വാക്‌സിന്‍ എടുത്ത ആരും മരണപ്പെട്ടിട്ടില്ല
അതിനിടെ, രാജ്യത്ത് വാക്‌സിന്‍ സ്വീകരിച്ച ആരും ഇതുവരെ കൊവിഡ് ബാധിച്ച് മരണപ്പെട്ടിട്ടില്ലെന്ന് ആരോഗ്യ മന്ത്രാലയം വക്താവ് ഡോ. മുഹമ്മദ് അബ്ദുല്‍ അലി അറിയിച്ചു. ഇതുമായി ബന്ധപ്പെട്ട് വ്യാജ വാര്‍ത്തകള്‍ പ്രചരിക്കുന്ന സാഹചര്യത്തിലാണ് വിശദീകരണം. ഔദ്യോഗിക സ്രോതസ്സുകളില്‍ നിന്നുള്ള വിവരങ്ങള്‍ മാത്രമേ ആളുകള്‍ വിശ്വസിക്കാവൂ എന്നും അദ്ദേഹം അറിയിച്ചു. രാജ്യത്ത് കൊവിഡ് മരണങ്ങള്‍ തടയുന്നതില്‍ വാക്‌സിനുകള്‍ ഇതുവരെ 100 ശതമാനം ഫലപ്രദമാണ്. കൊവിഡിനെതിരായ പ്രതിരോധത്തില്‍ സൗദിയുടെ മികച്ച പ്രകടനം രോഗാരോഗ്യ സംഘടനയുടെ തന്നെ പ്രശംസ പിടിച്ചുപറ്റിയതാണെന്നും അദ്ദേഹം അറിയിച്ചു.
1.72 കോടി വാക്‌സിന്‍ ഡോസുകള്‍ വിതരണം ചെയ്തു
രാജ്യത്ത് വാക്‌സിനേഷന്‍ ക്യാംപയിന്‍ അതിവേഗം പുരോഗമിക്കുകയാണ്. രാജ്യത്തിന്റെ വിവിധ ഭാഗങ്ങളിലുള്ള 587 വിതരണ കേന്ദ്രങ്ങളിലൂടെ ഇതിനകം 17.2 ദശലക്ഷം ഡോസ് വാക്‌സിന്‍ നല്‍കിക്കഴിഞ്ഞു. രാജ്യത്തെ വാക്‌സിന്‍ എടുക്കാന്‍ യോഗ്യരായവരില്‍ 70 ശതമാനം പേര്‍ക്കും ഒരു ഡോസ് വാക്‌സിനെങ്കിലും ഇതിനകം ലഭിച്ചതായും അദ്ദേഹം അറിയിച്ചു. 50 വയസ്സിനു മുകളിലുള്ള എല്ലാവര്‍ക്കും രണ്ടാം ഡോസ് വാക്‌സിന്‍ വിതരണം ഇതിനകം ആരംഭിച്ചതായും ആരോഗ്യ മന്ത്രാലയം വ്യക്തമാക്കി.
ഹജ്ജ് തീര്‍ഥാടകര്‍ 48 മണിക്കൂറിനകം രണ്ടാം ഡോസ് എടുക്കണം
അതേസമയം, ഹജ്ജ് തീര്‍ഥാടനത്തിന് അവസരം ലഭിച്ചവര്‍ എത്രയും വേഗം രണ്ടാം ഡോസ് വാക്‌സിന്‍ എടുത്ത് വാക്‌സിനേഷന്‍ പൂര്‍ത്തീകരിക്കണമെന്ന് ഹജ്ജ് ഉംറ മന്ത്രാലയം അറിയിച്ചു. ഹജ്ജ് പെര്‍മിറ്റ് ലഭിച്ച് 48 മണിക്കൂറിനകം രണ്ടാം ഡോസ് എടുക്കണം. ഹജ്ജ് തീര്‍ഥാടന വേളയില്‍ കൊവിഡ് വ്യാപനത്തിനുള്ള സാധ്യത പൂര്‍ണമായും ഇല്ലാതാക്കുന്നതിന്റെ ഭാഗമായാണ് നടപടിയെന്നും മന്ത്രാലയം അറിയിച്ചു. നിലവില്‍ 50 വയസ്സിന് മുകളിലുള്ളവര്‍ക്കാണ് രണ്ടാം ഡോസ് നല്‍കുന്നതെങ്കിലും ഹജ്ജ് തീര്‍ഥാടകര്‍ക്ക് ഇക്കാര്യത്തില്‍ ഇളവ് അനുവദിച്ചിട്ടുണ്ട്. പൂര്‍ണ വാക്‌സിനേഷന്‍ നേടിയവര്‍ക്കു മാത്രമേ ഇത്തവണത്തെ ഹജ്ജിന് അനുമതി ലഭിക്കുകയുള്ളൂ എന്ന് മന്ത്രാലയം നേരത്തേ വ്യക്തമാക്കിയിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : saudi health ministry announce inoculate those aged 12 to 18 with pfizer vaccine
Malayalam News from malayalam.samayam.com, TIL Network
