Sumayya P | Samayam Malayalam | Updated: 28 Jun 2021, 08:46:50 AM
ഒന്ന് ചെക്ക് വഴിയും മറ്റൊന്ന് ക്രെഡിറ്റ് കാര്‍ഡ് വഴിയും. ചെക്ക് വഴിയാണെങ്കില്‍ 24 തവണകളായി അടയ്ക്കാമെന്ന സൗകര്യവുമുണ്ട്.
ചെക്കായും ക്രെഡിറ്റ് കാര്‍ഡ് വഴിയും അടയ്ക്കാം
തവണ വ്യവസ്ഥയില്‍ രണ്ട് മാര്‍ഗങ്ങളിലൂടെ ഫൈന്‍ അടയ്ക്കാമെന്ന് ദുബായ് പോലിസിലെ ഫൈന്‍ കളക്ഷന്‍ വിഭാഗം തലവന്‍ കാപ്റ്റന്‍ ഹുസൈന്‍ അല്‍ അബ്ദൂലി പറയുന്നു. ഒന്ന് ചെക്ക് വഴിയും മറ്റൊന്ന് ക്രെഡിറ്റ് കാര്‍ഡ് വഴിയും. ചെക്ക് വഴിയാണെങ്കില്‍ 24 തവണകളായി അടയ്ക്കാമെന്ന സൗകര്യവുമുണ്ട്. ചെക്കായി നല്‍കാന്‍ ഉദ്ദേശിക്കുന്നവര്‍ ദുബായ് പോലിസിന്റെ ട്രാഫിക് വിഭാഗം ഓഫീസിലെത്തി ഇതിനുള്ള അപേക്ഷ നല്‍കി ആവശ്യമായ ഇന്‍സ്റ്റാള്‍മെന്റിനുള്ള ചെക്കുകള്‍ എഴുതി നല്‍കണം. ചെക്കായാണ് ഫൈന്‍ തുക ഇന്‍സ്റ്റാള്‍മെന്റ് രൂപത്തില്‍ നല്‍കുന്നതെങ്കില്‍ തുക പൂര്‍ണമായും അടച്ചു തീരുന്നതു വരെ വാഹനം വില്‍ക്കാനോ കൈമാറ്റം ചെയ്യാനോ പാടില്ലെന്നും വ്യവസ്ഥയുണ്ട്.
ചെക്കായി നല്‍കുമ്പോഴുള്ള നിബന്ധനകള്‍
– വ്യക്തികളാണെങ്കില്‍ 5000 ദിര്‍ഹമിനും കമ്പനിയാണെങ്കില്‍ 20,000 ദിര്‍ഹമിനും മുകളിലായിരിക്കണം ഫൈന്‍ തുക.
– ആദ്യ തവണയായി പിഴയുടെ 25 ശതമാനം ഒന്നിച്ച് നല്‍കണം.
– പരമാവധി 24 ഇന്‍സ്റ്റാള്‍മെന്റ് വരെ മാത്രമേ അനുവദിക്കൂ.
– ഗ്യാരണ്ടിയെന്ന നിലയില്‍ മൊത്തം തുകയുടെ അത്രയ്ക്കുള്ള സെക്യൂരിറ്റി ചെക്കും നല്‍കണം.
