യുവാക്കളുടെ ഹരമായ പോപ്പ് സിംഗറാണ് ജസ്റ്റിന്‍ ബീബര്‍. വളരെ ചെറുപ്പത്തില്‍ തന്നെ നിരവധി ആരാധകരെ ഉണ്ടാക്കിയെടുത്ത ഇദ്ദേഹം ഇന്ന് റംസി ഹണ്ട് സിന്‍ഡ്രോം എന്ന അസുഖത്താല്‍ ബുദ്ധിമുട്ടുകയാണ്.
ഹൈലൈറ്റ്:
- എന്താണ് റംസി ഹണ്ട് സിന്‍ഡ്രം
- ഇത് എങ്ങിനെയാണ് പ്രധാനമായും പകരുന്നത്
- ആരിലെല്ലാം ഇത് കണ്ടുവരുന്നു.
റംസി ഹണ്ട് സിൻഡ്രോം | കാരണം| ലക്ഷണങ്ങള്‍ എന്തെല്ലാം| ആരെയെല്ലാമാണ് ഇത് ബാധിക്കുന്നത്
ആരാധകരെ ഞെട്ടിച്ചുകൊണ്ട് പോപ് സിംഗര്‍ ജസ്റ്റിന്‍ ബീബര്‍ ഒരു വെളിപ്പെടുത്തല്‍ നടത്തി. തന്റെ മുഖത്തിന് റംസെ ഹണ്ട് സിന്‍ഡ്രം ആണെന്ന്. അതായത് മുഖത്തിന്റെ ഒരു ഭാഗം തളര്‍ന്ന് പോയെന്നും തന്റെ വലത്തെ കണ്ട് ചിമ്മുകയോ അനക്കുവാന്‍ സാധിക്കുകയോ ചെയ്യാന്‍ പറ്റുന്നില്ലെന്നാണ് താരം വെളിപ്പെടുത്തിയത്.
എന്താണ് റംസി ഹണ്ട് സിൻഡ്രോം
ഞരമ്പുകളുടെ സംവിധാനത്തെ ബാധിക്കുന്ന വളരെ വിരളമായി കാണപ്പെടുന്ന ഒരു അസുഖമാണ് റംസി ഹണ്ട് സിഡ്രം. ഇത് മുഖത്ത് ഞരമ്പുകളെ ബധിക്കുകയും ഒരുവശത്തെ ചലനങ്ങള്‍ ഇല്ലാതാക്കുകയും ചെയ്യുന്നു. ഇത് പ്രധാനമായും ആദ്യം ബാധിക്കുന്നത് ചെവിയിലോ അല്ലെങ്കില്‍ വായയിലോ ആണ്. തുടക്കത്തില്‍ ചെവിയില്‍ എന്തെങ്കിലും മൂളല്‍ പോലെയോ അല്ലെങ്കില്‍ കേള്‍വി കുറയുന്നതായി അനുഭവപ്പെടുന്നതുമായിരിക്കും ലക്ഷണമായി കാണിക്കുക.
വാരിസെല്ല സോസ്റ്റര്‍ എന്ന വൈറസ് ബാധ ഉണ്ടാകുന്നതുമൂലമാണ് ഈ അസുഖം പ്രധാനമായും ഉണ്ടാകുന്നത്. സാധാരണ ചിക്കന്‍പോക്‌സ് വരുത്തുന്ന അതേ വൈറസ് തന്നെയാണിത്. ഇത് ചെവിക്കകത്തുള്ള ഞരമ്പുകളെ ബാധിക്കുകയും പിന്നീട് മുഖത്തെ ഞരമ്പുകളുടെ പ്രവര്‍ത്തനത്തേയും ഇത് ബാധിക്കുന്നു. ഈ വൈറസ് ബാധ ഉണ്ടാകുമ്പോള്‍ മുഖത്ത് അസ്വസ്ഥതയും അതുപോലെ ഞരമ്പുകളില്‍ വീക്കവും സംഭവിക്കുന്നു. ഇത്തരത്തില്‍ ഞരമ്പുകളില്‍ വീക്കം സംഭവിക്കുമ്പോഴാണ് മുഖം തളര്‍ന്ന് പോകുന്നത്.
1907ല്‍ ജെയിംസ് റംസി ഹണ്ട് എന്ന ഫിസീഷനാണ് ഈ അസുഖത്തെക്കുറിച്ച് ആദ്യമായി വിവരിക്കുന്നതും ലോകത്തിന് പരിചയപ്പെടുത്തുന്നതും. അതുകൊണ്ടുതന്നെ ഇദ്ദേഹത്തിന്റെ പേരില്‍ നിന്നാണ് ഈ അസുഖത്തിന് റംസി ഹണ്ട് സിഡ്രം എന്ന പേരും ലഭിച്ചത്. അതുപോലെതന്നെ ഈ അസുഖത്തിന് മറ്റൊരു പേരും കൂടെയുണ്ട്. അതാണ് ഹെര്‍പ്‌സ് സോസ്റ്റര്‍ ഒറ്റികസ്. ചെവിയില്‍ മാത്രം ഈ വൈറസ് ബാധ കണ്ടുവരുന്നതിനെയാണ് ഹെര്‍പ്‌സ് സോസ്റ്റര്‍ ഒപ്റ്റിക്കസ് എന്ന് വിശേഷിപ്പിക്കുന്നത്. ചെവിയിലും മുഖത്തും ഈ വൈറസ് ബാധകാണുന്നതിനെ റംസെ ഹണ്ട് സിന്‍ഡ്രോം എന്ന് പറയുന്നു.
