Sumayya P | Samayam Malayalam | Updated: 28 Jun 2021, 10:06:10 AM
സ്വദേശികള്‍ക്കും പ്രവാസികള്‍ക്കും ഇതുവഴി വാക്സിന് രജിസ്റ്റര്‍ ചെയ്യാന്‍ കഴിയുമെന്ന് അധികൃതര്‍ അറിയിച്ചു.
സ്വദേശികള്‍ക്കും പ്രവാസികള്‍ക്കും രജിസ്റ്റര്‍ ചെയ്യാം
പിഎച്ച്സിസിയില്‍ ഹെല്‍ത്ത് കാര്‍ഡിന് അപേക്ഷിക്കാന്‍ യോഗ്യതയുള്ള എല്ലാവര്‍ക്കും ആപ്പ് വഴി വാക്സിന് രജിസ്റ്റര്‍ ചെയ്യാം. സ്വദേശികള്‍ക്കും പ്രവാസികള്‍ക്കും ഇതുവഴി വാക്സിന് രജിസ്റ്റര്‍ ചെയ്യാന്‍ കഴിയുമെന്ന് അധികൃതര്‍ അറിയിച്ചു. തങ്ങളുടെ ഹെല്‍ത്ത് സെന്റര്‍ അറിയാത്തവര്‍ക്കും ഓണ്‍ലൈന്‍ അപേക്ഷ സമര്‍പ്പിച്ചാല്‍ താമസിക്കുന്ന അഡ്രസിനെ അടിസ്ഥാനപ്പെടുത്തി തൊട്ടടുത്ത ഹെല്‍ത്ത് സെന്ററില്‍ അപ്പോയിന്‍മെന്റ് ലഭിക്കും. രജിസ്ട്രേഷന് പൂര്‍ത്തിയാക്കിയാല്‍ അപ്പോയിന്‍മെന്റ് റഫറന്‍സ് നമ്പര്‍ സഹിതമുള്ള എസ്എംഎസ് ലഭിക്കും. ഖത്തര്‍ ഐഡി കാലാവധി കഴിഞ്ഞ് ഒരു വര്‍ഷം കഴിഞ്ഞവര്‍ക്ക് ആപ്പ് വഴി വാക്സിന് ബുക്ക് ചെയ്യാനാവില്ലെന്നും അധികൃതര്‍ അറിയിച്ചു.
രജിസ്റ്റര്‍ ചെയ്യേണ്ടത് എങ്ങനെ?
ഐഫോണ്‍, ആന്‍ഡ്രോയിഡ് ഫോണുകളില്‍ ആപ്പ് ലഭ്യമാണ്. ആപ്പ് ഡൗണ്‍ലോഡ് ചെയ്ത് ലോഗിന്‍ ചെയ്ത ശേഷം ‘ഇ സര്‍വീസ്’ സെക്ഷന്‍ തെരഞ്ഞെടുത്ത് ‘Request COVID-19 Vaccine’ എന്നതില്‍ ക്ലിക്ക് ചെയ്താല്‍ ഖത്തര്‍ ഐഡി നല്‍കാം. തുടര്‍ന്ന് വെരിഫിക്കേഷന്‍ ഒടിപിയും ക്ലിനിക്കല്‍ ചോദ്യാവലിയും ലഭിക്കും. ശേഷം വരുന്ന ബുക്കിംഗ് ഫോമില്‍ നേരത്തേ അസൈന്‍ ചെയ്ത ഹെല്‍ത്ത് സെന്റര്‍ സെലക്ട് ചെയ്യാം. നല്‍കിയിട്ടുള്ള മൂന്ന് തിയ്യതികളിലും സമയത്തിലും നിന്ന് ഉചിതമായ ഒന്ന് തിരഞ്ഞെടുക്കുന്നതോടെ രജിസ്ട്രേഷന് നടപടികള്‍ പൂര്‍ത്തിയാവും. തുടര്‍ന്ന് റഫറന്‍സ് നമ്പര്‍ സഹിതമുള്ള കണ്‍ഫര്‍മേഷന്‍ എസ്എംസ് ലഭിക്കും. അപേക്ഷ പരിശോധിച്ച ശേഷം ഹെല്‍ത്ത് സെന്റര്‍ ജീവനക്കാരന്‍ നേരിട്ട് വിളിച്ച് അപ്പോയിന്‍മെന്റ് തിയ്യതിയും സമയവും ഉറപ്പ് വരുത്തും. കണ്‍ഫേം ചെയ്ത് കഴിഞ്ഞാല്‍ അപ്പോയിന്‍മെന്റ് ബുക്ക് ചെയ്ത് കണ്‍ഫര്‍മേഷന്‍ എസ്എംഎസ് അയക്കും. പിഎച്ച്‌സിസി കോള്‍ സെന്ററില്‍ നിന്നുള്ള മൂന്ന് കോളുകള്‍ അറ്റന്റ് ചെയ്യാതിരുന്നാല്‍ അപേക്ഷ തല്‍ക്കാലത്തേക്ക് മാറ്റിവയ്ക്കും. നിലവില്‍ 30 വയസ്സിന് മുകളിലുള്ളവര്‍ക്കാണ് മുന്‍ഗണനാ ക്രമത്തില്‍ വാക്സിന് നല്‍കുന്നത്. അതോടൊപ്പം 12നും 18നും ഇടയില്‍ പ്രായമുള്ളവര്‍ക്ക് ഫൈസര്‍ വാക്സിന് വേണ്ടിയും രജിസ്റ്റര്‍ ചെയ്യാം.
കൊവിഡ് ബാധ നിരക്ക് വീണ്ടും കുറഞ്ഞു
ഖത്തറില്‍ വാക്സിനേഷന് ക്യാംപയിന്‍ പുരോഗമിക്കുന്നതിന് അനുസരിച്ച് കൊവിഡ് ബാധിതരുടെ എണ്ണത്തിലും വലിയ കുറവുണ്ടായി. ഇന്നലെ 102 പേര്‍ക്കാണ് കൊവിഡ് സ്ഥിരീകരിച്ചത്. ഇവരില്‍ സമ്പര്‍ക്കത്തിലൂടെ രോഗബാധ 36 പേര്‍ക്ക് മാത്രമാണ്. ബാക്കി 66 പേര്‍ യാത്രക്കാരും. രാജ്യത്ത് 1,771 പേരാണ് നിലവില്‍ രോഗബാധിതരായി ഉള്ളത്. ഖത്തറില്‍ ഇന്നലെയും പുതിയ കൊവിഡ് മരണം റിപ്പോര്‍ട്ട് ചെയ്യപ്പെട്ടിട്ടില്ല. ഇതുവരെ 588 പേരാണ് കൊവിഡ് മൂലം മരിച്ചത്. ഇന്നലെ ഒരാളെ കൂടി ആശുപത്രിയില്‍ പ്രവേശിപ്പിച്ചു. നിലവില്‍ 99 പേരാണ് ആശുപത്രികളില്‍ ചികില്‍സയിലുള്ളത്. കഴിഞ്ഞ 24 മണിക്കൂറിനിടെ 32,839 ഡോസ് വാക്സിന് നല്‍കിയതായും ആരോഗ്യ മന്ത്രാലയം അറിയിച്ചു. ഇതോടെ ആകെ നല്‍കിയ വാക്സിന് ഡോസുകളുടെ എണ്ണം 30,41,661 ആയി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar phcc launches new service to book covid-19 vaccine appointment
Malayalam News from malayalam.samayam.com, TIL Network
