സിഡ്നി: കൊവിഡ് നിയന്ത്രണങ്ങൾ ലംഘിച്ചതിന്‍റെ പേരിൽ പിഴയൊടുക്കേണ്ടി വന്നവർ നമുക്ക് ചുറ്റും ധാരാളമുണ്ട്. അധികൃതർ അറിയാതെ നിയന്ത്രണങ്ങൾ ലംഘിച്ചുകൊണ്ടുള്ള യാത്രയ്ക്ക് ശ്രമിച്ചാകും പലരും പിടിയിലായിട്ടുണ്ടാവുക. ഇപ്പോഴിതാ നിയന്ത്രണങ്ങൾ ലംഘിച്ച് വെയിൽ കൊള്ളാൻ ഇറങ്ങിയ രണ്ട് പേർ അന്താരാഷ്ട്ര മാധ്യമങ്ങളിൽ വരെ വാർത്തയായ സംഭവമാണ് ചർച്ചയാകുന്നത്. നഗ്നരായി വെയിലുകായാൽ പോയി മാനിനെ കണ്ട് ഭയന്നോടിയതാണ് രണ്ട് പേർക്കും തിരിച്ചടിയായത്. വാർത്തയുടെ വിശദാംശങ്ങളറിയാം.

​മാൻ വന്നപ്പോൾ ഭയന്ന് ഓടിയത് കാട്ടിലേക്ക്

representative image

ബീച്ചിൽ വെയിൽ കാഞ്ഞിരിക്കുന്നതിനിടയിലാണ് കാട്ടിൽ നിന്നും മാൻ ഇരുവർക്കും നേരെ പാഞ്ഞടുത്തത്. ഭയന്ന് ഇരുവരും കാടിനകത്തേക്ക് ഓടുകയും ചെയ്തു. രണ്ട് പേരും രണ്ടിടത്തേക്കാണ് ഓടിയത്. അതുകൊണ്ട് തന്നെ കാടിനുള്ളിൽ തീർത്തും ഒറ്റപ്പെട്ട അവസ്ഥയിലാവുകയായിരുന്നു ഇരുവരും. മാനിന്‍റെ ആക്രമണത്തിൽ നിന്ന് രക്ഷപ്പെട്ടെങ്കിലും പരിചയമില്ലാത്ത സ്ഥലമായതിനാൽ തന്നെ കാടിൽ നിന്ന് പുറത്ത് കടക്കാനാകാതെ ഇരുവരും കുടുങ്ങുകയും ചെയ്തു.

രക്ഷപ്പെടാൻ പോലീസിനെ വിളിച്ചു

New South Wales Police Commissioner

കാട്ടിനുള്ളിൽ ഈ രീതിയിൽ തുടരുന്നത് സുരക്ഷിതമല്ലെന്ന് തോന്നിയതോടെ ഇവരിൽ ഒരാൾ തന്നെയാണ് പോലീസിനെ വിളിച്ച് സഹായം അഭ്യർഥിച്ചത്. ഓറ്റ്‌ഫോഡ് റോയല്‍ വന്യമൃഗ സംരക്ഷണ കേന്ദ്രത്തിനകത്ത് കുടുങ്ങിപ്പോയി, രക്ഷപ്പെടുത്തണം എന്നായിരുന്നു അധികൃതരെ വിളിച്ച് അറിയിച്ചത്. തുടർന്ന് പോലീസ് നടത്തിയ തിരച്ചിലിൽ 30കാരനായ യുവാവിനെ കണ്ടെത്തുകയായിരുന്നു. നഗ്നനായി കാടിനകത്തെ വഴിയിലൂടെ ഒറ്റയ്ക്ക് നടക്കുകയായിരുന്നു ഈ സമയത്ത് ഇയാൾ.

​രണ്ടാമനെ കണ്ടെത്താൻ ഹെലികോപ്ടർ സഹായം

representative image

ആദ്യത്തെ വ്യക്തിയെ കണ്ടെത്തിയതിന് പിന്നാലെ തന്‍റെയൊപ്പം ഒരാൾ കൂടി ഉണ്ടായിരുന്നെന്ന് ഇയാൾ വിവരം നൽകിയതിനെത്തുടർന്ന് പോലീസ് തിരച്ചിൽ ഊർജ്ജിതമാക്കി. എന്നാൽ ആളെ കണ്ടെത്താൻ കഴിയാതെ വന്നതോടെ ഹെലികോപ്റ്റർ ഉപയോഗിച്ചാണ് പിന്നീട് തിരച്ചിൽ നടത്തിയത്. ഇതിൽ 49കാരനെ കണ്ടെത്തുകയായിരുന്നു.

​രക്ഷപ്പെട്ടെങ്കിലും ശിക്ഷിച്ച് പോലീസ്

representative image

കാട്ടിൽ നിന്ന് രക്ഷപ്പെട്ടെങ്കിലും കൊവിഡ് നിയന്ത്രണങ്ങൾ ലംഘിച്ചതിന് ഇരുവർക്കുമെതിരെ പോലീസ് കേസ് രജിസ്റ്റർ ചെയ്തു. കാട്ടിൽ നിന്ന് രക്ഷിച്ച് സെന്‍റ് ജോർജ് പോലീസ് സ്റ്റേഷനിലേക്ക് കൊണ്ടുപോയാണ് പൊതുആരോഗ്യ നിയന്ത്രണങ്ങൾ ലംഘിച്ചതിന് പിഴശിക്ഷ വിധിച്ചത്. ന്യൂ സൗത്ത് വെയ്ൽസിൽ കൊവിഡ് നിയന്ത്രണങ്ങൾ ശക്തമാക്കിയിരിക്കെയാണ് ബീച്ചിലെത്തിയ രണ്ട് പേരും പോലീസ് പിടിയിലാകുന്നതും മാധ്യമ ശ്രദ്ധ നേടുന്നതും.