ഹോട്ടലിലെ മെനു കാർഡിൽ നിന്നും രാഹുൽ ഗാന്ധി എന്ന പേര് നീക്കണമെന്ന് ഇറ്റാവ ജില്ലാ കോൺഗ്രസ് കമ്മിറ്റി ആവശ്യപ്പെട്ടു. പേര് നീക്കം ചെയ്ത് മാപ്പ് പറയണമെന്ന് പ്രാദേശിക കോൺഗ്രസ് നേതൃത്വം ആവശ്യപ്പെട്ടു
ഹൈലൈറ്റ്:
- ഹോട്ടലിലെ ഇറ്റാലിയൻ വിഭവത്തിന് രാഹുൽ ഗാന്ധി’ എന്ന പേര്.
- ഉത്തർപ്രദേശിലെ ഇറ്റാവയിലെ ഹോട്ടലിലെ മെനു കാർഡിലാണ് രാഹുൽ ഗാന്ധി എന്ന പേര് നൽകിയത്.
- ഹോട്ടലിനെതിരെ ആരോപണവുമായി കോൺഗ്രസ്.
രാജ്യസഭ തെരഞ്ഞെടുപ്പ്: പരാജയപ്പെട്ടവരിൽ അജയ് മാക്കനും; മഹാരാഷ്ട്രയിലും ഹരിയാനയിലും നേട്ടമുണ്ടാക്കി ബിജെപിഇറ്റാവയിലെ സിവിൽ ലൈൻസ് ഏരിയയിൽ സ്ഥിതി ചെയ്യുന്ന ഹോട്ടലിലാണ് രാഹുൽ ഗാന്ധി പേരിൽ വിഭവം വിളമ്പുന്നത്. ഹോട്ടലിലെ ഇറ്റാലിയൻ വിഭവങ്ങളുടെ വിവരവും വിലയും നൽകിയതിന് പൊതുവായി നൽകിയ തലക്കെട്ട് ‘ഇറ്റാലിയൻ രാഹുൽ ഗാന്ധി’ എന്നാണ്. ഇറ്റാലിയൻ പാസ്ത, മെക്സിക്കൻ പാസ്ത, ഹാംഗ് ഓവർ പാസ്ത എന്നി വിഭവങ്ങളാണ് ഇതിനൊപ്പം നൽകിയിരിക്കുന്നത്.
ഹോട്ടലിലെ മെനു കാർഡിൽ നിന്നും രാഹുൽ ഗാന്ധി എന്ന പേര് നീക്കണമെന്ന് ഇറ്റാവ ജില്ലാ കോൺഗ്രസ് കമ്മിറ്റി ആവശ്യപ്പെട്ടു. പേര് നീക്കം ചെയ്ത് മാപ്പ് പറയണമെന്ന് പ്രാദേശിക കോൺഗ്രസ് നേതൃത്വം ആവശ്യപ്പെട്ടു. നടപടി സ്വീകരിച്ചില്ലെങ്കിൽ പ്രതിഷേധം തുടരുമെന്ന് നേതാക്കൾ അറിയിച്ചതായി മാധ്യമങ്ങൾ റിപ്പോർട്ട് ചെയ്തു.
രാജ്യസഭാ തെരഞ്ഞെടുപ്പ്: രാജസ്ഥാനിൽ മൂന്ന് സീറ്റിലും കോൺഗ്രസിന് വിജയം
രാഹുൽ ഗാന്ധിയുടെ പേര് അനുചിതമായി ഉപയോഗിച്ചുവെന്ന് ആരോപിച്ച് പോലീസ് സൂപ്രണ്ടിന് ജില്ലാ കോൺഗ്രസ് ഭാരവാഹികൾ പരാതി നൽകി. പരാതിയിൽ നടപടി സ്വീകരിക്കുമെന്ന് പോലീ ഉറപ്പ് നൽകിയതായി നേതാക്കൾ അറിയിച്ചു. സർക്കാർ സ്ഥലം അനധികൃതമായി കൈയേറിയാണ് റസ്‌റ്റോറന്റ് നിർമ്മിച്ചതെന്ന ആരോപണവുമായി കോൺഗ്രസ് ജില്ലാ പ്രസിഡന്റ് പല്ലവ് ദുബെ രംഗത്തുവന്നു. റസ്റ്റോറന്റിലെ മെനു കാർഡിൽ രാഹുൽ ഗാന്ധി എന്ന പേരെഴുതിയത് കോൺഗ്രസ് നേതാവ് രാഹുലിനെ അപമാനിക്കുന്നതിനാണ്. ഈ പ്രവർത്തി ചെയ്തവർ ആരായാലും കേസെടുത്ത് അറസ്റ്റ് നടപടി സ്വീകരിക്കണം. കുറ്റക്കാരെ ജയിലിൽ അടയ്ക്കണമെന്നും അദ്ദേഹം ആവശ്യപ്പെട്ടു.
വിദ്യാർഥിനിയെ വെട്ടിക്കൊല്ലാൻ ശ്രമം: യുവാവ് അറസ്റ്റിൽ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : dish named after rahul gandhi in the menu card of a restaurant at etawah
Malayalam News from Samayam Malayalam, TIL Network
