട്ടില്ല,” ഹാർദിക് പറഞ്ഞു. വർക്കിങ് പ്രസിഡന്‍റാക്കിയതിനുശേഷം പാർട്ടി ഒരു ഉത്തരവാദിത്വവും നൽകിയില്ല. പ്രധാന യോഗങ്ങളിലേക്കുപോലും ക്ഷണിച്ചില്ല. കഴിഞ്ഞ മൂന്നുവർഷമായി പാർട്ടി ഒരിക്കൽപ്പോലും തന്‍റെ പത്രസമ്മേളനം സംഘടിപ്പിച്ചില്ലെന്നും അദ്ദേഹം പറഞ്ഞു.
Also Read : നിയമസഭ തെരഞ്ഞെടുപ്പ് അടുത്തിരിക്കെ കോൺഗ്രസിന് തിരിച്ചടി; ഹാർദിക് പട്ടേൽ പാർട്ടി വിട്ടു
നേരത്തെ താൻ കോൺഗ്രസ് വിടുന്നതായി ട്വിറ്ററിലൂടെയാണ് ഹാർദിക് പട്ടേൽ പ്രഖ്യാപിച്ചത്. “ഞാൻ കോൺഗ്രസ് പാർട്ടിയിൽ നിന്നും പാർട്ടിയിലെ എന്‍റെ പദവിയിൽനിന്നും രാജിവയ്ക്കുകയാണ്. ഈ തീരുമാനം എന്‍റെ സഹപ്രവർത്തകരും ഗുജറാത്തിലെ ജനങ്ങളും സ്വീകരിക്കുമെന്ന് കരുതുന്നു. ഈ തീരുമാനത്തോടെ ഗുജറാത്തിനു വേണ്ടി നല്ല രീതിയിൽ പ്രവർത്തിക്കാനാകുമെന്നും ഞാൻ വിശ്വസിക്കുന്നു” എന്നായിരുന്നു കോൺഗ്രസ് അധ്യക്ഷ സോണിയാ ഗാന്ധിക്ക് അയച്ച രാജിക്കത്തിനൊപ്പം ഹാർദിക് ട്വീറ്റ് ചെയ്തത്.
ആരെയും എന്തും പറയാമോ? സുധാകരനെതിരെ ഇ പി
Web Title : no decision yet on joining bjp or aap says hardik patel
Malayalam News from Samayam Malayalam, TIL Network
