ഹൈലൈറ്റ്:
- ഉറ്റവര്‍ക്ക് മൃതദേഹം കാണാൻ പറ്റാത്ത അവസ്ഥയെന്ന് മുഖ്യമന്ത്രി
- ശവസംസ്കാര പ്രോട്ടോകോളിൽ മാറ്റം
- ജാഗ്രത തുടരണമെന്ന് നിര്‍ദേശം
കൊവിഡ് ബാധിച്ചു മരിച്ചവരുടെ മൃതദേഹം അടുത്തു കാണാൻ പോലും പറ്റാത്തത് സമൂഹം നേരിടുന്ന വലിയ പ്രശ്നമാണെന്ന് മുഖ്യമന്ത്രി പറഞ്ഞു. ഈ സാഹചര്യത്തിൽ നിശ്ചിത സമയം മൃതദേഹം വീട്ടിൽ കൊണ്ടുപോയി വെക്കാനും പരിമിതമായ തോതിൽ മതപരമായ ചടങ്ങുകള്‍ നടത്താനും അനുവദിക്കണമെന്നാണ് സര്‍ക്കാര്‍ നിലപാടെന്ന് മുഖ്യമന്ത്രി അറിയിച്ചു. എന്നാൽ ഒരുപാട് സമയം വീട്ടിൽ മൃതദേഹം സൂക്ഷിക്കാനല്ല, ഒരു മണിക്കൂറിൽ താഴെ മാത്രം സമയമാണ് അനുവദിക്കുകയെന്നും മുഖ്യമന്ത്രി പറഞ്ഞു.
Also Read: സംസ്ഥാനത്ത് ഇന്ന് 13,550 പേര്‍ക്കു കൂടി കൊവിഡ്; 24 മണിക്കൂറിനിടെ സ്ഥിരീകരിച്ചത് 104 മരണങ്ങൾ
കൊവിഡ് ബാധിച്ചു മരിച്ചവരുടെ ബന്ധുക്കള്‍ക്ക് ഉണ്ടാകുന്ന മാനസിക സമ്മര്‍ദ്ദം ലഘൂകരിക്കേണ്ടതുണ്ട്. മരണപ്പെടുന്ന രോഗികള്‍ മുൻപ് ബാങ്കുകളിൽ നിന്നെടുത്ത ലോണുകള്‍ മുടങ്ങിയിട്ടുണ്ടെങ്കിൽ ഇതിൻ്റെ ഭാഗമായി ഉണ്ടാകുന്ന ജപ്തി നടപടികള്‍ നിര്‍ത്തി വെക്കാൻ നിര്‍ദേശം നല്‍കുമെന്നും മുഖ്യമന്ത്രി പറഞ്ഞു.
Also Read: മോഡേണ വാക്സിന് ഇന്ത്യയിൽ അനുമതി; ഇറക്കുമതി ചെയ്ത് വിതരണം ചെയ്യാൻ അനുവദിച്ച് ഡിസിജിഐ
സംസ്ഥാനത്ത് ടിപിആര്‍ കുറയാത്തത് വലിയ പ്രശ്നമായി തുടരുകയാണെന്നും ജാഗ്രത കൈവിടരുതെന്നും മുഖ്യമന്ത്രി വ്യക്തമാക്കി. പൊതുസ്ഥലങ്ങളെക്കാള്‍ സ്വകാര്യ ഇടങ്ങള്‍ വഴിയാണ് ഇപ്പോള്‍ രോഗവ്യാപനം നടക്കുന്നത്. കൊവിഡ് നിലനിൽക്കുന്നിടത്തോളം കാലം ഒരു പ്രദേശവും കൊവിഡ് മുക്തമാണെന്നു കരുതാൻ കഴിയില്ലെന്നും മുഖ്യമന്ത്രി വ്യക്തമാക്കി. നിയന്ത്രണങ്ങള്‍ തുടരാനായി ബോധവത്കരണം നടത്തുകയും നിയമനടപടികള്‍ സ്വീകരിക്കുകയും ചെയ്യുമെന്നും മുഖ്യമന്ത്രി വ്യക്തമാക്കി.
ജന്മനാ കേള്‍വി ശക്തിയും സംസാരശേഷിയുമില്ല; അപര്‍ണയുടെ മാജിക്കുകള്‍ കണ്ട് ഞെട്ടി മജീഷ്യന്മാര്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala revises covid 19 funeral rules as cm pinarayi vijayan says dead body can be kept at residence for an hour
Malayalam News from malayalam.samayam.com, TIL Network