ഈ അസുഖം വരുന്നതിന്റെ കാരണം
വാരിസെല്ല സോസ്റ്റര്‍ വൈറസ് മൂലമാണ് റംസി ഹണ്ട് സിന്‍ഡ്രോം ഉണ്ടാകുന്നത്. ഈ വൈറസ് തന്നെയാണ് ചിക്കന്‍പോക്‌സിനും കാരണമാകുന്നത്. ചെറുപ്പത്തില്‍ ചിക്കന്‍പോക്‌സ് വന്നവരില്‍ ഈ വൈറസ് നിലനില്‍ക്കുകയും പിന്നീട് ഇത് പെരുകുംതോറുമാണ് ഈ റെസി ഹണ്ട് സിന്‍ഡ്രം ഉണ്ടാകുന്നത്. എന്തുകൊണ്ടാണ് ഈ വൈറസ് റിആക്ടീവ് ആകുന്നത് എന്നതിനെക്കുറിച്ച് ഇന്നും കൃത്യമായ തെളിവുകള്‍ ലഭിച്ചിട്ടില്ല.
കൂര്‍ക്കംവലി മാറ്റുവാന്‍ ശ്രദ്ധിക്കേണ്ടവ
ഇതിന്റെ ലക്ഷണങ്ങള്‍ എന്തെല്ലാം
ഈ അസുഖം സാധാരണയായി ചെറുപ്പക്കാരിലാണ് കണ്ടുവരുന്നത്. വളരെ ചുരുക്കം ചില സാഹചര്യങ്ങളില്‍ മാത്രമാണ് കുട്ടികളിലും ഇത് കണ്ടുവരുന്നത്. ഈ വൈറസ് ബാധിച്ചാല്‍ പ്രധാനമായും കണ്ടുവരുന്ന ലക്ഷണങ്ങളാണ്;
1. ചെവിയില്‍ നല്ല വേദന അനുഭവപ്പെടുന്നത് ഈ അസുഖത്തിന്റെ ലക്ഷണങ്ങളില്‍ ഒന്നാണ്.
2. ചെവിക്കല്ല്, ചെവികനാല്‍, ചെവിയുടെ കീഴ്ഭാഗം, നാവ്, വായയുടെ മുകള്‍ഭാഗം എന്നിവിടങ്ങളിലെല്ലാം നല്ല വേദനയുള്ള തടിപ്പുകള്‍ കാണാം. ഈ വൈറസ് ബാധിച്ചതിന്റെ പാര്‍ശ്യഫലമായാണ് ഇത് രൂപപ്പെടുന്നത്.
3. ഒരുവശത്തെ ചെവിയ്ക്ക് കേള്‍വി കുറവുണ്ടാകുന്നു.
4. ശബ്ദങ്ങള്‍ താങ്ങുവാനുള്ള ശേഷി കുറയുന്നു.
5. മുഖത്തിന്റെ ഒരു വശം തളരുന്നതോടെ ആഭാഗത്തെ കണ്ണുകള്‍ അടയ്ക്കുവാന്‍ ബുദ്ധിമുട്ട് അനുഭവപ്പെടുന്നു. അതേപോലെ ഭക്ഷണം കഴിക്കുവാനും മുഖത്ത് ഭാവങ്ങള്‍ വരുവാനും ചലനം ഉണ്ടാക്കുവാനുമെല്ലാം ബുദ്ധിമുട്ടായിരിക്കും.
6. ചിലരില്‍ ഛര്‍ദ്ദിയും രുചി നഷ്ടമാവുകയും കണ്ണുകള്‍ വരണ്ടുപോകുന്നതുമായും കാണാം.
ആരെയെല്ലാമാണ് ഇത് ബാധിക്കുന്നത്
ഒരുലക്ഷം ആള്‍ക്കാര്‍ എടുത്താല്‍ അതില്‍ അഞ്ച് പേര്‍ക്കെങ്കിലും ഈ റംസി ഹണ്ട് സിന്‍ഡ്രം ബാധിക്കുന്നുണ്ടെന്നാണ് കണക്ക്. ഓരോ വര്‍ഷവും ഇത്തരത്തില്‍ അസുഖം ബാധിക്കുന്നവരേയും കണ്ടെത്തുന്നുണ്ട്. ഈ അസുഖം പ്രധാനമായും കണ്ടുവരുന്നത് മുന്‍പ് ചിക്കന്‍പോക്‌സ് വന്നവരിലാണ്. കൂടാതെ ചെറുപ്പക്കാരിലും അതുപോലെ 60 വയസ്സിന് മുകളിലുള്ളവരിലും ഈ അസുഖം വരുവാനുള്ള സാധ്യതയും കൂടുതലാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : justin bieber is diagnosed with ramsay hunt syndrome and what is ramsay hunt syndrome
Malayalam News from Samayam Malayalam, TIL Network
