രാജ്യസഭാ തെരഞ്ഞെടുപ്പ്: രാജസ്ഥാനിൽ മൂന്ന് സീറ്റിലും കോൺ​ഗ്രസിന് വിജയം

കോൺഗ്രസിന്റെ മുകുൾ വാസ്‌നിക്, രൺദീപ് സുർജേവാല എന്നിവർക്കൊപ്പം പ്രമോദ് തിവാരിയും ജയിച്ചുകയറി. ബിജെപിയുടെ സ്ഥാനാർത്ഥി ഘനശ്യാം തിവാരിയാണ് ജയിച്ചത്. ബിജെപി സ്വതന്ത്രനും, സീ ന്യൂസ് ഉടമയുമായ സുഭാഷ് ചന്ദ്രയും പരാജയപ്പെട്ടത്. നിലവിലെ കക്ഷിനില കോൺഗ്രസ് 3 ബിജെപി 1 എന്നാണ്.

മഹാരാഷ്ട്ര, കർണാടക, രാജസ്ഥാൻ, ഹരിയാന എന്നീ സംസ്ഥാനങ്ങളിലും ശക്തമായ മത്സരമാണ് നടന്നത്. അതേസമയം, ഹരിയാനയിൽ ഫലപ്രഖ്യാപനം വൈകുമെന്നും റിപ്പോർട്ടുണ്ട്.

കോൺഗ്രസ് എംഎൽഎമാർ വോട്ട് പരസ്യമാക്കിയെന്ന ബിജെപിയുടെ പരാതിയിൽ കമ്മീഷൻ റിപ്പോർട്ട് തേടിയ പശ്ചാത്തലത്തിലാണ് വൈകുന്നത്. ഇവിടെ കോൺഗ്രസ് പ്രതിനിധികളും തെരഞ്ഞെടുപ്പ് കമ്മീഷനെ കണ്ടു. ബിജെപിയുടെ പരാതി തള്ളിയ വരണാധികാരിയുടെ റിപ്പോർട്ട് ഹാജരാക്കിയിട്ടുണ്ട്.

Also Read : പദവികൾ തരണമോ എന്ന് മുഖ്യമന്ത്രി തീരുമാനിക്കും; പിണറായി വിജയനുമായി കൂടിക്കാഴ്ച നടത്തി കെ വി തോമസ്

കർണാടകത്തിൽ മൂന്ന് സീറ്റുകളിൽ ബിജെപിയും ഒരിടത്ത് കോൺഗ്രസും വിജയിച്ചു. എന്നാൽ ദേവഗൗഡയുടെ ജെഡിഎസിന് ഒരു സീറ്റ് പോലും ലഭിച്ചിട്ടില്ല.

ബിജെപിയുടെ നിർമല സീതാരാമൻ, ജഗ്ഗേഷ്, സി ടി രവി എന്നിവർ നാലിൽ മൂന്ന് സീറ്റുകൾ നേടിയപ്പോൾ കോൺഗ്രസിന്റെ ജയറാം രമേശിന് അവശേഷിക്കുന്ന ഒരേയൊരു സീറ്റ് ലഭിച്ചു.

15 സംസ്ഥാനങ്ങളിലെ 57 രാജ്യസഭ സീറ്റുകളിലേക്കാണ് ഇന്ന് തെരഞ്ഞെടുപ്പ് നടന്നത്. 11 സംസ്ഥാനങ്ങളിൽ എതിരില്ലാതെ 41 സ്ഥാനാർത്ഥികളെ തെരഞ്ഞെടുത്തിരുന്നു.

Also Read : സ്വപ്ന പുറത്തുവിട്ടത് എഡിറ്റ് ചെയ്ത ശബ്ദരേഖ; യഥാർത്ഥ ഓഡിയോ പുറത്തുവിടുമെന്ന് ഷാജ് കിരൺ

അതേസമയം, രാജ്യസഭാ തെരഞ്ഞെടുപ്പ് ഫലത്തെക്കുറിച്ച് ആശങ്കയില്ലെന്ന് എഐസിസി ജനറൽ സെക്രട്ടറി കെ സി വേണുഗോപാൽ പറഞ്ഞു. കോൺഗ്രസിന്റെ തിരിച്ചുവരവ് സൂചിപ്പിക്കുന്ന ഫലമാകും വരിക. പരാജയ ഭീതിയിലാണ് ബി ജെ പി വോട്ടെണ്ണൽ തടസപ്പെടുത്താൻ ശ്രമിക്കുന്നതെന്നും കെ.സി വേണുഗോപാൽ പറഞ്ഞു.