ഉമ്മൻചാണ്ടിയെ കല്ലെറിയുമെന്ന ഭയം വേണ്ട; ‘ഉളുപ്പുണ്ടെങ്കിൽ രാജിവയ്ക്കണം’: വി ഡി സതീശൻഅജിത് കുമാറിനെ വിജിലൻസ് മേധാവി സ്ഥാനത്ത് നിന്നും നീക്കുന്നത് സംബന്ധിച്ച് മുഖ്യമന്ത്രിയുടെ ഓഫീസിൽ നിന്ന് ആഭ്യന്തര വകുപ്പിന് നിർദേശം നൽകിയിരുന്നു. അജിത് കുമാറിനെ എവിടേക്കാണ് മാറ്റിയതെന്ന് ഉത്തരവിൽ സർക്കാർ വ്യക്തമാക്കിയിട്ടില്ല. സ്വപ്ന സുരേഷ് മുഖ്യമന്ത്രിക്കും അദ്ദേഹത്തിന്റെ കുടുംബത്തിനുമെതിരെ നടത്തിയ പുതിയ വെളിപ്പെടുത്തലുകളുടെ തുടർച്ചയായാണ് വിജിലൻസ് തലപ്പത്തെ മാറ്റം.
സ്വപ്ന സുരേഷിൻ്റെ വെളിപ്പെടുത്തലുമായി ബന്ധപ്പെട്ട വിവാദത്തിൽ മധ്യസ്ഥനായെത്തിയ ഷാജ് കിരണുമായി എം ആർ അജിത് കുമാർ നിരന്തരം ബന്ധപ്പെട്ടിരുന്നുവെന്നായിരുന്നു സ്വപ്നയുടെ വെളിപ്പെടുത്തൽ. ഇത് സംബന്ധിച്ച് ഇന്റലിജന്‍സ് അന്വേണം നടത്തിയിരുന്നു.
വിജിലൻസ് മേധാവി എം ആർ അജിത് കുമാർ, ലോ ആൻഡ് ഓർഡർ എഡിജി പി എന്നിവരുമായി ഷാജ് കിരൺ നിരന്തരമായി സംസാരിച്ചെന്ന് സ്വപ്ന സുരേഷ് ആരോപിച്ചിരുന്നു. ഷാജ് കിരണുമായി ഫോണിൽ സംസാരിച്ചെന്ന ആരോപണം എഡിജിപി വിജയ് സാഖറെ തള്ളി. എന്നാൽ, വിഷയത്തിൽ എം ആർ അജിത് കുമാർ ഇതുവരെ പ്രതികരണം നടത്തിയിട്ടില്ല.
സ്വപ്ന പുറത്തുവിട്ടത് എഡിറ്റ് ചെയ്ത ശബ്ദരേഖ; യഥാർത്ഥ ഓഡിയോ പുറത്തുവിടുമെന്ന് ഷാജ് കിരൺ
ഗതാഗത കമ്മീഷണറായിരുന്ന എം ആർ അജിത് കുമാറിനെ ഇക്കഴിഞ്ഞ ഏപ്രിലിലാണ് പോലീസ് തലപ്പത്ത് നടത്തിയ അഴിച്ചുപണിയിൽ വിജിലൻസ് മേധാവിയായി നിയമിച്ചത്. വിജിലൻസ് ഡയറക്ടറായിരുന്ന സുദേഷ് കുമാറിനെ ജയിൽ ഡിജിപിയായി നിയമിച്ചതിനൊപ്പമാണ് അജിത് കുമാറിന് വിജിലൻസ് ചുമതല നൽകിയത്.
സ്വപ്ന സുരേഷിൻ്റെ വാർത്താസമ്മേളനം
Web Title : government remove vigilance director mr ajith kumar amid swapna suresh allegations
Malayalam News from Samayam Malayalam, TIL Network
