Sumayya P | Samayam Malayalam | Updated: 29 Jun 2021, 05:09:48 PM
രാജ്യത്ത് കൊവിഡ് നിയന്ത്രണങ്ങള്‍ ലംഘിച്ച 204 പേര്‍ക്കെതിരെ കൂടി നടപടിയെടുത്തതായി ആഭ്യന്തര മന്ത്രാലയം അറിയിച്ചു
കൊവിഡിനെ മെരുക്കിയ രാജ്യങ്ങളിലൊന്നാവും
80 ശതമാനത്തിലേറെ പേര്‍ വാക്സിന് സ്വീകരിച്ചാല്‍ മാത്രമേ രാജ്യത്തിന് സാമൂഹിക പ്രതിരോധ ശേഷി കൈവരിക്കാനാവൂ. എങ്കില്‍ മാത്രമേ കൊവിഡ് വ്യാപനത്തിന്റെ തോത് ഇനിയും കുറച്ചു കൊണ്ടുവരാനാവൂ. ആ ലക്ഷ്യം ഈ വര്‍ഷം അവസാനത്തോടെ കൈവരിക്കാന്‍ സാധിക്കുമെന്നാണ് പ്രതീക്ഷിക്കുന്നത്. അതോടെ മഹാമാരിയെ നിയന്ത്രണ വിധേയമാക്കിയ ആദ്യ രാജ്യങ്ങളിലൊന്നായി ഖത്തര്‍ മാറുമെന്നും അവര്‍ അവകാശപ്പെട്ടു. ഇതിന് സ്വദേശികളും പ്രവാസികളുമായ മുഴുവന്‍ ആളുകളും വാക്‌സിനെടുക്കാന്‍ മുന്നോട്ടുവരണമെന്നും അവര്‍ അഭ്യര്‍ഥിച്ചു.
ക്യുഎന്‍സിസി, വക്റ വാക്സിന് കേന്ദ്രങ്ങള്‍ അടക്കും
ലുസൈലിലും വക്റയിലും താല്‍ക്കാലിക സംവിധാനമെന്ന നിലയിലാണ് ഡ്രൈവ് ത്രൂ വാക്സിനേഷന്‍ സെന്റര്‍ ആരംഭിച്ചതെന്നും അവര്‍ പറഞ്ഞു. ഖത്തര്‍ നാഷനല്‍ കണ്‍വെന്‍ഷന്‍ സെന്ററിലെ (ക്യൂഎന്‍സിസി) വാക്സിനേഷന്‍ കേന്ദ്രത്തില്‍ ഇന്നും വക്റ ഡ്രൈവ് ത്രൂ സെന്ററില്‍ നാളെയും ആയിരിക്കും അവസാന പ്രവര്‍ത്തി ദിവസം. ലുസൈല്‍ ഡ്രൈവ് ത്രൂ സെന്റര്‍ ജൂണ്‍ 23ന് അടച്ചിരുന്നു. 3,30,000 പേര്‍ ഡ്രൈവ്ത്രൂ സെന്ററുകള്‍ ഉപയോഗപ്പെടുത്തിയിട്ടുണ്ട്. വ്യാപാര, വ്യവസായ മേഖലയ്ക്ക് വേണ്ടി വിശാലമായ സൗകര്യത്തോട് കൂടി പുതുതായി ആരംഭിച്ച ഖത്തര്‍ വാക്സിനേഷന്‍ സെന്ററിന് ഒരേ സമയം ആയിരക്കണക്കിന് പേര്‍ക്ക് വാക്സിന് നല്‍കാനാവുമെന്നതിനാല്‍ മറ്റ് സെന്ററുകള്‍ അടച്ചത് വാക്സിനേഷന്‍ തോതിനെ ബാധിക്കില്ല. രാജ്യത്ത് ചൂട് കൂടിവരുന്ന പശ്ചാത്തലത്തില്‍ കൂടിയാണ് ഇവയുടെ പ്രവര്‍ത്തനം നിര്‍ത്താന്‍ തീരുമാനിച്ചതെന്നും അല്‍ ബയാത്ത് പറഞ്ഞു. പുതുതായി തുറന്ന ഖത്തര്‍ വാക്സിനേഷന്‍ സെന്ററില്‍ ദിവസം 25,000 പേര്‍ക്ക് വാക്സിന് നല്‍കാന്‍ സാധിക്കും. ഇതിന് പുറമേ 27 ഹെല്‍ത്ത് സെന്ററുകളില്‍ 15,000 പേര്‍ക്കും വാക്സിന് നല്‍കാനാവും.
പെരുമാറ്റച്ചട്ടങ്ങള്‍ ലംഘിച്ച 204 പേര്‍ക്കെതിരേ കേസ്
അതിനിടെ, രാജ്യത്ത് കൊവിഡ് നിയന്ത്രണങ്ങള്‍ ലംഘിച്ച 204 പേര്‍ക്കെതിരെ കൂടി നടപടിയെടുത്തതായി ആഭ്യന്തര മന്ത്രാലയം അറിയിച്ചു. പൊതു ഇടങ്ങളില്‍ മാസ്‌ക് ധരിക്കാത്തതിന് 198 പേര്‍ക്കും മൊബൈലില്‍ ഇഹ്തിറാസ് ആപ്ലിക്കേഷന്‍ ഇല്ലാത്തതിന് ആറ് പേര്‍ക്കും എതിരേയാണ് കേസ് എടുത്തത്. ഇവരെ തുടര്‍ നടപടികള്‍ക്കായി പബ്ലിക് പ്രോസിക്യൂഷന് കൈമാറി. കൊവിഡ് പെരുമാറ്റച്ചട്ടങ്ങള്‍ ലംഘിച്ചതിന് ആയിരക്കണക്കിന് ആളുകള്‍ക്കെതിരേയാണ് ഇതിനകം നടപടി സ്വീകരിച്ചതെന്നും മന്ത്രാലയം അറിയിച്ചു. സാംക്രമിക രോഗങ്ങള്‍ തടയുന്നതിനുള്ള 1990ലെ 17-ാം നമ്പര്‍ ഉത്തരവ് പ്രകാരമാണ് ഇവര്‍ക്കെതിരേ നടപടി സ്വീകരിക്കുക. കൊവിഡ് പ്രതിരോധ നടപടികളുടെ ഭാഗമായി, വീട്ടില്‍ നിന്ന് പുറത്തിറങ്ങുമ്പോള്‍ മാസ്‌ക് ധരിക്കല്‍ ഖത്തറില്‍ നിര്‍ബന്ധമാണ്. കാറില്‍ ഒരു കുടുംബത്തില്‍ നിന്നുള്ളവരല്ലെങ്കില്‍ നാലു പേരില്‍ കൂടുതല്‍ യാത്ര ചെയ്യരുതെന്നും നിര്‍ദ്ദേശമുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar says 80 percentage of people will be vaccinated by the end of the year
Malayalam News from malayalam.samayam.com, TIL Network
