സ്ത്രീകള്‍ പലപ്പോഴും പല കാരണങ്ങളാല്‍ ആരോഗ്യം നോക്കാറില്ല. കൃത്യമായ പോഷകങ്ങള്‍ ലഭിക്കാത്തത് ആരോഗ്യത്തിന് നല്ലതല്ല. ഇതിന് കുറച്ച് കാര്യങ്ങള്‍ ശ്രദ്ധിക്കേണ്ടത് അനിവാര്യമാണ്.
ഹൈലൈറ്റ്:
- എന്തെല്ലാം ഭക്ഷണം കഴിക്കണം
- പോഷകങ്ങള്‍ ലഭിച്ചില്ലെങ്കില്‍ ഉണ്ടാകുന്ന പ്രശ്‌നങ്ങള്‍
- ഏതെല്ലാമാണ് പോഷകങ്ങള്‍
നമ്മളുടെ ജീവിതത്തിന്റെ അടിത്തറ എന്ന് പറയുന്നത് തന്നെ ആരോഗ്യമാണ്. ഒരു ആരോഗ്യമുള്ള വ്യക്തി എല്ലായ്‌പ്പോഴും ആക്ടീവും എഫിഷ്യന്റും അതുപോലെ നല്ല സന്തോഷവാനുമായിരിക്കും. പ്രത്യേകിച്ച് ഇന്നത്തെ തിരക്കുപിടിച്ച ജീവിതത്തില്‍, കാപട്യം നിറഞ്ഞ ലോകത്ത് എല്ലാകാര്യങ്ങളും നല്ല രീതിയില്‍ നിലനിര്‍ത്തുക എന്ന് പറയുന്നതുതന്നെ ഏറ്റവുംവലിയകാര്യമാണ്. ആരോഗ്യം നിലനിര്‍ത്തുവാന്‍ ഏറ്റവും ശ്രദ്ധികേണ്ട കാര്യങ്ങളില്‍ ഒന്നാണ് നമ്മള്‍ എന്ത് കഴിക്കുന്നു എന്നത്. നമ്മള്‍ ഭക്ഷണത്തെക്കുറിച്ച് ചിന്തിക്കുമ്പോള്‍ തന്നെ നമ്മളുടെ മനസ്സിലേയ്ക്ക് വരേണ്ടത് പോഷകങ്ങളെക്കുറിച്ചാണ്. നമ്മളുടെ പുരാണഗ്രന്ഥങ്ങളെടുത്താല്‍ അതില്‍ മനുഷ്യനായാലും മൃഗമായാലും ചെടികളായാലും ദൈനംദിന ജീവിതത്തില്‍ ഏറ്റവും അനിവാര്യമായ കാര്യമായി പോഷകങ്ങളെയാണ് കാണിക്കുന്നത്. സ്ത്രീകളുടെകാര്യമെടുത്താല്‍ അവര്‍ ചുറുചുറുക്കോടെയുള്ള ജീവിതത്തിന് പോഷകങ്ങളെ പരിഗണിക്കുന്നില്ല എന്നതാണ് പ്രശ്‌നം.
പോഷകങ്ങള്‍ എത്രത്തോളം ആവശ്യമായി വരുന്നു
സ്ത്രീകളില്‍ പോഷകങ്ങള്‍ ലഭിക്കേണ്ടത് എത്രത്തോളം അനിവാര്യമാണെന്ന് ചര്‍ച്ച ചെയ്യേണ്ട സമയമാണിത്. നമ്മളുടെ ശരീരത്തില്‍ ശരിയായ അളവില്‍ പോഷകങ്ങള്‍ എത്തിയാല്‍ അത് നമ്മള്‍ മെഡിറ്റേഷന്‍ ചെയ്ത് മനസ്സ് എങ്ങിനെയാണോ ഹെല്‍ത്തിയാക്കുന്നത് അതുപോലെതന്നെയാണ് പോഷകങ്ങള്‍ ശരീരത്തിന്. നമ്മള്‍ ജനിച്ച് ആ ചെറുപ്പകാലത്ത് മാത്രമാണ് വേണ്ടത്ര പോഷകങ്ങള്‍ ശരീരത്തിന് ലഭിക്കുന്നത്. കാരണം ഈ കാലഘട്ടത്തില്‍ ലഭിക്കുന്ന പോഷകങ്ങളാണ് വളര്‍ച്ചയേയും ആരോഗ്യത്തേയും അതുപോലെ കുട്ടികളുടെ എല്ലാ വാസനകളേയും വളരുവാന്‍ സഹായിക്കുന്നത്.
