ലുക്കോറിയ അഥവാ വെള്ളപോക്ക് പല സ്ത്രീകളേയും അലട്ടുന്ന പ്രശ്‌നമാണ്. വൈറ്റ് ഡിസ്ചാര്‍ജ് എന്നും ഇതറിയപ്പെടുന്നു. അസ്ഥിയുരുക്കം എന്നും ഇത് നാടന്‍ ഭാഷയില്‍ പറയാറുണ്ട്. ഇതിന് പല കാരണങ്ങളുമുണ്ട്. ഗര്‍ഭാശയ രോഗങ്ങള്‍, അണുബാധ, വൃത്തിക്കുറവ് തുടങ്ങിയ പല കാരണങ്ങളാലും ഇതുണ്ടാകാറുണ്ട്. ഇത് സ്ത്രീകള്‍ക്ക് പൊതുവേ ആരോഗ്യപ്രശ്‌നങ്ങള്‍ സൃഷ്ടിയ്ക്കുന്നു. ഇതിനായി പല നാട്ടുവൈദ്യങ്ങളും പരിഹാരമായി ചെയ്യാവുന്നതാണ്. ഇത്തരത്തില്‍ ഒന്നാണ് നെല്ലിക്ക. ഇതും നെല്ലിക്കയുടെ കുരുവും എല്ലാം തന്നെ വൈറ്റ് ഡിസ്ചാര്‍ജ് പരിഹാരമായി ഉപയോഗിയ്ക്കാം.

വൈറ്റ് ഡിസ്ചാര്‍ജ്

ആരോഗ്യപരമായ ഗുണങ്ങള്‍ പലതുമുള്ള ഒന്നാണ് നെല്ലിക്ക. നെല്ലിക്ക പല രൂപത്തിലും നാം കഴിയ്ക്കാറുണ്ട്. പച്ചയ്ക്കും അച്ചാറിട്ടും ജ്യൂസാക്കിയും ചമ്മന്തിയരച്ചുമെല്ലാം നാം ഇത് ഉപയോഗിയ്ക്കാറുണ്ട്. നെല്ലിക്ക പ്രമേഹ-കൊളസ്‌ട്രോള്‍ നിയന്ത്രണത്തിന് മികച്ചതാണ്. ഇത് നല്ലൊരു അയേണ്‍ ടോണിക് ഗുണം നല്‍കുന്ന ഒന്നാണ്. നെല്ലിക്കയ്ക്ക് ആന്റി ഓക്‌സിഡന്റ് ഗുണങ്ങളുണ്ട്. ഇതിലെ വൈറ്റമിന്‍ സിയാണ് ഈ ഗുണം നല്‍കുന്നത്.നെല്ലിക്കയെ പോലെ നെല്ലിക്കയുടെ കുരുവും വൈറ്റ് ഡിസ്ചാര്‍ജ് പരിഹാരമായി ഉപയോഗിയ്ക്കാം

​ഇതിന്റെ കുരു

ഇതിന്റെ കുരു പ്രത്യേക രീതിയില്‍ വൈറ്റ് ഡിസ്ചാര്‍ജിന് മരുന്നാക്കി ഉപയോഗിയ്ക്കാം. നെല്ലിക്കയുടെ കുരു വേർതിരിച്ചെടുത്ത് മിക്സിയിൽ പൊടിച്ച് നന്നായി പേസ്റ്റ് രൂപത്തിൽ ആക്കാം. അതിൽ തേനോ ശര്‍ക്കരയോ ചേർത്ത് വായുസഞ്ചാരമില്ലാത്ത പാത്രത്തിൽ സൂക്ഷിക്കാം.ഇത് ഒരു ഗ്ലാസ് ചെറുചൂടുവെള്ളത്തിൽ 1 ടേബിൾ സ്പൂൺ ഈ പേസ്റ്റ് കലർത്തി എല്ലാ ദിവസവും രാവിലെ കുടിക്കുന്നത് വളരെ നല്ലതാണ്. വൈറ്റ് ഡിസ്ചാര്‍ജിന് മരുന്നാക്കി ഉപയോഗിയ്ക്കാന്‍ പറ്റിയ രീതിയാണിത്.

​ഹോര്‍മോണ്‍

ഹോര്‍മോണ്‍ അസന്തുലിതാവസ്ഥയാണ് ലുക്കേറിയ അഥവാ വെള്ളപോക്കിന് പ്രധാനപ്പെട്ട ഒരു കാരണം. സ്ത്രീ ഹോര്‍മോണായ ഈസ്ട്രജന്‍ എന്ന ഹോര്‍മോണിന്റെ അസന്തുലിതാവസ്ഥ ഈ അവസ്ഥയ്ക്ക് പ്രധാനപ്പെട്ട കാരണമാണ്. നെല്ലിക്കയിലേയും നെല്ലിക്കയിലെ കുരുവിലേയുമെല്ലാം പോഷകങ്ങള്‍ ഇത്തരം ഹോര്‍മോണ്‍ അസന്തുലിതാവസ്ഥയ്ക്ക് പരിഹാരമായി പ്രവര്‍ത്തിയ്ക്കുന്നു.

​നെല്ലിക്ക

നെല്ലിക്ക ചില ആരോഗ്യാവസ്ഥകളില്‍ ഡോക്ടറുടെ നിര്‍ദേശ പ്രകാരം ഉപയോഗിയ്ക്കുക. സര്‍ജറി കഴിഞ്ഞവര്‍, ഗര്‍ഭിണികള്‍, മുലയൂട്ടുന്നവര്‍, ഗര്‍ഭധാരണത്തിന് ശ്രമിയ്ക്കുന്നവര്‍ എന്നിവര്‍ ഡോക്ടറുടെ നിര്‍ദേശ പ്രകാരം ഇതു കഴിയ്ക്കുക. മാത്രമല്ല, ഇത് വീട്ടുവൈദ്യമാണ്. കൂടുതല്‍ ഗുരുതരമായ വജൈനല്‍ ഡിസ്ചാര്‍ജെങ്കില്‍ ഇത് വച്ചു കൊണ്ടിരിയ്ക്കാതെ എത്രയും പെട്ടെന്ന് മെഡിക്കല്‍ സഹായം തേടുകയും ചെയ്യുക.