ജോണ്‍സന്‍ മാസ്റ്ററുടെ പാട്ടുകള്‍ മലയാളികള്‍ക്ക് എന്നും പ്രിയപ്പെട്ടതാണ്. അദ്ദേഹത്തിന്റെ പാട്ടിലെ ഓരോ വരികളും മലയാളികളുടെ മനസില്‍ ആഴത്തില്‍ പതിഞ്ഞ് കിടക്കാറുണ്ട്. എന്നാല്‍ ഇപ്പോള്‍ സോഷ്യല്‍ മീഡിയയില്‍ താരമായി കൊണ്ടിരിക്കുന്നത് വേറിട്ട ആലപനത്തിലൂടെ ജോണ്‍സന്‍ മാസ്റ്ററുടെ ഹിറ്റ് ഗാനമായ ‘അനുരാഗിണി ഇതായെന്‍’ പാടിയ ഒരു കൊച്ചു ഗായകയാണ്. പല ഗായകരും പാടി ഈ പാട്ടിന്റെ വ്യത്യസ്തമായ ആലപനങ്ങള്‍ നമ്മള്‍ കേട്ടിട്ടുണ്ട്. ഓരോ വരികള്‍ക്കും ആ മുഖത്ത് വരുന്ന ഭാവങ്ങളാണ് എല്ലാവരെയും ആകര്‍ഷിച്ചതും ഞെട്ടിച്ചതും.





മലയാളത്തിന്റെ ഗാനഗന്ധര്‍വ്വന്‍ കെ.ജെ യേശുദാസ് ആലപിച്ച് മലയാളികളുടെ മനസ് കീഴടക്കിയ ഈ ഗാനം അനായാസമാണ് ഈ കൊച്ചു മിടുക്കി പാടുന്നത്. കണ്ണൂര്‍ സ്വദേശിനിയായ കാര്‍ത്തികയാണ് ഈ വൈറല്‍ താരം. വാക്കുകള്‍ തെറ്റി പോകുന്നുണ്ടെങ്കിലും ഓമനത്തമുള്ള ആ ശബ്ദത്തില്‍ ഗാനം കേള്‍ക്കാന്‍ വളരെ രസമാണ്. ജന്മസിദ്ധമായി ലഭിച്ച കഴിവാണ് ഈ മിടുക്കിയെ സോഷ്യല്‍ മീഡിയയിലെ താരമാക്കിയത്. ഓരോ വരിയും ആസ്വദിച്ച് രസകരമായ മുഖഭാവങ്ങളോടു കൂടിയാണ് കുഞ്ഞ് കാര്‍ത്തിക ആലപിക്കുന്നത്. ഇതു കൂടാതെ വേറെയും ഒരുപാട് ഗാനങ്ങള്‍ ഈ കൊച്ച് ഗായിക ആലപിച്ച് സോഷ്യല്‍ മീഡിയയില്‍ പങ്കുവെച്ചിട്ടുണ്ട്.

ഇത്രയും ഓമനത്തമുള്ള ഒരു ആലപനം ഈ ഗാനത്തിന് ഇതിന് മുന്‍പ് ഉണ്ടായിട്ടില്ലെന്ന് തന്നെ പറയാം. ആരും കേട്ടിരിക്കുന്ന ഈ ആലപന ശൈലിയ്ക്ക് കൊടുക്കണം ഒരു നല്ല കൈയ്യടി. നിരവധി പേരാണ് വീഡിയോയ്ക്ക് താഴെ ഈ മിടുക്കിയെ അഭിനന്ദിച്ച് കമന്റുകളിരിട്ടിരിക്കുന്നത്. കണ്ണൂര്‍ സ്വദേശിയും ഗാനമേള ഗായകനുമായ വി.കെ അശോകന്റെ മകളാണ് കാര്‍ത്തിക. കേദാര്‍നാഥ് എന്ന കാര്‍ത്തികയുടെ സഹോദരനും പാട്ടുകാരനാണ്. സഹോദരന്റെ പാട്ട് കേട്ടാണ് കുഞ്ഞ് കാര്‍ത്തിക പാട്ട് പഠിച്ച് തുടങ്ങിയത്.