ഹൈലൈറ്റ്:
- സൊമാലിയയിൽ അൽ ഷബാബ് ഭീകരാക്രമണം
- 30 പേർ കൊല്ലപ്പെട്ടു, നിരവധിയാളുകൾക്ക് പരിക്ക്
- ഉത്തരവാദിത്വം അൽ ഷബാബ് ഏറ്റെടുത്തു
സൈനിക ക്യാമ്പിനടുത്ത് കാർബോംബ് ആക്രമണമാണ് ഉണ്ടായത്. “തീവ്രവാദികൾ സ്ഫോടക വസ്തുക്കൾ നിറച്ച രണ്ട് കാറുകളുമായി എത്തിയാണ് ആക്രമണം നടത്തിയത്. കാർ ബോംബ് ആക്രമണത്തിൽ സൈനിക വാഹനങ്ങൾക്ക് കേടുപാടുകൾ സംഭവിച്ചു. ഒരു മണിക്കൂറോളം ആക്രമണം നീണ്ട് നിന്നു” സുരക്ഷാ ഉദ്യോഗസ്ഥനെ ഉദ്ധരിച്ച് വാർത്താ ഏജൻസിയായ റോയ്ട്ടേഴ്സ് റിപ്പോർട്ട് ചെയ്തു.
Also Read : ‘മെലിഞ്ഞു, ശരീരഭാരം കുറഞ്ഞു’: കിമ്മിന് സംഭവിച്ചതെന്ത്? ഉത്തരകൊറിയൻ ഏകാധിപതി രോഗബാധിതനോ
തീവ്രവാദ ആക്രമണത്തിൽ 30പേരാണ് കൊല്ലപ്പെട്ടത്. 17 സൈനികരും 13 നാട്ടുകാരുമാണ് അക്രമണത്തിൽ കൊല്ലപ്പെട്ടതെന്ന് സൈനിക ഉദ്യോഗസ്ഥനായ മേജർ മൊഹമ്മദ് അവാലെ പറഞ്ഞു. അക്രമണത്തിൽ പരിക്കേറ്റവരെ മൊഗാദിഷുവിലെ ആശുപത്രിയിൽ പ്രവേശിപ്പിച്ചു.
കഴിഞ്ഞദിവസമുണ്ടായ അക്രമണത്തിൽ തീവ്രവാദികൾക്കും നഷ്ടം സംഭവിച്ചതായി റിപ്പോർട്ടുകളുണ്ട്. 41 അൽ ഷബാബ് തീവ്രവാദികളാണ് അക്രമണത്തിൽ കൊല്ലപ്പെട്ടതെന്നാണ് സൊമാലിയൻ സർക്കാർ പറയുന്നത്. ഭീകരാക്രമണത്തിന്‍റെ ഉത്തരവാദിത്വം ഏറ്റെടുത്ത അൽ ഷബാബ് 30 സൈനികർ കൊല്ലപ്പെട്ടെന്നും. 40 പേർക്ക് പരിക്കേറ്റെന്നും അവകാശപ്പെട്ടു.
Also Read : ഇറാഖിലും സിറിയയിലും ഭീകരത്താവളങ്ങള്‍ തകര്‍ത്ത് യുഎസ്; സമാധാനശ്രമങ്ങള്‍ക്കിടെ വ്യോമാക്രമണം
അൽ ഖ്വയ്ദയുമായി ബന്ധമുള്ള തീവ്രവാദ സംഘടനയാണ് അൽ ഷബാബ്. സൊമാലിയയിൽ നാട്ടുകാർക്കും സൈനിക കേന്ദ്രങ്ങൾക്കും നേരെ അൽ ഷബാബ് തുടർച്ചയായി അക്രമണം നടത്താറുണ്ടെന്നാണ് റിപ്പോർട്ട്.
നിര്‍മിച്ചിട്ട് മൂന്നുപതിറ്റാണ്ട്; അനാഥമായി ബങ്കളത്തെ കോളനിവീടുകള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : somalia’s al shabaab group launched an attack in a town in the country
Malayalam News from malayalam.samayam.com, TIL Network
