പലയിടത്തും ഉദ്യോഗാര്‍ഥികള്‍ കടുത്ത പ്രതിഷേധവും അക്രമവുമായി തെരുവിലിറങ്ങിയെങ്കിലും അഗ്നിപഥ് പദ്ധതി പിൻവലിക്കില്ലെന്നാണ് കേന്ദ്രം വ്യക്തമാക്കുന്നത്.
നരേന്ദ്ര മോദി, അമിത് ഷാ Photo: NBT/File
ഹൈലൈറ്റ്:
- പദ്ധതി നടപ്പാക്കുമെന്ന് കേന്ദ്രം
- സുവ‍ര്‍ണാവസരമെന്ന് അമിത് ഷാ
- വിജ്ഞാപനം ഉടൻ പുറത്തിറക്കും
കർഷകസമരത്തിനു ശേഷം ഇതാദ്യമായാണ് ഒരു കേന്ദ്രസർക്കാർ പദ്ധതി ദേശീയതലത്തിൽ വലിയ പ്രതിഷേധത്തിന് തിരികൊളുത്തുന്നത്. പല സംസ്ഥാനങ്ങളിലും സൈനികജോലി കാത്തിരുന്ന യുവാക്കൾ റോഡുകൾ തടയുകയും ട്രെയിനുകൾക്ക് തീയിടുകയും ചെയ്തു. നാലു വർഷം മാത്രമായി സൈനികജോലിയുടെ കാലാവധി ചുരുക്കുകയും പെൻഷൻ അടക്കമുള്ള ആനുകൂല്യങ്ങൾ ഇല്ലാതാകുകയും ചെയ്യുന്നത് തങ്ങളുടെ തൊഴിൽസ്വപ്നങ്ങൾ ഊതിക്കെടുത്തുമെന്ന് പ്രതിഷേധക്കാർ ഭയപ്പെടുന്നു. ബിഹാറിൽ ആരംഭിച്ച പ്രതിഷേധം ഉത്തർ പ്രദേശിലേയ്ക്കും ഹരിയാനയിലേയ്ക്കും പഞ്ചാബിലേയ്ക്കും പടർന്നിട്ടുണ്ട്.
വേണ്ടത്ര തയ്യാറെടുപ്പില്ലാതെ നടപ്പാക്കുന്ന പദ്ധതിയാണെന്നും പ്രഖ്യാപിച്ച് 24 മണിക്കൂറിനുള്ളിൽ തന്നെ മാറ്റങ്ങൾ വരുത്തിയത് ഇതിനു തെളിവാണെന്നും കോൺഗ്രസ് നേതാവ് പ്രിയങ്ക ഗാന്ധി ആരോപിച്ചു. പദ്ധതി യുവാക്കൾ തള്ളിക്കളഞ്ഞെന്നായിരുന്നു രാഹുൽ ഗാന്ധിയുടെ ട്വീറ്റ്. പ്രതിഷേധക്കാർക്ക് കോൺഗ്രസ് പിന്തുണ പ്രഖ്യാപിക്കുകയും ചെയ്തിട്ടുണ്ട്.
Also Read: ഇടിമിന്നലിനൊപ്പം കാറ്റും മഴയും ശക്തമാകും; ഈ ജില്ലകളിൽ യെല്ലോ അലേർട്ട്, മുന്നറിയിപ്പ്
പ്രതിഷേധം തണുപ്പിക്കാനായി അഗ്നിപഥ് പദ്ധതിയുടെ പ്രായപരിധി കേന്ദ്രസ‍ക്കാ 23 വയസായി ഉയ‍ര്‍ത്തുകയും ചെയ്തിട്ടുണ്ടെങ്കിലും ഫലമുണ്ടായില്ല. 17.5 വയസു മുതൽ 21 വയസു വരെ പ്രായമുള്ള യുവാക്കളെ സൈന്യത്തിലെടുക്കുകയും തുട‍ര്‍ന്ന് ഇവരിൽ 75 ശതമാനം പേരെയും വിരമിക്കാൻ അനുവദിക്കുകയും ചെയ്യുന്നതിലൂടെ പെൻഷനും ശമ്പളത്തിനുമുള്ള വലിയൊരു തുക ലാഭിക്കാനാകുമെന്ന് കേന്ദ്രം കരുതുന്നു. പകരം അഗ്നിവീര്‍മാര്‍ക്ക് കേന്ദ്ര, സംസ്ഥാന സര്ക്കാര് ജോലികളിൽ മുൻഗണനയാണ് വാഗ്ദാനം.
Also Read: കൊച്ചിയിലെത്തുമോ ‘മെട്രോ നിയോ’? ചെലവ് നാലിലൊന്ന്; പുതിയ രണ്ട് റൂട്ടുകൾ; പദ്ധതിയുമായി കെഎംആർഎൽ
ആറു മാസത്തെ പരിശീലനത്തിനും മൂന്നര വര്‍ഷത്തെ ജോലിയ്ക്കും ശേഷം പുറത്തിറങ്ങുന്ന അഗ്നിവീര്‍മാരുടെ തൊഴിൽ സുരക്ഷയാണ് പ്രതിഷേധക്കാര്‍ ചോദ്യം ചെയ്യുന്നത്. എന്നാൽ പദ്ധതിയെക്കുറിച്ചുള്ള തെറ്റിദ്ധാരണകളാണ് പ്രതിഷേധത്തിന് പിന്നിലെന്ന് കേന്ദ്രസര്‍ക്കാര്‍ കരുതുന്നു.
അതേസമയം, പദ്ധതിയ്ക്ക് നാലു വര്‍ഷം മാത്രം പ്രായപരിധി വെച്ചിരിക്കുന്നത് വലിയൊരു ശതമാനം യുവാക്കളെ സഹായിക്കാനാണെന്നാണ് കേന്ദ്ര ആഭ്യന്തരമന്ത്രി അമിത് ഷാ പറയുന്നത്. നാലു വര്‍ഷം മാത്രം സേവനകാലാവധി എന്നതു കൂടുതൽ പേരെ റിക്രൂട്ട് ചെയ്യാൻ സഹായിക്കുന്നു. കൊവിഡ് മൂലം രണ്ട് വ‍ഷമായി സൈനിക റിക്രൂട്ട്മെൻ്റ് നടന്നിട്ടില്ലെന്നും ഇതു മനസിൽ കണ്ടാണ് കേന്ദ്ര സര്ക്കാര് പദ്ധതി തയ്യാറാക്കിയതെന്നും അമിത് ഷാ പറയുന്നു.
അഗ്നിപഥ് പദ്ധതി പിൻവലിക്കില്ലെന്ന് കേന്ദ്ര പ്രതിരോധ മന്ത്രി രാജ്നാഥ് സിങും വ്യക്തമാക്കുന്നു. ഇതിനായി ഉടൻ റിക്രൂട്ട്മെൻ്റ് തുടങ്ങുമെന്നും യുവാക്കൾ തയ്യാറെടുക്കണമെന്നും കേന്ദ്രമന്ത്രി ആവശ്യപ്പെട്ടു. പദ്ധതി യുവാക്കൾക്കുള്ള സുവര്‍ണാവസരമാണെന്നും അദ്ദേഹം കൂട്ടിച്ചേര്‍ത്തു.
പല രുചികളിൽ ആറാടാൻ പ്രൊഫസർ ‘പറുദീസ’ ഒരുക്കുന്നു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : central govt to go forward with agneepath scheme amid protest in north indian states
Malayalam News from Samayam Malayalam, TIL Network
