നമ്മള്‍ അറിയാത്ത, നമ്മളുടെ ആരോഗ്യവുമായി ബന്ധപ്പെട്ട കുറച്ച് വിശേഷങ്ങള്‍ അറിഞ്ഞാലോ. നമ്മള്‍ നിത്യജീവിതത്തില്‍ ഇത്തരം കാര്യങ്ങള്‍ ശ്രദ്ധിച്ചാല്‍ ലൈഫ് ഈസിയായിരിക്കും.
ഹൈലൈറ്റ്:
- സ്ത്രീകള്‍ക്കാണോ പുരുഷന്മാര്‍ക്കാണോ ഓര്‍മ്മ കൂടുതല്‍?
- സ്‌ട്രെസ്സ് കുറയ്ക്കുവാന് എന്താണ് വഴി?
- നന്നായി ചിരിച്ചാല്‍ ആരോഗ്യം മെച്ചപ്പെടുന്നത് എങ്ങിനെ?
1. നന്നായി ചിരിക്കാത്തവര്‍ കുറവായിരിക്കും. നമ്മള്‍ നന്നായി ഉള്ളുതുറന്ന് ചിരിക്കുന്നത് ഹൃദയത്തിന്റെ ആരോഗ്യത്തിന് നല്ലതാണ്. മാത്രവുമല്ല, നമ്മള്‍ ഇത്തരത്തില്‍ ഓരോവട്ടവും ഉള്ളുതുറന്ന് ചിരിക്കുമ്പോള്‍ ശരീരത്തില്‍ മൊത്തത്തില്‍ 20 ശതമാനത്തോളം രക്തോട്ടം കൂടുന്നു എന്നാണ് പറയുന്നത്.
2. എല്ലാത്തിന്റേയും നല്ലവശങ്ങള്‍ മാത്രം കാണുവാന്‍ ശ്രമിക്കുന്നതും കുറച്ച് വിശാലമനസ്സുള്ളവരാകുന്നത് ആയുസ്സ് കൂട്ടുവാന്‍ സഹായിക്കും. ഹാര്‍വാഡ് ആന്റ് ബോണ്‍സ്റ്റണ്‍ യുണിവേഴ്‌സിറ്റിയെ ശാസ്ത്രജ്ഞര്‍ നടത്തിയ പഠനത്തില്‍ വിശാലമനസ്സുള്ളവര്‍ക്ക് ബ്ലഡ് പ്രഷര്‍ കുറവും ഹൃദയസംബന്ധമായ അസുഖങ്ങള്‍ വരുവാനുള്ള സാധ്യത കുറവാണെന്നും കണ്ടെത്തിയിട്ടുണ്ട്. മാത്രവുമല്ല, നല്ല ആരോഗ്യമുള്ള സ്വഭാവം ഉണ്ടാകുന്നതിനും ഇത് സഹായിക്കുന്നുണ്ട്.
3. ചിലര്‍ക്ക് നല്ല ക്ഷീണം തോന്നിയാല്‍ ഒന്നും ചെയ്യുവാന്‍ തോന്നുകയില്ല. എന്തിന് ദിവസേന ചെയ്യുന്ന വ്യായാമം പോലും ചെയ്യുവാന്‍ മടിയായിരിക്കും. എന്നാല്‍, നമ്മള്‍ ക്ഷീണിച്ചിരിക്കുന്ന സമയത്ത് വ്യായാമം ചെയ്താല്‍ നല്ല ഉന്മേഷം ലഭിക്കും.
4. ചിലര്‍ക്ക് എന്തൊക്കെ വരും എന്ന് പറഞ്ഞാലും വ്യായാമം ചെയ്യുവാന്‍ മടിയാണ്. എന്നാല്‍, വ്യായാമം ചെയ്യാതിരിക്കുന്നത് ഒരാള്‍ പുകവലിച്ച് എത്രത്തോളം ആരോഗ്യം നശിപ്പിക്കുന്നുവോ അതിനു സമാനമാണ്. അതുകൊണ്ട് ഞാന്‍ പുകവലിക്കില്ല എന്ന് പറഞ്ഞതുകൊണ്ടായില്ല, വ്യായാമവും ശീലമാക്കാം.
5. ലോകത്തില്‍വെച്ച് പ്രത്യേകിച്ച് വികസിത രാജ്യങ്ങളില്‍ വെച്ച് ആരോഗ്യമേഖലയിലേയ്ക്ക് കൂടുതല്‍ പണം ഇറക്കുന്നത് അമേരിക്കയാണ്. എന്നാല്‍, വികസിത രാജ്യങ്ങളിലെ ജീവിതനിലവാരത്തിന്റെ കണക്കുകളെടുത്താല്‍ അതില്‍ അവസാന റാങ്കാണ് അമേരിക്കയ്ക്ക് ഉള്ളത്.
6. ബുദ്ധി വികസിക്കുവാന്‍ എന്തെല്ലാം ചെയ്യാം എന്നാലോചിച്ച് നടക്കുന്നവര്‍ക്ക് വളരെ നല്ലൊരു എളുപ്പമാര്‍ഗ്ഗം ഇതാ. പ്രത്യേകിച്ചൊന്നുമല്ല, പുതിയ ഭാഷ, അല്ലെങ്കില്‍ പുതിയ മ്യൂസിക്കല്‍ ഇന്‍സ്ട്രുമെന്റ്‌സ് ഉപയോഗിക്കുവാന്‍ പഠിക്കുക എന്നതുതന്നെ. ഇത്തരത്തില്‍ ചെയ്യുന്നതിലൂടെ ബുദ്ധിവികാസം നടക്കും എന്നാണ് പറയപ്പെടുന്നത്.
