സര്‍ക്കാര്‍ വകുപ്പുകളുടെ പരിശോധന അതിര് കടക്കുന്നു; 3500 കോടിയുടെ നിക്ഷേപ പദ്ധതിയിൽ നിന്നും പിന്മാറുന്നതായി കിറ്റക്സ് ഗ്രൂപ്പ്

കൊച്ചി: സംസ്ഥാന സര്‍ക്കാരുമായുള്ള 3500 കോടി രൂപയുടെ നിക്ഷേപ പദ്ധതിയിൽ നിന്നും പിന്മാറി കിറ്റക്സ് ഗ്രൂപ്പ്. സര്‍ക്കാരുമായി ഒപ്പിട്ട ധാരണാപത്രത്തിൽ നിന്നാണ് പിന്മാറും. ഇത് സംബന്ധിച്ച് വാര്‍ത്താക്കുറിപ്പ് കമ്പനി പുറത്തിറക്കി.



Also Read : ജമ്മുവിൽ മൂന്നാം ദിവസവും വട്ടമിട്ട് ഡ്രോൺ; ഗൗരവമെന്ന് ഇന്ത്യ, അന്വേഷണം എൻഐഎക്ക്

അപ്പാരൽ പാർക്കും മൂന്ന് വ്യവസായ പാര്‍ക്കും തുടങ്ങനായിരുന്നു ധാരണ. ഈ പദ്ധതിയുമായി മുന്നോട്ടില്ലെന്ന് കിറ്റക്സ് ഗ്രൂപ്പ് എംഡി സാബു ജേക്കബ് പറഞ്ഞു. പിന്മാറ്റം സര്‍ക്കാര്‍ വകുപ്പുകളുടെ പരിശോധനയിൽ പ്രതിഷേധിച്ച്.

ഒരു മാസത്തിനിടെ വിവിധ വകുപ്പുകളിൽ നിന്നും 11 പരിശോധനയെന്ന് കിറ്റെക്സ് ഗ്രൂപ്പ് വാര്‍ത്താക്കുറിപ്പിൽ വ്യക്തമാക്കി. എന്നാൽ, നിയമവിരുദ്ധമായി ഒന്നും കണ്ടെത്തിയിരുന്നില്ല. പക്ഷെ ഇത്തരത്തില്‍ തുടര്‍ച്ചയായി പരിശോധനകള്‍ നടത്തി വ്യവസായത്തെ ബുദ്ധിമുട്ടിപ്പിക്കുന്ന സാഹചര്യമാണ് സംസ്ഥാനത്തുള്ളത്. ഇതിനാൽ തന്നെ സര്‍ക്കാരിന്റെ തുടര്‍വികസന പദ്ധതിയുമായിമുന്നോട്ട് പോകാനില്ലെന്നും എംഡി അറിയിച്ചു.

2020 കൊച്ചിയിലെ ആഗോള നിക്ഷേപ സംഗത്തിലാണ് കിറ്റെക്സ് സംസ്ഥാന സര്‍ക്കാരുമായി ധാരണാപത്രത്തിൽ ഒപ്പിട്ടത്. ഒരു ലക്ഷം കോടി രൂപയുടെ നിക്ഷേപമാണ് അന്ന് ഒപ്പിട്ടത്. കിറ്റക്സ് ഗ്രൂപ്പിന്റേതായിരുന്നു ഏറ്റവും വലിയ പ്രോജക്റ്റ്.

നിലവിലെ സാഹചര്യത്തിൽ വ്യവസായം പോലും മുന്നോട്ട് കൊണ്ടു പോകാനാകാത്ത സ്ഥിതിയാണെന്നും സാബു ജേക്കബ് പ്രതികരിച്ചു. കിറ്റെക്സിനെ ഇല്ലാതാക്കാൻ ശ്രമം നടക്കുന്നു. ഇത് രാഷ്ട്രീയ പകപോക്കലെന്ന് കിറ്റെക്സ് ഗ്രൂപ്പ് എംഡി ഏഷ്യാനെറ്റ് ന്യൂസിനോട് പ്രതികരിച്ചു.

Also Read : കൊവി‍ഡ് വ്യാപനം കുറയുന്നില്ല; നിയന്ത്രണങ്ങള്‍ കടുപ്പിച്ചേക്കും; അവലോകന യോഗം ഇന്ന്



കുന്നത്തുനാട് എംഎൽഎയാണ് ഇതിന് നേതൃത്വം നൽകുന്നത് എന്നും അദ്ദേഹം ആരോപിച്ചു. ഇല്ലാതാക്കാൻ ശ്രമിക്കുന്നവരുമായി ചര്‍ച്ചയില്ല. സര്‍ക്കാര്‍ പദ്ധതിയുമായി ഇനി മുന്നോട്ടില്ലെന്നും സാബു ജേക്കബ് വ്യക്തമാക്കി.