ജമ്മുവിൽ മൂന്നാം ദിവസവും വട്ടമിട്ട് ഡ്രോൺ; ഗൗരവമെന്ന് ഇന്ത്യ, അന്വേഷണം എൻഐഎക്ക്

ഡൽഹി: തുടര്‍ച്ചയായ മൂന്നാം ദിവസവും ജമ്മു കശ്മീരിൽ ഡ്രോൺ കണ്ടെത്തി. ഇതിന് പിന്നാലെ നിലപാട് കടുപ്പിച്ച് ഇന്ത്യ. ജമ്മുവിലെ സുഞ്ച്വാൻ സൈനിക ക്യാമ്പിന് സമീപമാണ് ഇത്തരത്തിൽ ഡ്രോൺ കണ്ടെത്തിയത്.



പുലര്‍ച്ചെ 2.30 ഓടെ കുഞ്ച്വാനി, സുഞ്ച്വാൻ കലുചക് എന്നീ പ്രദേശത്താണ് സൈന്യം ശ്രദ്ധിച്ചത്. തുടര്‍ച്ചയായി മൂന്നാം ദിവസമാണ് ഇത്തരത്തിൽ ഡ്രോണുകള്‍ കണ്ടെത്തിയത്. ജമ്മുവിൽ നിന്നും ഒരു ഡ്രോൺ കണ്ടെത്തിയതിന് പിന്നാലെയാണ് വീണ്ടും ഇത്തരത്തിൽ സംഭവം റിപ്പോര്‍ട്ട് ചെയ്തിരിക്കുന്നത്.

ജമ്മു കശ്മീർ വീണ്ടും കലുഷിതം; ലഷ്കര്‍ ഇ തയ്ബ കമാൻഡര്‍ ഏറ്റുമുട്ടലിൽ കൊല്ലപ്പെട്ടു

ഭീകരസംഘടനകൾ ഡ്രോൺ ഉപയോഗിക്കുന്നുവെന്നും ഇതിനെ ഗൗരവത്തോടെ കാണണമെന്നും ഐക്യരാഷ്ട്രസഭയിൽ ഇന്ത്യ ആവശ്യപ്പെട്ടു. ഭീകരാക്രമണങ്ങൾക്കെതിരായ യുഎൻ മീറ്റിംഗിലാണ് ഇന്ത്യ ഇക്കാര്യം വ്യക്തമാക്കിയത്.

ഇന്ന്, ഭീകരവാദ പ്രചാരണത്തിനായി ഇൻറർനെറ്റ്, സോഷ്യൽ മീഡിയ തുടങ്ങിയ സാങ്കേതികവിദ്യ ദുരുപയോഗം ചെയ്യുന്നുവെന്നും പുതിയ പേയ്‌മെന്റ് രീതികളുടെ ദുരുപയോഗം, തീവ്രവാദത്തിന് ധനസഹായം നൽകുന്നതിനുള്ള ക്രൗഡ് ഫണ്ടിംഗ് പ്ലാറ്റ്ഫോമുകൾ ഉപയോഗിക്കുന്നുവെന്നും കേന്ദ്ര ആഭ്യന്തര മന്ത്രാലയം സ്പെഷ്യൽ സെക്രട്ടറി വി എഎസ്കെ കൗമുദി യുഎന്നിൽ പറഞ്ഞു.

തീവ്രവാദ ആവശ്യങ്ങൾക്കായി ഉയർന്നുവരുന്ന സാങ്കേതികവിദ്യകളുടെ ദുരുപയോഗം ഗുരുതരമായ ഭീഷണിയായി ഉയർന്നുവന്നിട്ടുണ്ടെന്നും, തീവ്രവാദ വിരുദ്ധ മാതൃക മുന്നോട്ട് പോകുന്നത് തീരുമാനിക്കുകയും ചെയ്യുമെന്നും ഇന്ത്യ വ്യക്തമാക്കി.

അതേസമയം, ജമ്മു വ്യോമസേനാ കേന്ദ്രത്തിലെ ഡ്രോൺ ആക്രമണത്തിൽ അന്വേഷണം എൻഐഎയ്ക്ക് കൈമാറി. കഴിഞ്ഞ ദിവസമാണ് വ്യോമസേനയുടെ നിയന്ത്രണത്തിലുള്ള മേഖലയിൽ കഴിഞ്ഞ ദിവസം നടന്ന ഇരട്ട സ്ഫോടനമുണ്ടായത്. അതിനിടെ ജമ്മുകശ്മീരിൽ വീണ്ടും ഡ്രോൺ കണ്ടെത്തി. റത്നുചക് മേഖലയിലെ കുഞ്ജ്വാണിയിൽ ഇന്നലെ രാത്രിയാണ് ഡ്രോൺ കണ്ടെത്തിയത്. മൂന്ന് ദിവസത്തിനുള്ളിഷ അഞ്ച് ഡ്രോണുകളാണ് കണ്ടെത്തിയിരിക്കുന്നത്.

Also Read : കൊവി‍ഡ് വ്യാപനം കുറയുന്നില്ല; നിയന്ത്രണങ്ങള്‍ കടുപ്പിച്ചേക്കും; അവലോകന യോഗം ഇന്ന്



അതിനിടെ കഴിഞ്ഞ ദിവസം പിടിയിലായ ലഷ്കര്‍ ഇ തയ്ബ കമാൻഡറെ ഏറ്റുമുട്ടലിൽ കൊലപ്പെടുത്തി. ആയുധങ്ങൾ കണ്ടെടുക്കാൻ പോകുമ്പോൾ അബ്രാറിന്റെ കൂട്ടാളി വെടിയുതിർക്കുകയായിരുന്നു. അബ്രാറുമായി സംഘം വീടിനകത്തേക്ക് പ്രവേശിച്ചപ്പോൾ ഒളിച്ചിരുന്ന ഭീകരൻ വെടിയുതിർക്കുകയായിരുന്നു. ഈ ആക്രമണത്തിൽ അബ്രാറിനൊപ്പമുണ്ടായിരുന്ന മൂന്ന് സൈനികര്‍ക്ക് പരിക്കേൽക്കുകയായിരുന്നുവെന്ന് കശ്മീർ ഐജിപി വിജയ് കുമാർ പറഞ്ഞു. പിന്നാലെ നടന്ന ഏറ്റുമുട്ടലിൽ വെടിയുതിർത്ത ഭീകരനും കൊല്ലപ്പെട്ടു.