നഖങ്ങളിലെ അണുബാധ അകറ്റാൻ
നഖങ്ങളിൽ ഇത്തരം അണുബാധകൾക്ക് കാരണമാകുന്നത് സാധാരണയായി ഫംഗസ് പോലുള്ള സൂക്ഷ്മാണുക്കളും ബാക്ടീരിയകളും ഒക്കെയാണ്. ഈ സൂക്ഷ്മാണുക്കൾക്ക് എളുപ്പത്തിൽ വളർച്ച പ്രാപിക്കാൻ തരത്തിലുള്ള അന്തരീക്ഷം ലഭിക്കുമ്പോൾ, അവ വേഗത്തിൽ പടർന്നുപിടിക്കുന്നു. ശ്രദ്ധിക്കാതെ വിട്ടാൽ നിങ്ങളുടെ നഖത്തിന്റെ എല്ലാ ഭാഗങ്ങളിലേക്കും പതിയെപ്പതിയെ പടർന്നുപിടിച്ച കൂടുതൽ പ്രശ്നങ്ങൾ ഉണ്ടാകുന്നതിന് ഇവ കാരണമാകുന്നു. ലക്ഷണങ്ങൾ തിരിച്ചറിഞ്ഞ് വേണ്ട പ്രതിവിധി ചെയ്തില്ലെങ്കിൽ അണുബാധയ്ക്ക നഖത്തിന് ചുറ്റുമുള്ള ചർമ്മ ഭാഗത്തിലേക്കും പുരോഗമിക്കാൻ സാധ്യതയുണ്ട്. ഒരാളുടെ നഖങ്ങൾ അവരുടെ മുഴുവൻ ആരോഗ്യത്തെ തന്നെ ചൂണ്ടിക്കാണിക്കും എന്നാണ് പറയുന്നത്. അപ്പോൾ പിന്നെ എപ്പോഴും ഇത് അഴകേറിയതും ആരോഗ്യമുള്ളതുമായി വയ്ക്കേണ്ടത് അത്യാവശ്യമല്ലേ. അതിനായി എന്തെല്ലാം കാര്യങ്ങൾ ശ്രദ്ധയോടെ ചെയ്യണം എന്നറിയാം.
നഖങ്ങൾ വൃത്തിയായി സൂക്ഷിക്കുക
ശരീരത്തിലെ മറ്റു ഭാഗങ്ങൾ പോലെയല്ല നിങ്ങളുടെ നഖങ്ങളുടെ കാര്യം. ചർമത്തിൽ നിന്നും വ്യത്യസ്തമായി പ്രത്യേകിച്ചും നഖങ്ങൾ എല്ലായ്പ്പോഴും വരണ്ടതായി സൂക്ഷിക്കാൻ പ്രത്യേകം ശ്രദ്ധ നൽകണം. നഖങ്ങളെ ബാധിക്കുന്ന മിക്ക ഫംഗസുകളും ഈർപ്പമുള്ള അന്തരീക്ഷലാണ് വളർച്ച പ്രാപിക്കുക. നിർജീവ ചർമ്മ കോശങ്ങളുടെ അവശിഷ്ടങ്ങൾ ഇതിനു വഴിയൊരുക്കി കൊടുക്കുകയും ചെയ്തേക്കാം. അതുകൊണ്ടുതന്നെ നഖങ്ങളിൽ അഴുക്ക് അടിഞ്ഞുകൂടുന്നതും ധാരാളം ഈർപ്പമുള്ളതുമെല്ലാം ഫംഗസ് സാധ്യത ഉയർത്തും.
വായുവിൽ നിന്നും പടർന്ന് പിടിക്കാൻ ചെറിയ കണികകൾ പോലെയാണ് ഫംഗസുകൾ. കട്ടിയുള്ള സംരക്ഷണ ആവരണം കൊണ്ട് മൂടപ്പെട്ട ഇത്തരം ഫംഗസുകൾ വായുവിലൂടെ എളുപ്പത്തിൽ പ്രചരിക്കുന്നവയാണ്. പ്രത്യേകിച്ച് നിങ്ങളുടെ നഖങ്ങളിൽ ഈർപ്പത്തിൻ്റെ സാധ്യത കൂടുതലാണെങ്കിൽ ഈ ഭാഗത്ത് അണുബാധ ഉണ്ടാകാനുള്ള സാധ്യതയും കൂടുന്നു. അതുകൊണ്ടുതന്നെ നഖങ്ങൾ എപ്പോഴും വരണ്ടതായും കൂടുതൽ വൃത്തിയുള്ളതായും സൂക്ഷിക്കണം.
