ഇന്ത്യയുടെ തെറ്റായ ഭൂപടം നീക്കം ചെയ്ത് ട്വിറ്റർ

ന്യൂഡൽഹി: ജമ്മു കാശ്മീരും ലഡാക്കും ഇല്ലാത്ത ഇന്ത്യയുടെ ഭൂപടം നീക്കം ചെയ്ത് ട്വിറ്റർ. തെറ്റായ ഭൂപടം വിവാദമായതിനു പിന്നാലെയാണ് ട്വിറ്ററിന്റെ നടപടി. ജമ്മു കാശ്മീരും ലഡാക്കും ഇന്ത്യയുടെ ഭൂപടത്തിൽ ഉൾപ്പെടുത്താത്തതിന്റെ കാരണം എന്താണെന്ന് ട്വിറ്റർ വ്യക്തമാക്കിയിരുന്നില്ല. തിങ്കളാഴ്ച രാത്രിയോടെയാണ് ‘ട്വീറ്റ് ലൈഫ്’ എന്ന വിഭാഗത്തിൽ പ്രത്യക്ഷപ്പെട്ട ഇന്ത്യയുടെ തെറ്റായ ഭൂപടം നീക്കിയത്.



ഇന്ത്യൻ ഭൂപടത്തിൽ നിന്ന് കശ്മീരിനെ മുറിച്ചു മാറ്റി ട്വിറ്റർ; സമൂഹമാധ്യമങ്ങളിൽ കടുത്ത പ്രതിഷേധം

രാജ്യത്തിന്റെ ഭൂപടം ദുരുപയോഗം ചെയ്തത് ഗുരുതരമായ കുറ്റകൃത്യമാണെന്നും നടപടി ഉണ്ടാകുമെന്നും കേന്ദ്രസർക്കാർ വ്യക്തമാക്കി. ഐടി ആക്ട് 69എ പ്രകാരം പിഴയോ ഏഴ് വർഷം വരെ തടവോ ലഭിക്കാവുന്ന കുറ്റമാണിത്.

ഫേസ്ബുക്കിലൂടെ പരിചയപ്പെട്ട 17കാരനെ വിവാഹം ചെയ്തു; ബാലവിവാഹത്തിന് യുവതിക്കെതിരെ കേസ്

രണ്ടാം തവണയാണ് ട്വിറ്റർ ഇത്തരത്തിൽ ഭൂപടം തെറ്റായി പ്രസിദ്ധീകരിക്കുന്നത്. ലേയും, ജമ്മു കാശ്മീരും ചൈനയുടെ ഭാഗമാക്കിയും ഭൂപടം പ്രസിദ്ധീകരിച്ചിരുന്നു. പുതിയ ഡിജിറ്റൽ നിയമങ്ങൾ പാലിക്കുന്നതുമായി ബന്ധപ്പെട്ട തർക്കം നിലനിൽക്കവെയാണ് പുതിയ വിവാദം.