Sumayya P | Lipi | Updated: 29 Jun 2021, 12:14:00 PM
പാസ്‌പോര്‍ട്ട് ഉദ്യോഗസ്ഥ കൈക്കൂലി വാഗ്ദാനം സ്വീകരിക്കുന്നതിനു പകരം വിവരം മുതിര്‍ന്ന ഉദ്യോഗസ്ഥരെ അറിയിക്കുകയായിരുന്നു
ഹൈലൈറ്റ്:
- കുവൈറ്റ് അന്താരാഷ്ട്ര വിമാനത്താവളത്തില്‍ വച്ചാണ് സംഭവം നടന്നത്
- ഭരണകൂടത്തെയും പറ്റിച്ച് നാട്ടിലേക്ക് രക്ഷപ്പെടാന്‍ സഹായിക്കണമെന്നായിരുന്നു ആവശ്യം.
കുവൈറ്റ് സിറ്റി: കുവൈറ്റ് അന്താരാഷ്ട്ര വിമാനത്താവളത്തില്‍ വച്ച് എമിഗ്രേഷന്‍ ഉദ്യോഗസ്ഥയ്ക്ക് വന്‍തുക കൈക്കൂലിയായി നല്‍കാന്‍ ശ്രമിച്ചതിന് പിടിയിലായ അഭിഭാഷകനെയും അയാളുടെ കക്ഷിയായ പ്രവാസിയെയും കുവൈറ്റ് ക്രിമിനല്‍ കോടതി ശിക്ഷ വിധിച്ചു. അഞ്ചു വര്‍ഷം കഠിന തടവാണ് ഇരുവര്‍ക്കും ശിക്ഷ വിധിച്ചത്. അതോടൊപ്പം അഭിഭാഷകനെ 10 വര്‍ഷത്തേക്ക് ജോലിയില്‍ നിന്ന് വിലക്കിയിട്ടുമുണ്ട്.
കുവൈറ്റ് പോലിസ് അറസ്റ്റ് വാറണ്ടുകള്‍ പുറപ്പെടുവിച്ചിട്ടുള്ള ഒരു അറബി വംശജനായ പ്രവാസിയെ രാജ്യം വിടാന്‍ സഹായിക്കണമെന്ന ആവശ്യവുമായി അഭിഭാഷകന്‍ വിമാനത്താവളത്തിലെ ഡിപ്പാര്‍ച്ചര്‍ ടെര്‍മിനലില്‍ ജോലി ചെയ്യുന്ന എമിഗ്രേഷന്‍ ഉദ്യോഗസ്ഥയെ സമീപിക്കുകയായിരുന്നു. പോലിസിനെയും ഭരണകൂടത്തെയും പറ്റിച്ച് നാട്ടിലേക്ക് രക്ഷപ്പെടാന്‍ സഹായിക്കുന്നതിന്റെ ഭാഗമായി പ്രവാസിയുടെ പാസ്‌പോര്‍ട്ട് സ്റ്റാമ്പ് ചെയ്ത് നല്‍കണമെന്നായിരുന്നു ആവശ്യം. ഇതിന് പകരമായി വന്‍തുകയാണ് ഉദ്യോഗസ്ഥയ്ക്ക് അഭിഭാഷകന്‍ വാഗ്ദാനം ചെയ്തത്.
Also Read: 
ഏഴ് വര്‍ഷം മുമ്പ് വിവാഹമോചനം കഴിഞ്ഞും വാട്ട്‌സാപ്പില്‍ ചീത്തവിളി; സൗദി യുവതിക്ക് തടവ്
എന്നാല്‍ പാസ്‌പോര്‍ട്ട് ഉദ്യോഗസ്ഥ കൈക്കൂലി വാഗ്ദാനം സ്വീകരിക്കുന്നതിനു പകരം വിവരം മുതിര്‍ന്ന ഉദ്യോഗസ്ഥരെ അറിയിക്കുകയായിരുന്നു. ഉടന്‍ തന്നെ സംഭവത്തെ കുറിച്ച് ക്രിമിനല്‍ ഇന്‍വെസ്റ്റിഗേഷന്‍ ഡിപ്പാര്‍ട്ട്‌മെന്റിനും ഫിനാന്‍ഷ്യല്‍ ക്രൈം ഡിപ്പാര്‍ട്ട്‌മെന്റിനും വിവരം കൈമാറുകയും ചെയ്തു. അവര്‍ നിര്‍ദ്ദേശിച്ചത് പ്രകാരം പാസ്‌പോര്‍ട്ട് സ്റ്റാംപ് ചെയ്ത് നല്‍കാമെന്നും പണം എത്തിക്കണമെന്നും അഭിഭാഷകനോട് പാസ്‌പോര്‍ട്ട് ഓഫീസര്‍ ആവശ്യപ്പെട്ടു.
ധാരണയനുസരിച്ച് പണം കൈമാറാന്‍ വിമാനത്താവളത്തിലെത്തിയ അഭിഭാഷകനെയും സുരക്ഷാ ഏജന്‍സികള്‍ തെരയുന്ന പ്രവാസിയെയും പോലിസ് അറസ്റ്റ് ചെയ്യുകയായിരുന്നു.
ബീവറേജുകളും ബാറും തുറന്നു; വെളിച്ചം കാണാതെ ജിമ്മുകൾ!!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : lawyer, expat client jailed for five years for bribery kuwait
Malayalam News from malayalam.samayam.com, TIL Network