നഖങ്ങൾ പതിവായി വെട്ടിയൊതുക്കുക
നിങ്ങളുടെ തലമുടി നിർമ്മിക്കപ്പെടുന്ന അതേ പ്രോട്ടീനുകൾ ഉപയോഗിച്ചുകൊണ്ടാണ് ശരീരത്തിൽ നഖങ്ങളും നിർമ്മിക്കപ്പെടുന്നത്. കെരാറ്റിൻ എന്നറിയപ്പെടുന്ന ഈ പോഷകങ്ങളുടെ വളർച്ചയെ പ്രതിരോധിക്കുന്നതിന് ചില ഫംഗസ് അണുബാധകൾ കാരണമാകുന്നു. ട്രൈക്കോഫൈറ്റൺ, കാൻഡിഡ, ആസ്പർജില്ലസ്, പെൻസിലിയം എന്നിവയാണ് മനുഷ്യരിൽ കാണപ്പെടുന്ന ഇതിനുദാഹരണമായ ഫംഗസുകൾ. കെരാറ്റിൻ പ്രോട്ടീനുകളെ നിർവീര്യമാക്കുന്ന കെരാറ്റിനോഫിലിക് ഫംഗസുകൾ എന്ന പേരിൽ കൂടി അറിയപ്പെടുന്ന ഇവയെല്ലാം അറിയപ്പെടുന്നുണ്ട്. പകർച്ചവ്യാധിയായ ഇവ ചർമ്മം, മുടി, നഖങ്ങൾ, എന്നിവയുടെ ആരോഗ്യത്തെ എളുപ്പത്തിൽ നശിപ്പിച്ചു കളയും. ഇത് നഖങ്ങളിൽ വീക്കം, ചൊറിച്ചിൽ, മറ്റ് അസ്വസ്ഥതകൾ തുടങ്ങിയവയ്ക്ക് കാരണമാകും.
ശരിയായ പാദരക്ഷകൾ തിരഞ്ഞെടുക്കുക
നിങ്ങളുടെ കാൽനഖങ്ങളുടെ സംരക്ഷണം വളരെ പ്രധാനമാണ്. കാൽനഖങ്ങളുടെ ആരോഗ്യം കാത്തുസൂക്ഷിക്കുന്നതിൽ നല്ല നിലവാരമുള്ള പാദരക്ഷകളുടെ പങ്ക് ഒട്ടും ചെറുതല്ല. എന്നാൽ നല്ല നിലവാരമുള്ള പാദരക്ഷകൾ തിരഞ്ഞെടുക്കുമ്പോൾ എന്തെല്ലാം കാര്യങ്ങൾ ശ്രദ്ധിക്കണം എന്നറിയാമോ.
മികച്ച പാദരക്ഷകൾ തിരഞ്ഞെടുക്കുമ്പോൾ ശ്രദ്ധിക്കേണ്ട ആദ്യകാര്യം നിങ്ങളുടെ ഷൂസിന്റെ മുൻഭാഗം നിങ്ങളുടെ കാൽവിരലുകളുടെ വക്രത്തിന് അനുയോജ്യമായതായിരിക്കണം എന്നതാണ്. കൂടാതെ, നിങ്ങളുടെ പാദരക്ഷകൾ ശരിയായി വായുസഞ്ചാരം ഉള്ളതായിരിക്കുകയും വേണം. വായു കടന്നുപോകാൻ ഇടമുള്ള പാദരക്ഷകൾ ഫംഗസിൻ്റ സാധ്യത കുറയ്ക്കുന്നു. വളരെയധികം ഇറുകിയ ഷൂസ് നിങ്ങളുടെ പാദങ്ങളെ എളുപ്പത്തിൽ വിയർക്കാൻ അനുവദിക്കുകയും ഇത് അണുബാധയുണ്ടാക്കുന്ന സൂക്ഷ്മാണുക്കളുടെ വളർച്ചയ്ക്ക് കാരണമായി മാറുകയും ചെയ്യും.
