ഹൈലൈറ്റ്:
- സുപ്രീം കമ്മിറ്റി നിർദേശത്തെ തുടര്‍ന്ന് രൂപവത്കരിച്ച ടെക്നിക്കൽ ടീം ആണ് പരിശോധനകള്‍ നടത്തുന്നത്.
- ഒരു ലോക്ക് ഡൗണ്‍ ഒഴിവാക്കാന്‍ എല്ലാവരും സഹകരിക്കണമെന്ന് അധികൃതര്‍
ഒമാന്‍: ഒമാനില്‍ കൊവിഡ് വ്യാപനം കൂടുകയാണ്. രാജ്യത്ത് ഇളവുകള്‍ പ്രഖ്യാപിച്ചതിന് ശേഷം ആണ് കൊവിഡ് കേസുകള്‍ കൂടിയത്. കൊവിഡ് മുൻകരുതൽ സംബന്ധിച്ച സുപ്രീം കമ്മിറ്റി നിർദേശങ്ങൾ ലംഘിച്ച 48 സ്ഥാപനങ്ങൾക്കെതിരെ വാണിജ്യ മന്ത്രാലയം നടപടി സ്വീകരിച്ചു. കഴിഞ്ഞ ഏഴ് ദിവസത്തിനിടെയാണ് ഇത്രയും സ്ഥാപനങ്ങൾക്കെതിരെ അധികൃതര്‍ നടപടി സ്വീകരിച്ചത്.
ഇളവുകളുടെ മറവില്‍ നിയമലംഘനം കണ്ടെത്താന്‍ പരിശോധന ഊർജിതമാക്കിയതായി വ്യാപാരവിഭാഗം ഡയറക്ടർ ജനറൽ മുബാറക് മുഹമ്മദ് അൽ ദുഹാനി വാർത്തസമ്മേളനത്തിൽ പറഞ്ഞു. 50 ശതമാനത്തില്‍ കൂടുതല്‍ ആളുകളെ സ്ഥാപനത്തിന് അകത്ത് പ്രവേശിക്കുക,സാമൂഹിക അകലം പാലിക്കാതിരിക്കുക തുടങ്ങിയ നിയമ ലംഘനങ്ങള്‍ ആണ് പരിശോധനയില്‍ അധികതര്‍ കണ്ടെത്തിയത്. സുപ്രീം കമ്മിറ്റി നിർദേശത്തെ തുടര്‍ന്ന് രൂപവത്കരിച്ച ടെക്നിക്കൽ ടീം ആണ് കടകളില്‍ പരിശോധനകള്‍ നടത്തുന്നത്.
Also Read: 
ഖത്തറില്‍ ഗൂഗിൾ പുതിയ ഓഫീസും പരിശീലന കേന്ദ്രവും സ്ഥാപിക്കും
റോയൽ ഒമാൻ പൊലീസ്, ആഭ്യന്തര മന്ത്രാലയം, ടെലികമ്യൂണിക്കേഷൻ റെഗുലേഷൻ അതോറിറ്റി എന്നിവിടങ്ങളില്‍ നിന്നുള്ള അംഗങ്ങള്‍ ആണ് ടെക്നിക്കൽ ടീമില്‍ ഉള്ളത്. എന്നാല്‍ നിരവധി വ്യാപാര സ്ഥാപനങ്ങൾ മാർഗനിർദേശങ്ങൾ പൂർണമായും പാലിക്കുന്നതായി കണ്ടെത്തിയിട്ടുണ്ട്. ഇനിയും ഒരു ലോക്ക് ഡൗണ്‍ ഒഴിവാക്കാന്‍ എല്ലാവരും സഹകരിക്കണമെന്ന് അധികൃതര്‍ നിർദേശിച്ചു.
താമസവും പാചകവുമെല്ലാം വണ്ടിയില്‍… കേരളം ചുറ്റാനിറങ്ങി കുടുംബം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : oman authorities took action against 48 institutions
Malayalam News from malayalam.samayam.com, TIL Network
