ഫേസ്ബുക്കിലൂടെ പരിചയപ്പെട്ട 17കാരനെ വിവാഹം ചെയ്തു; ബാലവിവാഹത്തിന് യുവതിക്കെതിരെ കേസ്

ബെംഗളുരു: ഫേസ്ബുക്കിലൂടെ പരിചയപ്പെട്ട പതിനേഴുകാരനെ വിവാഹം ചെയ്ത 20കാരിയ്ക്കെതിരെ ബാലവിവാഹത്തിന് കേസ്. ശൈശവ വിവാഹ നിരോധന നിയമപ്രകാരം കർണാടകയിലാണ് യുവതിക്കെതിരെ കേസ് രജിസ്റ്റർ ചെയ്തിരിക്കുന്നത്. ബിഎസ്സി നഴ്സിങ് വിദ്യാർത്ഥിനിയാണ് യുവതിയെന്ന് പോലീസിനെ ഉദ്ധരിച്ച് ഇംഗ്ലീഷ് വാർത്താചാനലായ ടൈംസ് നൗ റിപ്പോർട്ട് ചെയ്തു.



ചിക്കമംഗളൂരു സ്വദേശിയായ പതിനേഴുകാരനെ യുവതി ഫേസ്ബുക്കിലൂടെയാണ് പരിചയപ്പെട്ടത്. പിന്നീട് ബന്ധം പ്രണയത്തിലേക്ക് വഴിമാറി. വീട്ടുകാരുടെ എതിർപ്പ് മറികടന്ന് യുവാവിനെ ഇരുപതുകാരി വിവാഹം കഴിക്കുകയും ചെയ്തു. തനിക്ക് 21 വയസുണ്ടെന്നായിരുന്നു ആൺകുട്ടി യുവതിയോട് പറഞ്ഞിരുന്നത്. യഥാർഥ പ്രായം മറച്ചുവെച്ചായിരുന്നു വിവാഹമമെന്നാണ് റിപ്പോർട്ട്.

ലഡാഖിലെ ലെ മേഖലയിൽ ഭൂകമ്പം; ഭൂകമ്പ മാപിനിയിൽ 4.6

ജൂൺ പതിനാറിന് ബെംഗളുരുവിലെ ഒരു ക്ഷേത്രത്തിൽ വെച്ചാണ് ഇരുവരും വിവാഹിതരായത്. ആൺകുട്ടിയുടെ വീട്ടുകാരും വിവാഹത്തിൽ പങ്കെടുത്തിരുന്നു. വിവാഹ വാർത്ത പുറത്തുവന്നതോടെ നാട്ടുകാർ ചൈൽഡ് ഹെൽപ്പ് ലൈനിൽ വിളിച്ച് വിവരം അറിയിക്കുകയായിരുന്നു. തുടർന്ന് ഉദ്യോഗസ്ഥർ ഗ്രാമത്തിലെത്തി അന്വേഷണം നടത്തുകയും ചെയ്തു. തുടർന്ന് യുവതിയ്ക്കും വിവാഹത്തിൽ പങ്കെടുത്ത ആൺകുട്ടിയുടെ ബന്ധുക്കൾക്കുമെതിരെ കേസ് രജിസ്റ്റർ ചെയ്യുകയായിരുന്നു.

“വിവാഹം നടത്തിയ ആൺകുട്ടിയുടെ ബന്ധുക്കൾക്കെതിരേയും ശൈശവ വിവാഹ നിരോധന നിയമപ്രകാരം കേസെടുത്തു. ആൺകുട്ടിയും യുവതിയും നിലവിൽ രണ്ടിടത്താണ് താമസിക്കുന്നത്” ചിക്കമംഗളൂരു എസ്പി ഹാകയ് അക്ഷയ് മച്ചീന്ദ്ര പറഞ്ഞു.

പുൽവാമയിൽ ഭീകരാക്രമണം; പോലീസ് ഉദ്യോഗസ്ഥനെയും ഭാര്യയെയും വെടിവച്ച് കൊന്നു

ഗുജറാത്തിൽ 23കാരി പതിനേഴുകാരനെ തട്ടിക്കൊണ്ടുപോയി ലൈംഗികമായി പീഡിപ്പിച്ചെന്ന വാർത്ത പുറത്ത് വന്നതിന് പിന്നാലെയാണ് ബെംഗളൂരുവിൽ നിന്നുള്ള വാർത്ത പുറത്ത് വരുന്നത്. ഗുജറാത്തിലെ കേസിൽ യുവതിയെ അറസ്റ്റ് ചെയ്തിരുന്നു.