സ്വാതന്ത്ര്യത്തിന്‍റെ വിഹായസ്സിലേക്ക് കേരളത്തെ ഉയർത്താനും ഉണർത്താനും പിണറായിക്ക് കഴിയും. തീയിൽ കുരുത്തത് വെയിലത്ത് വാടില്ല എന്നാണ് അദ്ദേഹത്തെ കാണുമ്പോൾ തോന്നുകയെന്നും പറഞ്ഞുകൊണ്ടാണ് ലത്തീൻ രൂപത ബിഷപ്പിന്‍റെ വാക്കുകൾ.
Also Read : നാഷണൽ ഹെറാൾഡ് കേസ്: രാഹുൽ ഇന്ന് ഇ.ഡി.ക്കുമുന്നിൽ; റാലിക്ക് അനുമതി നിഷേധിച്ച് ഡൽഹി പോലീസ്
മുഖ്യമന്ത്രിയിൽ പ്രധാനമായും മൂന്ന് ഗുണങ്ങളാണ് വീക്ഷിച്ചത്. ആത്മനിയന്ത്രണ ശക്തിയും പ്രവർത്തന ശക്തിയും ബന്ധങ്ങൾ നിലനിർത്തുന്നതിലുള്ള ശക്തിയുമാണത്‌. എന്തു ചെയ്യണം, എന്തു പറയണം എന്ന് വ്യക്തതയും തിരിച്ചറിവുമുള്ള നേതാവാണ് പിണറായി വിജയൻ.
കൊച്ചു കേരളത്തിന് നല്ല നല്ല കാര്യങ്ങൾ സ്വപ്നം കാണാൻ ഉണർന്നു പ്രവർത്തിക്കുന്നു. ബന്ധങ്ങൾക്ക് വലിയ വില കൽപ്പിക്കുന്നു. തിറയും തെയ്യവും സംഭാവന നൽകിയ കണ്ണൂരിലെ കമ്യൂണിസ്റ്റ് പ്രസ്ഥാനത്തിന്‍റെ ജ്വലിക്കുന്ന നേതാവാണ് അദ്ദേഹം. ആറുവർഷമായി കേരളത്തെ നയിക്കുന്ന അദ്ദേഹത്തിന്‌ ഇനിയും മികവോടെ പ്രവർത്തിക്കാനാവുമെന്നും ബിഷപ് ഡോ. വർഗീസ് ചക്കാലക്കൽ പറഞ്ഞു.
Also Read : ആശ്വസിക്കാം: യുക്രൈനിലെ ഇന്ത്യൻ വിദ്യാർത്ഥികൾക്ക് റഷ്യയിൽ പഠനം തുടരാം
നാടിന്‍റെ ക്ഷേമവും പുരോഗതിയും മുൻനിർത്തി സഭക്കും സർക്കാറിനും വിവിധ മേഖലകളിൽ സഹകരിക്കാനാവുമെന്നാണ് മുഖ്യമന്ത്രി പിണറായി വിജയൻ ചടങ്ങിൽ പറഞ്ഞത്. ആഗോള ക്രൈസ്തവസഭയെ നയിക്കുന്ന ഫ്രാൻസിസ് മാർപാപ്പ സാമൂഹികനീതിക്ക് വലിയ പ്രാധാന്യമാണ് ത‍ന്‍റെ ഉദ്ബോധനങ്ങളിൽ നൽകുന്നത്. അതിദാരിദ്ര്യ നിർമാർജനം മുതൽ ജൻഡർ ബജറ്റിങ് വരെയുള്ള സർക്കാർ പ്രവർത്തനങ്ങൾ മാർപാപ്പ മുന്നോട്ടുവെക്കുന്ന ആശയങ്ങളുമായി ചേർന്നുനിൽക്കുന്നവയാണ്. സഭയും സർക്കാറും തമ്മിലുള്ള സഹകരണത്തെ അർഥവത്താക്കുന്നവയാണ് ശതാബ്ദി ആഘോഷത്തിന്‍റെ ഭാഗമായ പരിപാടികളെന്നാണ് കരുതുന്നതെന്നും അദ്ദേഹം പറഞ്ഞു. രൂപത ശതാബ്ദി ആഘോഷങ്ങളുടെ ഭാഗമായ ‘ബെത്ലഹോം’ ഭവന പദ്ധതിയും മുഖ്യമന്ത്രി ഉദ്ഘാടനം ചെയ്തു.
‘മുഖ്യമന്ത്രിക്കെതിരെ നടത്തുന്നത് അർത്ഥശൂന്യമായ പ്രതിഷേധം’
Web Title : bishop of calicut diocese varghese chakkalakkal on cm pinarayi vijayan
Malayalam News from Samayam Malayalam, TIL Network