ഒരു കുട്ടി ജനിക്കുമ്പോള്‍ മുതല്‍ മുലപ്പാലിലൂടെ അവര്‍ക്ക് വേണ്ടത്ര പോഷകങ്ങള്‍ ലഭിക്കും. ഒരു പെണ്‍കുട്ടിയാണെങ്കില്‍ അവള്‍ വളര്‍ന്ന് പ്രായപൂര്‍ത്തിയാകുമ്പോള്‍ ആര്‍ത്തവത്തിന് മുന്‍പ് എല്ലുകള്‍ ദ്രവിക്കും. ഇത് ഇല്ലാതിരിക്കുവാന്‍ കാല്‍സ്യം, ഇരുമ്പ്, അയഡിന്‍ എന്നിവ അടങ്ങിയ ഭക്ഷണങ്ങള്‍ ശരീരത്തിലേയ്ക്ക് എത്തണം. ഇത് കൃത്യമായി എത്തിയാല്‍ മാത്രമാണ് ആര്‍ത്തവ സമയത്ത് ഉണ്ടാകുന്ന ഹോര്‍മോണ്‍ വ്യതിയാനങ്ങളെല്ലാം കുറയ്ക്കുവാന്‍ സാധിക്കും. അതുപോലെതന്നെ നല്ല ആരോഗ്യത്തോടെ പ്രസവിക്കുന്നതിനും അതുപോലെ വയസ്സാകുമ്പോള്‍ എല്ലുകള്‍ക്ക് ക്ഷയം സംഭവിക്കാതിരിക്കുന്നതിനും സഹായിക്കും. അതുപോലെ വ്യായാമം ചെയ്യുന്നത്, നന്നായി ഉറങ്ങുന്നത്, നീന്തുന്നത്, കൃത്യസമയത്ത് ഭക്ഷണം കഴിക്കുന്നതുമെല്ലാം ഇതിന്റെ ഭാഗം തന്നെയാണ്.
ഫോഷകഗുണം ഇല്ലാതാക്കുന്ന ഭക്ഷണങ്ങള്‍ സ്ത്രീകള്‍ ഒഴിവാക്കുന്നതാണ് നല്ലത്. പ്രത്യേകിച്ച്, അമിതമായി മധുരം, ഉപ്പ് എന്നിവ അടങ്ങിയ ഭക്ഷണങ്ങള്‍. അതുപോലെ കാലറി ഇല്ലാത്ത കുപ്പിയിലാക്കി കിട്ടുന്ന പാനീയങ്ങള്‍, കാര്‍ബണ്‍ അടങ്ങിയ പാനീയങ്ങള്‍, മധുരപലഹാരങ്ങള്‍, എന്നിവയെല്ലാം കഴിക്കുന്നത് വളരെ നേരത്തെ ആര്‍ത്തവം നടക്കുന്നതിനും അതുപോലെ അമിത വണ്ണത്തിലേയ്ക്കും നയിക്കും. ഇത് ചിലപ്പോള്‍ മുഖത്ത് കുരുക്കള്‍ പൊന്തുന്നതിനും അതുപോലെ പിസിഒഡി പോലുള്ള പ്രശ്‌നങ്ങളിലേയ്ക്കും നയിക്കാം. വീട്ടില്‍ പാചകം ചെയ്യുന്ന നല്ല പച്ചക്കറികള്‍ കൂട്ടിയുള്ള ഭക്ഷണമാണ് ശരീരത്തിന് എല്ലായ്‌പ്പോഴും നല്ലത്.
ഐവിഎഫ് പ്രോസസ്സിന്റെ സമയത്ത് സ്ത്രീകള്‍ ഏതെല്ലാം തരത്തില്‍ വേദന അനുഭവിക്കും?