ഇതിനകം സൂചിപ്പിച്ചതുപോലെ, നനവുള്ളതും വായുസഞ്ചാരം ഇല്ലാത്തതുമായ അന്തരീക്ഷത്തിൽ ബാക്ടീരിയ, ഫംഗസ് തുടങ്ങിയ സൂക്ഷ്മാണുക്കൾ നന്നായി പ്രചനനം നടത്തുന്നു. ശരിയായ വായുസഞ്ചാരം നമ്മുടെ ശരീരചർമ്മത്തിന് ആവശ്യമായ ഓക്സിജനെ നൽകുന്നു. നഖങ്ങളുടെ കാര്യത്തിൽ ഈർപ്പത്തിനു പകരം താപനില കൂടുതലുള്ള സാഹചര്യത്തിൽ ബാക്ടീരിയകൾക്ക് അതിജീവിക്കാൻ കഴിയില്ല.
ഷൂസുകൾ ഇടയ്ക്കിടെ അണുവിമുക്തമാക്കുക
കാൽവിരൽ നഖത്തിലുണ്ടാകുന്ന അണുബാധ പ്രശ്നങ്ങൾക്ക് കാരണം ബാക്ടീരിയകൾ ആകാം. ഷൂസുകൾ പതിവായി കഴുകിയില്ലെങ്കിൽ ഉണ്ടാകുന്ന ചിലതരം ഫംഗസുകളാണ് ഒനൈകോമൈക്കോസിസ് പോലുള്ളവ. ഈ രോഗകാരികൾ നിങ്ങളുടെ നഖങ്ങളെ പല തരത്തിൽ ബാധിക്കും. ബാക്ടീരിയകളുടെ അമിതവളർച്ച കാൽവിരൽ നഖങ്ങളിൽ ഒട്ടനവധി പ്രശ്നങ്ങൾക്ക് കാരണമാകും. മലിനീകരണമാണ് ഇത്തരം പ്രശ്നങ്ങളുടെ ഒരു സാധാരണ ഉറവിടം. നിങ്ങളുടെ ഷൂസുകൾ കൃത്യമായി കഴുകി വൃത്തിയാക്കിയില്ലെങ്കിൽ ഇത് ഈർപ്പമുള്ള സാഹചര്യങ്ങൾക്കുള്ളിൽ തഴച്ചുവളരുന്ന സ്റ്റാഫൈലോകോക്കസ്, എന്ററോകോക്കസ്, പൂപ്പൽ തുടങ്ങിയവയുൾപ്പെടെയുള്ള പലതരം സൂക്ഷ്മാണുക്കളുടെ സാധ്യതയും വർദ്ധിപ്പിക്കും. മലിനമായ പാദരക്ഷകളിൽ സ്പർശിക്കുന്നത് അണുബാധയുണ്ടാക്കുന്ന പല സൂക്ഷ്മാണുക്കളെ നിങ്ങളുടെ നഖങ്ങളിലേക്കും പകർത്തുന്നതിന് കാരണമാകും.
നഖചർമ്മത്തെ ശ്രദ്ധിക്കുക
ബാക്ടീരിയയിൽ നിന്നും മറ്റ് പകർച്ചവ്യാധികളിൽ നിന്നും നഖങ്ങളെ സംരക്ഷിക്കുന്ന അവശ്യ കോശങ്ങളാണ് നഖത്തിന് ചുറ്റുമുള്ള പുറംതൊലി അഥവാ ക്യൂട്ടിക്കിളുകൾ. നഖം കടിക്കുക, ഈ ഭാഗത്തെ തൊലി നീക്കം ചെയ്യുക തുടങ്ങിയ സ്വഭാവം പലർക്കും ഉണ്ട്. ഈയൊരു പ്രവർത്തി ഈ ഭാഗത്തെ ചർമത്തിന് അസ്വസ്ഥതയും വീക്കവും ഉണ്ടാക്കുന്നതിന് കാരണമാവുകയും അണുബാധ ഉണ്ടാകാനുള്ള സാധ്യത വർദ്ധിപ്പിക്കുകയും ചെയ്യും. പുറംതൊലി നീക്കം ചെയ്യപ്പെടുന്നത് നിങ്ങളുടെ നഖത്തെ അയവുള്ളതാക്കുകയും കോശങ്ങൾ എളുപ്പത്തിൽ തുറന്നുകാട്ടപ്പെടുന്നതിന് കാരണമായി മാറിക്കൊണ്ട് പ്രശ്നങ്ങൾ സൃഷ്ടിക്കുകയും ചെയ്യും. ചില ആളുകൾ മാനിക്യൂർ സമയത്ത് ഈ ഭാഗത്തെ ചർമവും വെട്ടിക്കുറയ്ക്കാൻ തിരഞ്ഞെടുക്കുന്നു, ഈയൊരു കാര്യം കഴിവതും ചെയ്യാതിരിക്കുക എന്നാണ് മിക്കവാറും വിദഗ്ധരെല്ലാം ശുപാർശ ചെയ്യുന്നത്.
