ആട്ടിന്‍ കുഞ്ഞിന് വഴികാണിച്ച് കൊടുക്കുന്ന ആളെ കണ്ടോ? കൊച്ചു മിടുക്കനെ അഭിനന്ദിച്ച് സോഷ്യല്‍ മീഡിയ

ഏകദേശം 2.7 മില്യണ്‍ ആളുകളാണ് ഇതുവരെ വീഡിയോ കണ്ടത്. ഹൃദയസ്പര്‍ശിയായ വീഡിയോയാണിതെന്നാണ് പലരും വീഡിയോയ്ക്ക് കമന്റ് ചെയ്തിരിക്കുന്നത്. വീഡിയോയിലെ കുഞ്ഞിനും അഭിന്ദനപ്രവാഹമാണ്. സൂപ്പര്‍ മാരിയോയുടെ വേഷത്തില്‍ നില്‍ക്കുന്ന ഒരു ചെറിയ ആണ്‍കുട്ടി ആട്ടിന്‍കുട്ടിയോടൊപ്പം വയലില്‍ നില്‍ക്കുന്നതാണ് വീഡിയോ.

Also read:വിവാഹത്തിന് എത്തിയ കുഞ്ഞ് അതിഥിയെ കണ്ട് കണ്ണ് നിറഞ്ഞ് വധുവും വരനും; ഹൃദയസ്പര്‍ശിയായ വീഡിയോ എന്ന് സോഷ്യല്‍ മീഡിയ

അമ്മയെ നഷ്ടപ്പെട്ട ആട്ടിന്‍കുട്ടി കരഞ്ഞുകൊണ്ട് അമ്മയെ തിരയുകയാണ്. ആട്ടിന്‍ കുഞ്ഞിന്റെ കരച്ചില്‍ കേട്ട് ദൂരെ നിന്ന് അമ്മ ആട് ഓടി വരുന്നതും വീഡിയോയില്‍ കാണാം. അമ്മ ആടിന്റെ അടുത്തേക്ക് ആട്ടിന്‍കുട്ടിയെ എത്താന്‍ സഹായിക്കുകയാണ് ആ കൊച്ചു കുഞ്ഞ്. ആട്ടിന്‍കുട്ടിയോടൊപ്പം നടന്ന് അവനെ അമ്മയുടെ അടുത്ത് സുരക്ഷിതമായി എത്തിക്കുന്നതാണ് വീഡിയോ എന്തായാലും സോഷ്യല്‍ മീഡിയയുടെ മുഴുവന്‍ ഹൃദയം കവര്‍ന്ന് കഴിഞ്ഞു ഈ വീഡിയോ.