സൗത്ത് ഡൽഹിയിലെ വീട്ടിൽ നിന്ന് ഏപ്രിൽ 24ന് വൈകീട്ട് പച്ചക്കറി വാങ്ങാൻ പുറത്ത് പോയ പെൺകുട്ടിയെയാണ് പ്രതികൾ തട്ടിക്കൊണ്ടുപോയി മയക്കുമരുന്ന് നൽകി കൂട്ടബലാത്സംഗം ചെയ്തത്.
ഹൈലൈറ്റ്:
- ഡൽഹിയിൽ 13കാരി കൂട്ടബലാത്സംഗത്തിനിരയായി
- പ്രതികളിൽ പ്രായപൂർത്തിയാകത്തയാളും
- തട്ടിക്കൊണ്ടുപോയത് പച്ചക്കറി വാങ്ങാൻ ഇറങ്ങിയപ്പോൾ
സൗത്ത് ഡൽഹിയിലെ വീട്ടിൽ നിന്ന് ഏപ്രിൽ 24ന് വൈകീട്ട് പച്ചക്കറി വാങ്ങാൻ പോയ പെൺകുട്ടിയെയാണ് പ്രതികൾ തട്ടിക്കൊണ്ടുപോയി മയക്കുമരുന്ന് നൽകി കൂട്ടബലാത്സംഗം ചെയ്തത്. തുടർന്ന് ഒറ്റപ്പെട്ട സ്ഥലത്തെത്തിച്ച് കുട്ടിയെ ഉപേക്ഷിച്ച് പ്രതികൾ കടന്നുകളയുകയായിരുന്നു. കേസുമായി ബന്ധപ്പെട്ട് മൂന്ന് പേരെ അറസ്റ്റ് ചെയ്ത പോലീസ് പ്രായപൂർത്തിയാകാത്ത ആളെ കസ്റ്റഡിയിലെടുക്കുകയും ചെയ്തിട്ടുണ്ട്. മോഹിത് (20), ആകാശ് (19), ഷാരൂഖ് (20) എന്നിവരാണ് അറസ്റ്റിലായത്.
Also Read : 17കാരി കൂട്ടബലാത്സംഗത്തിനിരയായി, ദൃശ്യങ്ങൾ പുറത്ത്; പോലീസ് കോൺസ്റ്റബിളും സുഹൃത്തും അറസ്റ്റിൽ
ഏപ്രില്‍ 24ന് വൈകുന്നേരം അഞ്ച് മണിയോടെയാണ് പെൺകുട്ടി വീട്ടിൽ നിന്ന് പുറത്തിറങ്ങിയത്. രണ്ട് കിലോമീറ്റർ അകലെയുള്ള മാർക്കറ്റിലേക്ക് പോകാൻ പ്രതികളിലൊരാളായ ഷാരൂഖിന്‍റെ ഓട്ടോറിക്ഷയിലായിരുന്നു യാത്ര. എന്നാൽ കുട്ടിയെ മാർക്കറ്റിൽ ഇറക്കാതെ ഇയാൾ സുഹൃത്തുക്കളെ ഫോണിൽ ബന്ധപ്പെടുകയായിരുന്നു. തുടർന്ന് ആകാശും, പ്രായപൂർത്തിയാകാത്ത ആളും വണ്ടിയിൽ കയറി. തുടർന്ന് സംഘം കുട്ടിയെ ഓഖ്‌ലയിലേക്ക് കൊണ്ടുപോയി.
ശീതളപാനീയത്തിൽ മയക്കുമരുന്ന് കലർത്തി കുട്ടിക്ക് കൊടുത്ത സംഘം ഓട്ടോറിക്ഷയിൽ വെച്ച് കുട്ടിയെ ബലാത്സംഗം ചെയ്യുകയായിരുന്നു. തുടർന്ന് ഇവർ ടിഗ്രിയിലെ ജെജെ ക്യാപ് പരിസരത്തേക്ക് കുട്ടിയെകൊണ്ടുപേയി ഇവിടെവെച്ചാണ് കേസിലെ നാലാമൻ സംഘത്തോടൊപ്പം ചേരുന്നത്. തുടർന്ന് രാത്രി മുഴുവനും നാലുപേരും പെണ്‍കുട്ടിയെ പീഡിപ്പിച്ചു. തുടര്‍ന്ന് പിറ്റേദിവസവും പെൺകുട്ടിയെ ഇവർ തടങ്കലിൽ വെച്ചിരുന്നു.
ഏപ്രില്‍ 24ന് വീട്ടില്‍നിന്ന് പുറത്തുപോയ കുട്ടി മടങ്ങിവരാതായപ്പോൾ സുഹൃത്തിന്‍റെയോ ബന്ധുവിന്‍റെയോ വീട്ടില്‍ ഉണ്ടാകുമെന്നാണ് കുടുംബം കരുതിയത്. എന്നാൽ അടുത്തദിവസവും മടങ്ങിയെത്താത്തതിനെ തുടര്‍ന്ന് അന്വേഷണം ആരംഭിച്ച ഇവർ ഏപ്രില്‍ 26ന് പോലീസിൽ പരാതി നല്‍കി. തുടര്‍ന്ന് പോലീസ് അന്വേഷണം ആരംഭിച്ചു.
Also Read : വിജയ് ബാബുവിന്‍റെ പാസ്പോർട്ട് റദ്ദാക്കി
സംഘം ഉപേക്ഷിച്ചതിന് പിന്നാലെ മെയ് ഒന്നോടെ പെൺകുട്ടി സാകേത് മെട്രോ സ്റ്റേഷൻ പരിസരത്ത് എത്തിയെങ്കിലും പോലീസിന് കുട്ടിയെ കണ്ടെത്താൻ കഴിഞ്ഞിരുന്നില്ല. എന്നാൽ സംഭവത്തെക്കുറിച്ച് വിവരം ലഭിച്ച പോലീസ് പ്രായപൂർത്തിയാകത്ത പ്രതിയെ അന്ന് തന്നെ കസ്റ്റഡിയിലെടുത്തിരുന്നു. പിറ്റേന്ന് കുട്ടിയെ കാണാതായത് സംബന്ധിച്ച പോലീസിന്‍റെ പോസ്റ്റർ കണ്ട ഒരു സ്ത്രീ, കുട്ടി മെട്രോ സ്റ്റേഷന് സമീപത്ത് ഉണ്ടെന്ന് വിവരം അറിയിച്ചതിനെത്തുടർന്ന് അന്വേഷണസംഘം സ്ഥലത്തെത്തി. പോലീസെത്തുമ്പോള്‍ പെണ്‍കുട്ടി മയക്കുമരുന്നിന്‍റെ ലഹരിയിലായിരുന്നു. തുടർന്ന് എയിംസില്‍ നടത്തിയ പരിശോധനയിലാണ് കുട്ടി ലൈംഗികപീഡനത്തിന് ഇരയായെന്ന് വ്യക്തമായത്. കേസിൽ തുടരന്വേഷണം നടക്കുകയാണെന്ന് ഡിസിപി അറിയിച്ചു.
ആരെയും എന്തും പറയാമോ? സുധാകരനെതിരെ ഇ പി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : three men arrested on 13-year-old girl missing case
Malayalam News from Samayam Malayalam, TIL Network
