ഒരു വനിത മന്ത്രിയുടെ അശ്ലീല വീഡിയോ നിർമിക്കാൻ സ്ഥാപനത്തിലെ ജീവനക്കാരിയെ പ്രേരിപ്പിച്ചു എന്ന പരാതിയിലാണ് അറസ്റ്റ്. അശ്ലീല വീഡിയോ ഉണ്ടാക്കാൻ പ്രേരിപ്പിച്ചു എന്നും നിരസിച്ചപ്പോൾ മാനസികമായി പീഡിപ്പിച്ചുവെന്നുമാണ് യുവതിയുടെ പരാതി.
ഹൈലൈറ്റ്:
- വനിത മന്ത്രിയുടെ അശ്ലീല വീഡിയോ നിർമിക്കാൻ സ്ഥാപനത്തിലെ ജീവനക്കാരിയെ പ്രേരിപ്പിച്ചു എന്ന പരാതിയിലാണ് അറസ്റ്റ്.
- കാക്കനാട് സ്വദേശിനി നൽകിയ പരാതിയിലാണ് അറസ്റ്റ്.
- ഓഫീസിൽ അസഭ്യ വാക്കുകൾ പറഞ്ഞ് മാനസികമായി പീഡിപ്പിച്ചിട്ടുണ്ടെന്നും പരാതിയിൽ പറയുന്നു.
Also Read: രക്തത്തിൽ കുളിച്ച് നഗ്നമായ നിലയിൽ മൃതദേഹം; ഒപ്പം കൂടിയവൻ തന്നെ കമ്പും വാക്കത്തിയും ഉപയോഗിച്ച് വെട്ടിയും കുത്തിയും കൊന്നു, ഞെട്ടൽ മാറാതെ പ്രദേശവാസികൾ
മാനസിക പീഡനം സഹിക്കാൻ ജോലി രാജിവെക്കുകയായിരുന്നു. ജോലി രാജിവെച്ചതിന് ശേഷവും വാട്സ് ആപ്പിൽ മെസേജ് അയക്കുന്നു. വേറെ എവിടെയും ജോലി ചെയ്യാൻ അനുവദിക്കില്ലെന്ന് ഭാഷണിപ്പെടുത്തിയെന്നും പരാതിൽ യുവതി പറയുന്നുണ്ട്. ആ ഓഫീസിൽ നിന്നും രാജിവെച്ച് പോയവരെയെല്ലാം വിളിച്ചും വീഡിയോ കോൾ ചെയ്തും നാറ്റിക്കും എന്ന് പറഞ്ഞതിന് ഞാൻ സാക്ഷിയാണെന്നും യുവതി പരാതിയിൽ വ്യക്തമാക്കുന്നുണ്ട്. നന്ദകുമാർ വാർത്തകൾ സൃഷ്ടിക്കുന്നത് വളരെ മോഷമായ രീതിയിലാണ്. അത്തരത്തിൽ ചെയ്യില്ല എന്ന് പറഞ്ഞതിന് നിരന്തരം മറ്റുള്ളവരുടെ മുന്നിൽ വെച്ചും അപമാനിക്കുകയാണെന്നും പരാതിയിൽ പറയുന്നു.
ഓഫീസിൽ അസഭ്യ വാക്കുകൾ പറഞ്ഞ് മാനസികമായി പീഡിപ്പിച്ചിട്ടുണ്ടെന്നും പരാതിയിൽ പറയുന്നു. സ്വർണക്കടത്ത് കേസ് പ്രതി സ്വപ്‍ന സുരേഷ് അടുത്തിടെ മുഖ്യമന്ത്രിക്കും കുടുംബത്തിനും എതിരെ നടത്തിയ വെളിപ്പെടുത്തലുകൾക്ക് പിന്നിൽ പി.സി.ജോർജും നന്ദകുമാറും ആണെന്ന് ആരോപണം ഉയർന്നിരുന്നു. ക്രൈം നന്ദകുമാറും താനും സ്വപ്‍നയും കൊച്ചിയിൽ കൂടിക്കാഴ്ച നടത്തിയിരുന്നുവെന്നാണ് ജനപക്ഷം നേതാവ് പി.സി.ജോർജ് പറഞ്ഞത്. നേരത്തെ വീണ ജോ‍ർജിനെതിരെ അപകീർത്തികരമായ പരാമർശം നടത്തിയതിന്റെ പേരിൽ കാക്കനാട് പൊലീസ് ക്രൈം നന്ദകുമാറിനെ അറസ്റ്റ് ചെയ്തിരുന്നു. ഇതിന് പിന്നാലെയാണ് വീണ്ടും ആരോപണം ഉയർന്നിരിക്കുന്നത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : report on crime nandakumar arrested in gilrs complaint
Malayalam News from Samayam Malayalam, TIL Network
