Sumayya P | Samayam Malayalam | Updated: 29 Jun 2021, 05:53:01 PM
അയാട്ടയുമായും മറ്റും ചേര്‍ന്ന് എമിറേറ്റ്സ് നടത്തിയ ട്രാവല്‍ പാസിന്റെ ട്രയല്‍ റണ്‍ വന്‍ വിജയമായിരുന്നുവെന്നും അധികൃതര്‍ അറിയിച്ചു
കൊവിഡ് വിവരങ്ങള്‍ എളുപ്പത്തില്‍ ലഭിക്കും
ദുബായില്‍ നിന്ന് ലണ്ടന്‍, ബാഴ്സലോണ, മാഡ്രിഡ്, ഇസ്താംബൂള്‍, ന്യൂയോര്‍ക്ക്, മോസ്‌ക്കോ, ഫ്രാങ്ക്ഫര്‍ട്ട്, ചാള്‍സ് ഡിഗോള്‍, ആംസ്റ്റര്‍ഡാം എന്നീ നഗരങ്ങളിലേക്ക് പറക്കുന്നവര്‍ക്ക് അയാട്ട ട്രാവല്‍ പാസ് ഉപയോഗിക്കാം. പിസിആര്‍ പരിശോധനാ ഫലം, ടെസ്റ്റ് നടത്തിയ തീയതി, സമയം, ലാബ്, കൊവിഡ് പ്രതിരോധ വാക്‌സിനേഷനുമായി ബന്ധപ്പെട്ട വിവരങ്ങള്‍ തുടങ്ങി കൊവിഡുമായി ബന്ധപ്പെട്ട യാത്രാ വിവരങ്ങള്‍ അടങ്ങിയ രേഖകള്‍ അയാട്ടയുടെ ട്രാല്‍ പാസില്‍ ലഭ്യമാവും. യാത്ര ചെയ്യുന്ന നഗരങ്ങളിലെ കൊവിഡ് ടൈസ്റ്റ് ലാബുകളെ കുറിച്ചുള്ള വിവരങ്ങളും ഇതില്‍ ലഭ്യമാവും.
കൊവിഡ് സര്‍ട്ടിഫിക്കറ്റുകള്‍ കൈയില്‍ കരുതേണ്ട
അയാട്ട ട്രാവല്‍ പാസ് ഡൗണ്‍ലോഡ് ചെയ്യുന്നത് സംബന്ധിച്ചുള്ള നിര്‍ദേശങ്ങളും ആക്ടിവേഷന്‍ കോഡും ഉള്‍പ്പെട്ട ഇമെയിലും എസ്എംഎസും എമിറേറ്റ്സ് യാത്രക്കാര്‍ക്ക് ലഭിക്കും. ഐഒഎസിലും ആന്‍ഡ്രോയിഡിലും ട്രാവല്‍ പാസ് ആപ്പ് ലഭ്യമാണെന്നും അധികൃതര്‍ അറിയിച്ചു. സ്മാര്‍ട്ട് ഫോണില്‍ ട്രാവല്‍ പാസ് ലഭ്യമാവുന്നതോടെ കൊവിഡ് നെഗറ്റീവ് സര്‍ട്ടിഫിക്കറ്റ്, വാക്‌സിനേഷന്‍ സര്‍ട്ടിഫിക്കറ്റ് തുടങ്ങിയ രേഖകളുടെ പ്രിന്റ് ചെയ്ത കോപ്പിയോ സോഫ്റ്റ് കോപ്പിയോ കൈയില്‍ കരുതേണ്ടി വരില്ല. പകരം ട്രാവല്‍ പാസിലെ ഇതുമായി ബന്ധപ്പെട്ട വിവരങ്ങള്‍ മതിയാവും. അയാട്ടയുമായും മറ്റും ചേര്‍ന്ന് എമിറേറ്റ്സ് നടത്തിയ ട്രാവല്‍ പാസിന്റെ ട്രയല്‍ റണ്‍ വന്‍ വിജയമായിരുന്നുവെന്നും അധികൃതര്‍ അറിയിച്ചു.
ചെക്ക് ഇന്‍ അല്‍ ഹുസ്ന്‍ ആപ്പുമായി ബന്ധിപ്പിക്കും
കൊവിഡ് കാലത്ത് യാത്രാ രേഖകള്‍ പരിശോധിക്കുമ്പോഴുണ്ടാകുന്ന സമ്പര്‍ക്കം ഒഴിവാക്കാനും ഡിജിറ്റലായി ഇവ പരുശോധിക്കുന്നതിനുമുള്ള സംവിധാനം എമിറേറ്റ്സ് കാര്യക്ഷമമായി നടപ്പാക്കി വരുന്നതായി ചീഫ് ഓപറേറ്റിംഗ് ഓഫീസര്‍ ആദില്‍ അല്‍ റിദ പറഞ്ഞു. ഇതിന്റെ ഭാഗമായാണ് അയാട്ട ട്രാവല്‍ പാസും യുഎഇ ഹെല്‍ത്ത് ഡാറ്റാബേസും ഉപയോഗപ്പെടുത്തുന്നതെന്നും അദ്ദേഹം അറിയിച്ചു. എമിറേറ്റ്സ് ചെക്ക്-ഇന്‍ സംവിധാനവുമായി അല്‍ഹുസ്ന്‍ ആപ്പ് ബന്ധിപ്പിക്കുന്നതോടെ യുഎഇയില്‍ നിന്ന് പോകുന്ന യാത്രക്കാര്‍ക്ക് കൊവിഡ് മെഡിക്കല്‍ രേഖകളുടെ ഡിജിറ്റല്‍ പകര്‍പ്പ് എളുപ്പത്തില്‍ ലഭ്യമാവും. അതേസമയം, ഡാറ്റാ സുരക്ഷ ഉറപ്പുവരുത്തുന്നതിനുള്ള എല്ലാ നടപടികളും എമിറേറ്റ്സ് കൈക്കൊണ്ടതായും അദ്ദേഹം പറഞ്ഞു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : emirates launches iata travel pass to 10 cities
Malayalam News from malayalam.samayam.com, TIL Network
