പുതിയ വ്യവസ്ഥകള്‍ ഇങ്ങനെ
പുതിയ വ്യവസ്ഥ പ്രകാരം ഈ മേഖലകളില്‍ അഞ്ചോ അതില്‍ കൂടുതലോ ജീവനക്കാരുള്ള സ്ഥാപനങ്ങളില്‍ നാലിലൊന്നു പേര്‍ സൗദി പൗരന്‍മാരായിരിക്കണം. ചെറിയ സ്ഥാപനങ്ങളെ ഈ വ്യവസ്ഥയില്‍ നിന്ന് ഒഴിവാക്കിയിട്ടുണ്ട്. ഈ മേഖലയില്‍ 9000 തൊഴില്‍ അവസരങ്ങള്‍ സൃഷ്ടിക്കാനാണ് മന്ത്രാലയം ലക്ഷ്യമിടുന്നതെന്നും അധികൃതര്‍ അറിയിച്ചു. പ്രത്യേക സ്‌പെഷ്യലൈസേഷന്‍ ആവശ്യമായ ജോലികളാണെങ്കില്‍ ചുരുങ്ങിയത് 7000 റിയാല്‍ ശമ്പളം നല്‍കണം. സാങ്കേതിക ജ്ഞാനം ആവശ്യമുള്ള ഫീല്‍ഡ് ജോലികളാണെങ്കില്‍ 5000 റിയാലായിരിക്കും അടിസ്ഥാന ശമ്പളം.
പ്രത്യേക പരിശീലന പരിപാടികള്‍
കഴിഞ്ഞ വര്‍ഷം ഒക്ടോബറിലാണ് ഐടി മേഖലയില്‍ സ്വദേശിവല്‍ക്കരണം നടപ്പിലാക്കുമെന്ന് മന്ത്രാലയം പ്രഖ്യാപിച്ചത്. ഉന്നത വിദ്യാഭ്യാസം നേിയ കൂടുതല്‍ സൗദികള്‍ക്ക് സ്വകാര്യ മേഖലയില്‍ മികച്ച തൊഴിലവസരങ്ങള്‍ ലഭ്യമാക്കുകയെന്ന ലക്ഷ്യത്തോടെയായിരുന്നു ഇത്. ഇതിന്റെ ഭാഗമായി കമ്മ്യൂണിക്കേഷന്‍-ഐടി മന്ത്രാലയത്തിന്റെ കീഴില്‍ ഫ്യൂച്ചര്‍ സ്‌കില്‍സ് ഇനീഷ്യേറ്റീവ് എന്ന പേരില്‍ സൗദികള്‍ക്ക് പ്രത്യേക പരിശീലന പരിപാടികള്‍ സംഘടിപ്പിച്ചിരുന്നു.
നിരവധി ഐടി പ്രൊഫഷനലുകള്‍ക്ക് ജോലി നഷ്ടമാവും
പുതിയ സൗദിവല്‍ക്കരണ പദ്ധതി നിലവില്‍ വന്നതോടെ ഇന്ത്യക്കാര്‍ ഉള്‍പ്പെടെയുള്ള നിരവധി ഐടി പ്രൊഫഷനലുകള്‍ക്ക് ജോലി നഷ്ടമാവുമെന്നാണ് വിലയിരുത്തല്‍. പുതിയ തീരുമാന പ്രകാരം നാല് പേര്‍ ഈ മേഖലയില്‍ ഒരു സ്ഥാപനത്തില്‍ ജോലി ചെയ്യുന്നുണ്ടെങ്കില്‍ അതില്‍ നിന്ന് ഒരാളെ ഒഴിവാക്കി പകരം സൗദി പൗരന് അവസരം നല്‍കേണ്ടിവരും.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : saudization in it and communications sector came into effect in saudi arabia
Malayalam News from malayalam.samayam.com, TIL Network