മുഖത്തെ ഒരുവശം തളര്‍ന്ന് ജസ്റ്റിന്‍ ബീബര്‍: വില്ലനായത് റംസി ഹണ്ട് സിന്‍ഡ്രം
7. ചിലര്‍ക്ക് വീട്ടുകാരുമായും അതുപോലെ സുഹൃത്തുക്കളുമായും നല്ല ബന്ധമായിരിക്കും. ഇത്തരത്തില്‍ നല്ല ബന്ധങ്ങള്‍ കാത്തു സൂക്ഷിക്കുന്നത് രോഗപ്രതിരോധശേഷി കൂട്ടുന്നതിനും മാനസികാരോഗ്യം മെച്ചപ്പെടുത്തുന്നതിനും സഹായിക്കും.
8. നല്ലപോലെ തിരക്കുപിടിച്ച് ടെന്‍ഷന്‍ അടിച്ച് ജീവിക്കുന്നവരാണെങ്കില്‍ എന്നും കാപ്പി കുടിക്കുന്നത് നല്ലതാണ്. ടെന്‍ഷന്‍നും സ്‌ട്രെസ്സും കുറയ്ക്കുവാന് ഏറ്റവും നല്ലതാണ് കാപ്പി.
9. നല്ല മെമ്മറി കപ്പാസിറ്റി കൂട്ടുവാനായി റോസ്‌മേരി മണപ്പിക്കുന്നത് വളരെ നല്ലതാണ്. ഏതെങ്കിലും എക്‌സാമിന് പോകുന്നതിന് മുന്‍പോ അല്ലെങ്കില്‍ ഇന്റര്‍വ്യൂന് പോകുന്നതിന് മുന്‍പ് റോസ്‌മേരി മണപ്പിച്ചാല്‍ എല്ലാകാര്യങ്ങളും നല്ലരീതിയില്‍ ഓര്‍മ്മയില്‍ നിലനില്‍ക്കുവാന്‍ സഹായിക്കും.
10. അതേപോലെ നല്ല ടെന്‍ഷന്‍ അടിച്ചിരിക്കുന്ന സമയത്ത് അല്ലെങ്കില്‍ സ്‌ട്രെസ്സ് അനുഭവിക്കുന്ന സമയത്ത് ഗം ചവച്ചുകൊണ്ടിരുന്നാല്‍ നമ്മള്‍ കൂടുതല്‍ അലേര്‍ട്ട് ആകുന്നതിനും സ്‌ട്രെസ്സ് കുറയ്ക്കുന്നതിനും അമിതമായ ആകാംഷയെല്ലാം ഇല്ലാതാക്കുന്നതിനും സഹായിക്കും.
11. അതേപോലെ സ്ഥിരമായി യോഗ ചെയ്യുന്നത് കാര്യങ്ങള്‍ മനസ്സിലാക്കിയെടുക്കുന്നതിനും തലച്ചോര്‍ നല്ലപോലെ പ്രവര്‍ത്തിക്കുന്നതിനും സ്‌ട്രെസ്സ് കുറയ്ക്കുന്നതിനുമെല്ലം സഹായിക്കുന്നുണ്ട്.
12. നല്ല ടെന്‍ഷന്‍ അടിച്ചിരിക്കുന്ന സമയത്ത് ചൂടുവെള്ളം കുടിക്കുന്നത് ടെന്‍ഷന്‍ കുറയ്ക്കുവാന് സഹായിക്കുന്നുണ്ട്. അതേപോലെ നല്ല ചൂടുള്ള കാലാവസ്ഥയില്‍ ദാഹം കുറയ്ക്കുവാന് ഏറ്റവും നല്ലത് ചൂടുവെള്ളമാണ്.
13. നമ്മള്‍ ഒരോ സമയം ഒരു മൂക്കിലെ ദ്വരത്തില്‍ കൂടെമാത്രമാണ് ശ്വസിക്കുന്നത്. 1977ല്‍ മയോ ക്ലിനിക്ക് പ്രോസീഡിംഗ്‌സ് എന്ന ജോണലിലാണ് ഈ കാര്യത്തെക്കുറിച്ച് പറയുന്നത്.
14. സ്ത്രീകളേക്കാള്‍ ഏറ്റവും കൂടുതല്‍ മറവി ഉള്ളത് പുരുഷന്മാരിലാണ് എന്നാണ് പറയപ്പെടുന്നത്. 2015ല്‍ പ്രസിദ്ധീകരിച്ച ദ ക്വാട്ടേര്‍ളി ജേണല്‍ ഓഫ് എക്‌സ്പിരിമെന്റല്‍ സൈക്കോളജി എന്ന ലേഖനത്തില്‍ സ്ത്രീകളുടേയും പുരുഷന്മാരുടേയും തലച്ചോറിന്റെ ഘടനയിലുള്ള വ്യത്യാസവും മെമ്മറി പവറിനെക്കുറിച്ചും അടയാളപ്പെടുത്തുന്നുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : 14 interesting about health
Malayalam News from Samayam Malayalam, TIL Network