ക്രെഡിറ്റ് കാര്‍ഡ് വഴി എങ്ങനെ അടക്കാം
ഓണ്‍ലൈന്‍ വഴിയാണ് ക്രെഡിറ്റ് കാര്‍ഡിലൂടെ തവണ വ്യവസ്ഥയില്‍ ഫൈന്‍ അടക്കുന്നതിനുള്ള നടപടികള്‍ പൂര്‍ത്തിയാക്കേണ്ടത്. അതിന് ദുബായ് പോലിസിന്റെ വെബ്‌സൈറ്റോ മൊബൈല്‍ ആപ്പോ ഉപയോഗിക്കാം. എമിറേറ്റ്‌സ് എന്‍ബിഡി, അബൂദാബി കമേഴ്‌സ്യല്‍ ബാങ്ക്, കമേഴ്‌സ്യല്‍ ബാങ്ക് ഇന്റര്‍നാഷനല്‍, ഫസ്റ്റ് അബൂദാബി ബാങ്ക്, എമിറേറ്റ്‌സ് ഇസ്ലാമിക്, ദുബായ് ഇസ്ലാമിക് ബാങ്ക്, സ്റ്റാന്‍ഡേര്‍ഡ് ചാര്‍ട്ടേഡ് ബാങ്ക്, കമേഴ്‌സ്യല്‍ ബാങ്ക് ഓഫ് ദുബായ്, ഫിനാന്‍സ് ഹൗസ് എന്നിവയുടെ ക്രെഡിറ്റ് കാര്‍ഡുകള്‍ മാത്രമേ ഇതിനായി ഉപയോഗിക്കാനാവൂ. എമിറേറ്റ്‌സ് എന്‍ബിഡി ഒഴികെയുള്ള ബാങ്കുകളില്‍ ഫൈന്‍ തുക 500 ദിര്‍ഹമിനും എമിറേറ്റ്‌സ് എന്‍ബിഡിയില്‍ അത് 1000 ദിര്‍ഹമിനും മുകളിലായിരിക്കണമെന്നും വ്യവസ്ഥയുണ്ട്.
മറ്റ് നടപടിക്രമങ്ങള്‍ എന്തൊക്കെ?
ആദ്യം പോലീസിന്റെ ആപ്പോ വെബ്‌സൈറ്റോ വഴി ക്രെഡിറ്റ് കാര്‍ഡ് ഉപയോഗിച്ച് പിഴ തുക മുഴുവനായി അടക്കുകയും പിന്നീട് ഇന്‍സ്റ്റാള്‍മെന്റ് സേവനത്തിനായി അപേക്ഷ നല്‍കുകയുമാണ് വേണ്ടത്. ട്രാഫിക് ഫൈന്‍സ് പെയ്‌മെന്റ് സെലക്ട് ചെയ്ത ശേഷം വാഹനത്തിന്റെ നമ്പറോ ടിസി നമ്പറോ നല്‍കിയാല്‍ ആ നമ്പറിലുള്ള എല്ലാ ട്രാഫിക് പിഴകളുടെയും വിശദാംശങ്ങള്‍ ലഭിക്കും. തുടര്‍ന്ന് ക്രെഡിറ്റ് കാര്‍ഡ് വഴി പിഴ അടക്കണം. അടച്ചു കഴിഞ്ഞാല്‍ വെബ്‌സൈറ്റിലും ആപ്പിലും സ്വന്തം മൊബൈലിലും ഒരു റഫറന്‍സ് നമ്പര്‍ ലഭിക്കും. തുടര്‍ന്ന് ഇന്‍സ്റ്റാള്‍മെന്റ് പ്ലാന്‍ സെലക്ട് ചെയ്ത് ആ നമ്പര്‍ നല്‍കിയ ശേഷം ബാങ്കിന്റെ പേര്, ക്രെഡിറ്റ് കാര്‍ഡ് നമ്പര്‍, ഇന്‍സ്റ്റാള്‍മെന്റ് തുക, ഇന്‍സ്റ്റാള്‍മെന്റുകളുടെ എണ്ണം തുടങ്ങിയ വിവരങ്ങള്‍ നല്‍കി സബ്മിറ്റ് ചെയ്യണം. പരമാവധി 12 ഇന്‍സ്റ്റാള്‍മെന്റാണ് ക്രെഡിറ്റ് കാര്‍ഡ് വഴി ലഭിക്കുക.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : how you can use the installment service to pay dubai police traffic fines
Malayalam News from malayalam.samayam.com, TIL Network