എത്രത്തോളം കഴിക്കാം, എന്തെല്ലാം കഴിക്കാം
ശരീരത്തിന് ആവശ്യമായ പോഷകങ്ങള്‍ നേടിയെടുക്കുക എന്നത് അത് അത്ര എളുപ്പമുള്ള കാര്യമല്ല. ശരിയായ ഭക്ഷണങ്ങള്‍ ശരിയായ രീതിയില്‍ കഴിച്ചാല്‍ മാത്രമാണ് ഇത് ശരീരത്തില്‍ പ്രകടമാകൂ. പോഷകങ്ങളെ പ്രധാനമായും ആറാക്കി തിരിക്കാം. അതായത്, കാര്‍ബോഹൈഡ്രേറ്റ, കൊഴുപ്പ്, പ്രോട്ടീന്‍, വെള്ളം, വൈറ്റമിന്‍സ്, മിനറല്‍സ്. ഇതെല്ലാം ഒത്ത്‌ചേര്‍ന്ന് ശരീരത്തില്‍ എത്തിയാല്‍ മാത്രമാണ് നല്ല ആരോഗ്യം ലഭിക്കുകയുള്ളൂ. അതുകൊണ്ട് ഒരുദിവസം എത്രലിറ്റര്‍ വെള്ളം കുടിച്ചു എന്നതിന്റെ അടിസ്ഥാനത്തില്‍ ആരോഗ്യത്തെ ഒരിക്കലും അളക്കരുത്.
കൃത്യമായ അളവില്‍ പോഷകങ്ങള്‍ ലഭിച്ചാല്‍ നല്ല ആരോഗ്യകരമായ ജീവിതം ലഭിക്കും
ജീവിതത്തില്‍ തിരക്ക് കൂടുന്നത് കൊണ്ടാണ് ആരോഗ്യം നഷ്ടമാകുന്നത് എന്ന് പറയുവാന്‍ ഒരിക്കലും സാധിക്കുകയില്ല. പ്രായമാകും തോറും ശരീരത്തിന് വേണ്ട കൃത്യമായ പോഷകങ്ങള്‍ നല്‍കേണ്ടതും അനിവാര്യമാണ്. എന്നാല്‍ മാത്രമാണ് ശാരീരികവും മാനസികവും വൈകാരികവും മാനസികവുമായ ആരോഗ്യം ലഭിക്കുകയുള്ളൂ. മാത്രവുമല്ല നല്ല എനര്‍ജിയില്‍ ജീവിക്കുന്നതിനും അതുപോലെ ജീവിതത്തിലെ ഏത് പ്രതിസന്ധി നേരിടുന്നതിനും ഇത് സഹായിക്കും.
നല്ല ആരോഗ്യമുള്ള സ്വയംപര്യാപ്തത നേടിയ ഒരു സ്ത്രീ സമൂഹത്തിന് അനിവാര്യമാണ്. ഒരു സ്ത്രീ ആരോഗ്യകരമായിരുന്നാല്‍ അവള്‍ക്ക് നല്ലരീതിയില്‍ ഗര്‍ഭകാലം പരിപാലിക്കുന്നതിനും അതുപോലെ നല്ല ആരോഗ്യമുള്ള കുട്ടികളുണ്ടാകുന്നതിനും നല്ല ആരോഗ്യകരമായ ഭാവി ഉണ്ടാകുന്നതിനും ഇത് സഹായിക്കും. മോഡേണ്‍ സ്ത്രീകള്‍ പലതരം ജോലികള്‍ ഒരുമിച്ച് ചെയ്യുന്നവരാണ്. അതുപോലെ ജീവിതത്തില്‍ നേട്ടങ്ങള്‍ കൊയ്യുന്നവരും നല്ല ആക്ടീവായി അനുവര്‍ത്തിക്കുന്നവരുമാണ്. അതുകൊണ്ടുതന്നെ സ്ത്രീകള്‍ ആരോഗ്യവതികളായിരിക്കേണ്ടത് ഏറ്റവും അനിവാര്യമായ കാര്യമാണ്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : women health nourish the body with right foods
Malayalam News from Samayam Malayalam, TIL Network
