‘വിമാനത്തിൽ നടന്നത് വധശ്രമം, ഇ പി ജയരാജനടക്കമുള്ളവർ തടഞ്ഞതിനാൽ മുഖ്യമന്ത്രിയെ തൊടാനായില്ല’; കോടിയേരിമുഖ്യമന്ത്രിക്കൊപ്പം ഉണ്ടായിരുന്ന എൽഡിഎഫ് കൺവീനർ ഇ പി ജയരാജൻ പാഞ്ഞടുത്ത് ആക്രമിക്കുകയായിരുന്നുവെന്ന് യൂത്ത് കോൺഗ്രസ് പ്രവർത്തകർ ഹർജിയിൽ വ്യക്തമാക്കുന്നുണ്ട്. മുഖ്യമന്ത്രിയുടെ ഗൺമാനും ഇ പി ജയരാജനും ക്രൂരമായി മർദിച്ചു. യാത്രക്കാർ പുറത്തിറങ്ങാൻ വാതിൽ തുറന്നപ്പോഴാണ് മുദ്രാവാക്യം വിളിച്ചത്. മുഖ്യമന്ത്രിയെ സ്പർശിക്കുകയോ അദ്ദേഹത്തിൻ്റെ സമീപത്തേക്ക് പോകുകയോ ചെയ്തിട്ടില്ലെന്നും ഹർജിയിൽ പറയുന്നുണ്ടെന്ന് ഏഷ്യാനെറ്റ് ന്യൂസ് റിപ്പോർട്ട് ചെയ്തു.
കേസിൽ വധശ്രമം എന്ന വകുപ്പ് നിലനിൽക്കില്ലെന്ന് പ്രവർത്തകർ ഹർജിയിൽ വ്യക്തമാക്കുന്നുണ്ട്. വിമാനത്തിലെ പ്രതിഷേധം അന്വേഷിക്കുന്ന പ്രത്യേക സംഘം എറണാകുളത്ത് യോഗം ചേർന്നു. അന്വേഷണ സംഘത്തലവൻ കണ്ണൂർ ക്രൈംബ്രാഞ്ച് എസ് പി പ്രജീഷ് തോട്ടത്തിലിന്റെ നേതൃത്വത്തിലാണ് യോഗം ചേർന്നത്.
‘ഇതെന്തോ പിക്നിക്കിന് വന്ന് പോകുന്നതു പോലെ, ഇങ്ങനെയൊന്നും ചെയ്യരുത്’; അഗ്നിപഥിനെതിരെ മേജര്‍ രവി
അതേസമയം, മുഖ്യമന്ത്രി പിണറായി വിജയനെതിരെ വിമാനത്തിൽ ഉണ്ടായ പ്രതിഷേധത്തിൽ ഇൻഡിഗോ അന്വേഷണത്തിന് ഉത്തരവിട്ടു. വിരമിച്ച ജഡ്ജിയുടെ നേതൃത്വത്തിൽ ആഭ്യന്തര സമിതി സംഭവം അന്വേഷിക്കും. എയർലൈൻ പ്രതിനിധിയും യാത്രക്കാരുടെ പ്രതിനിധിയും സമിതിയിലുണ്ടാകും. ഇൻഡിഗോ വിമാനക്കമ്പനിയിൽ നിന്ന് വിമാനത്തിലെ മുഴുവൻ യാത്രക്കാരുടെ വിവരങ്ങളും അന്വേഷണ ഉദ്യോഗസ്ഥർ ശേഖരിച്ചിരുന്നു.
മുഖ്യമന്ത്രി വിമാനത്തിൽ ഉള്ളപ്പോഴാണ് യൂത്ത് കോൺഗ്രസ് പ്രവർത്തകർ പ്രതിഷേധിച്ചതെന്ന് വിമാനക്കമ്പനിയായ ഇൻഡിഗോ പോലീസിന് നൽകിയ റിപ്പോർട്ടിൽ പറയുന്നുണ്ടെന്ന് മനോരമ ന്യൂസ് കഴിഞ്ഞ ദിവസം റിപ്പോർട്ട് ചെയ്തിരുന്നു. വിമാനത്തിലുണ്ടായ വിഷയം പരിശോധിക്കുകയാണെന്നും നടപടിയുണ്ടാകുമെന്നും കേന്ദ്ര വ്യോമയാന മന്ത്രി ജ്യോതിരാദിത്യ സിന്ധ്യ ട്വിറ്ററിലൂടെ അറിയിച്ചു.
പലിശയ്ക്ക് പണം നൽകൽ: ഹയർ സെക്കൻഡറി അധ്യാപകൻ അറസ്റ്റിൽ
Web Title : youth congress files bail plea in kerala cm pinarayi vijayan attack case
Malayalam News from Samayam Malayalam, TIL Network
