‘ഏത് തരത്തിലുള്ള പിപ്പിടി കാണിച്ചാലും അതൊന്നും ഇങ്ങോട്ട് ഏശില്ല’: പരോക്ഷ മറുപടിയുമായി മുഖ്യമന്ത്രി

തന്നെ വിരട്ടാൻ നോക്കിയെങ്കിലും നടന്നില്ലെന്നും, എന്തും വിളിച്ചുപറയാമെന്നാണ് കരുതുന്നത്. ഏത് കൊലകൊമ്പൻ ആണെങ്കിലും സമ്മതിക്കില്ലെന്നും മുഖ്യമന്ത്രി വ്യക്തമാക്കി.

അദ്ദേഹത്തിന്റെ വാക്കുകൾ ഇങ്ങനെ, ലൈസൻസില്ലാത്ത നാക്ക് കൊണ്ട് എന്തും പറയാമെന്ന നിലയെടുത്താൽ അതിന്റെ ഫലം എന്തായിരിക്കുമെന്ന് ഈ അടുത്ത നാളിൽ നാം കണ്ടു. വിരട്ടാനൊക്കെ നോക്കി, അതങ്ങ് വെറെ വെച്ചാൽ മതി, അതൊന്നും ഇവിടെ ചെലവാകില്ല. ഈ നാടിന് ഒരു സംസ്കാരമുണ്ട്. ഒരു പൊതുവായ രീതിയുണ്ട്. അത് മാറ്റി വലിയ തോതിൽ ഭിന്നത വളർത്തിക്കളയാമെന്ന് ആരെങ്കിലും വിചാരിച്ചാൽ, അവരുടെ പിന്നിൽ ഏത് കൊലകൊമ്പൻ അണി നിരന്നാലും ശക്തമായ നടപടിയെടുത്ത് മുന്നോട്ട് പോകും. ജനം അതാണ് ആഗ്രഹിക്കുന്നത്.

നുണയുടെ മലവെള്ളപ്പാച്ചിലാണ് നിയമസഭാ തെരഞ്ഞെടുപ്പിന് മുമ്പാണ്ടായത്. അതെല്ലാം തള്ളിക്കളഞ്ഞുകൊണ്ടാണ് ജനം തങ്ങളെ അധികാരത്തിലേറ്റിയത്. ഏത് തരത്തിലുള്ള പിപ്പിടി കാണിച്ചാലും അതൊന്നും ഇങ്ങോട്ട് ഏശില്ല. ഇതെല്ലാം പറഞ്ഞത്കൊണ്ട് അങ്ങനെ ഇളക്കിക്കിളയാൻ സാധിക്കുമെന്നാണ് കരുതുന്നത്. അതിനൊക്കെ വേറെ ആളെ നോക്കണം. ഞങ്ങൾക്ക് ജനങ്ങളെ പൂർണ്ണവിശ്വാസമുണ്ട്. ജനങ്ങൾക്ക് കാര്യങ്ങൾ തിരിച്ചറിയാൻ സാധിക്കും. കൂടുതൽ കാര്യങ്ങൾ കെജിഒഎ വേദിയിൽ പറയുന്നില്ലെന്നും മുഖ്യമന്ത്രി പറഞ്ഞു.

Also Read : സ്വർണക്കടത്ത് കേസ് വിശദീകരിക്കും; ബദൽ പ്രചാരണത്തിന് സിപിഎം

മുഖ്യമന്ത്രിയുടെ വരവ് കണക്കിലെടുത്ത് കടുത്ത ഗതാഗത നിയന്ത്രണമാണ് കോട്ടയം നഗരത്തിൽ ഏർപ്പെടുത്തിയിരുന്നത്. മുഖ്യമന്ത്രി താമസിച്ചിരുന്ന നാട്ടകം ഗസ്റ്റ് ഹൗസിൽ നിന്ന് മാമ്മൻ മാപ്പിള മെമ്മോറിയൽ ഹാളിലേക്ക് അദ്ദേഹത്തിൻറെ വാഹനം കടന്ന് പോകുന്ന വഴിക്ക് ഒന്നര മണിക്കൂർ മുമ്പേ പൊതുജനത്തിൻറെ വാഹനങ്ങൾ തടഞ്ഞു.

നഗരത്തിലെ പ്രധാന റോഡുകളെല്ലാം മുന്നറിയിപ്പില്ലാതെ പൊലീസ് അടച്ചു. മുഖ്യമന്ത്രി വരുന്നതിനും ഒന്നേകാൽ മണിക്കൂർ മുമ്പേയായിരുന്നു റോഡുകൾ അടച്ചത്. ബസേലിയോസ് ജംഗ്ഷൻ, കളക്ടറേറ്റ് ജംഗ്ഷൻ, ചന്തക്ക കവല, ഈരയിൽ കടവ് തുടങ്ങി കെ കെ റോഡിലെ എല്ലാ പ്രധാനകവലകളും പൊലീസ് അടച്ചിട്ടിരിക്കുകയായിരുന്നുവെന്നാണ് ഏഷ്യാനെറ്റ് ന്യൂസ് റിപ്പോർട്ടിൽ പറയുന്നു.

Also Read : രാജ്യസഭാ തെരഞ്ഞെടുപ്പ്: ശിവസേനയ്ക്ക് തിരിച്ചടി; മഹാരാഷ്ട്രയിൽ 6മാത്തെ സീറ്റ് ബിജെപിക്ക്

ഇതും വലിയ പ്രതിഷേധങ്ങൾക്ക് കാരണമായിരുന്നു. വൻ ഗതാഗത കുരുക്കാണ് അനുഭവപ്പെട്ടത്. കാൽനടയാത്രക്കാരെ പോലും പോലീസ് തടഞ്ഞുവെച്ചുവെന്നാണ് റിപ്പോർട്ടിൽ പറയുന്നത്.