Also read: ആണും പെണ്ണും ഒരുപോലെ അറിഞ്ഞിരിക്കേണ്ട 5 സൗന്ദര്യ മന്ത്രങ്ങൾ
നഖങ്ങൾ മോയ്സ്ചറൈസ് ചെയ്യുക
നിങ്ങളുടെ നഖങ്ങൾക്ക് ആവശ്യത്തിന് ഈർപ്പം ലഭിക്കാതെ വന്നാലും അവ എളുപ്പത്തിൽ പൊട്ടി പോകാനുള്ള സാധ്യതയുണ്ടാകാം. ഈർപ്പം ഒട്ടുമില്ലാത്ത അവസ്ഥ വന്നാൽ നഖം പിളരുക, വിള്ളൽ വീഴുക തുടങ്ങിയ ലക്ഷണങ്ങൾക്ക് ഇതൊരു കാരണമാകും. ഈർപ്പം ലഭിക്കാതെ വരുമ്പോൾ നിങ്ങളുടെ നഖങ്ങൾക്ക് ചുറ്റുമുള്ള ചർമ്മം ക്ഷയിക്കാൻ തുടങ്ങുന്നു. അതിന്റെ ഫലമായി ചർമത്തിൽ പിളർപ്പികളും മുറിവുകളും ഉണ്ടാകുന്നു. ഇക്കാര്യത്തിൽ നഖങ്ങളുടെ ഘടനാപരമായ സമഗ്രത നിലനിർത്തുന്നതിനായി ആവശ്യത്തിന് നനവ് നൽകേണ്ടത് വളരെ പ്രധാനമാണ്. എന്നാൽ ഇത് അമിതമാവാനും പാടില്ല. ലളിതമായ അളവിൽ മാത്രം നഖങ്ങളിൽ നനവ് ഉണ്ടാവുന്നത് ഈ ഭാഗത്തെ ചർമ്മത്തെ കൂടുതൽ മികച്ചതാക്കും. ഇതിനായി ഏറ്റവും മികച്ച ചില മോയ്സ്ചറൈസറുകൾ നിങ്ങൾക്ക് എളുപ്പത്തിൽ വിപണികളിൽ നിന്നും കണ്ടെത്താനാവും.
പുറത്തു പോകുമ്പോൾ
പ്രത്യേകിച്ചും ബാഹ്യ സാഹചര്യങ്ങളിൽ വച്ച് നിങ്ങളുടെ നഖങ്ങൾക്ക് കൂടുതൽ പരിക്ക് പറ്റാൻ സാധ്യത കൂടുതലാണ്. ജിമ്മുകൾ, ലോക്കർ റൂമുകൾ, പൊതു കുളങ്ങൾ അല്ലെങ്കിൽ ഷവറുകൾ, സലൂണുകൾ തുടങ്ങിയ ഇടങ്ങളിൽ ചെല്ലുമ്പോൾ നഖങ്ങളുടെ ആരോഗ്യ കാര്യത്തിൽ കൂടുതൽ ശ്രദ്ധ നൽകണം. പ്രത്യേകിച്ചും ഈ ഭാഗളിലെല്ലാം വിവിധതരം ഫംഗസിന്റെ വളർച്ചയ്ക്ക് അനുയോജ്യമായ സൂക്ഷ്മാണുക്കളുടെ സാധ്യത ഉണ്ടാകാനിടയുണ്ട്. മലിനമായ ഇടങ്ങളിൽ നഗ്നപാദരായി നടക്കുന്നതും ഫംഗസിനെ നിങ്ങളുടെ കാലിലേക്കും കാൽവിരലുകളിലേക്കോ കൊണ്ടുവരാൻ വഴിയൊരുക്കും. അത്ലറ്റ്സ് ഫൂട്ട്, ഒനൈമൈക്കോസിസ് പോലുള്ള പ്രശ്നങ്ങൾക്ക് ഇവ കൂടുതലും കാരണമാകുന്നു. അതുകൊണ്ടുതന്നെ ഇത്തരം സന്ദർഭങ്ങളിൽ പുറത്തുപോകുമ്പോൾ നിങ്ങൾക്ക് ഗ്ലൗസുകൾ പോലുള്ളവ ഉപയോഗിക്കാം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : simple tips to follow to protect your nails from infection
Malayalam News from malayalam.samayam.com, TIL Network
