യുവ പ്രതിഭകളെ തേടി സ്‌കില്‍ അപ്പ് അക്കാദമി
50 വര്‍ഷത്തെ സാമ്പത്തിക വികസനം ലക്ഷ്യം വച്ചുള്ള പദ്ധതികളുടെ ഭാഗമായാണ് സാമ്പത്തികകാര്യ മന്ത്രാലയത്തിനു കീഴില്‍ പുതിയ പദ്ധതികള്‍ പ്രഖ്യാപിച്ചിരിക്കുന്നത്. ഇതില്‍ ബിസിനസ് രംഗത്തെ യുവ പ്രതിഭകളെ കണ്ടെത്തി അവര്‍ക്ക് സാമ്പത്തികവും സാങ്കേതികവുമായ സഹായവും പിന്തുണയും നല്‍കുകയെന്ന ലക്ഷ്യത്തോടെ സ്‌കില്‍ അപ്പ് അക്കാദമി സ്ഥാപിക്കുക. ബിസിനസ് രംഗത്തെ പുതിയ മേഖലകളെയും രീതികളെയും അവര്‍ക്ക് പരിചയപ്പെടുത്തുകയും അവയില്‍ കൂടുതല്‍ പരിശീലനം ലഭ്യമാക്കുകയും ചെയ്യുകയാണ് അക്കാദമിയിലൂടെ ലക്ഷ്യം വയ്ക്കുന്നത്. ലോകത്തിന്റെ വിവിധ ഭാഗങ്ങളിലുള്ള യുവ പ്രതിഭകളെ അക്കാദമിയിലേക്ക് ആകര്‍ഷിക്കാനാവുമെന്ന പ്രതീക്ഷയിലാണ് യുഎഇ.
സംരംഭകര്‍ക്കായി സ്‌കെയില്‍ അപ്പ് പ്ലാറ്റ്‌ഫോം
സംരംഭകത്വത്തിന് കൂടുതല്‍ പിന്തുണ നല്‍കുകയും ലോകത്തിന്റെ വിവിധ ഭാഗങ്ങളിലെ സ്റ്റാര്‍ട്ടപ്പുകളെ രാജ്യത്തേക്ക് ആകര്‍ഷിക്കുകയും ചെയ്യുകയെന്ന ലക്ഷ്യത്തോടെയാണ് സെകെയില്‍ അപ്പ് പ്ലാറ്റ്‌ഫോം യുഎഇ അവതരിപ്പിച്ചിരിക്കുന്നത്. ഇതിലൂടെ പുതിയ സംരംഭകര്‍ക്ക് അനുയോജ്യമായ സൗകര്യങ്ങളും സഹായങ്ങള്‍ ഒരുക്കാനാണ് പദ്ധതി. മിഡിലീസ്റ്റിലെ ഏറ്റവും മികച്ച സ്റ്റാര്‍ട്ടപ്പ് സൗഹൃ രാജ്യമാണ് യുഎഇ. ഫോര്‍ബ്‌സ് മാസികയുടെ റിപ്പോര്‍ട്ട് പ്രകാരം ഏറ്റവും കൂടുതല്‍ നിക്ഷേപം ലഭ്യമായ മിഡിലീസ്റ്റിലെ 50 സ്റ്റാര്‍ട്ടപ്പുകളില്‍ 33 എണ്ണവും യുഎഇ ആസ്ഥാനമായി പ്രവര്‍ത്തിക്കുന്നവയാണ്. ഇവയില്‍ ഏറ്റവും മികച്ച 10 സ്റ്റാര്‍ട്ടപ്പുകളില്‍ ഏഴും യുഎഇയില്‍ സ്ഥാപിക്കപ്പെട്ടവയാണെന്നും ഫോര്‍ബ്‌സ് വ്യക്തമാക്കി. ലോകത്തെ 190 രാജ്യങ്ങളെ ഉള്‍പ്പെടുത്തി തയ്യാറാക്കിയ ലോകബാങ്കിന്റെ ഈസ് ഓഫ് ഡൂയിംഗ് ബിസിനസ് ഇന്‍ഡക്‌സ് 2020ല്‍ 19ാമതാണ് യുഎഇയുടെ സ്ഥാനം.
യുഎഇയെ കൂടുതല്‍ നിക്ഷേപ സൗഹൃദമാക്കും
രാജ്യത്തെ കൂടുതല്‍ നിക്ഷേപ സൗഹൃമാക്കുന്നതിനുള്ള പദ്ധതികളും സാമ്പത്തികകാര്യ മന്ത്രാലയം തയ്യാറാക്കി വരികയാണെന്നും ശെയ്ഖ് മുഹമ്മദ് ട്വിറ്ററില്‍ അറിയിച്ചു. ഇതിന്റെ ഭാഗമായി ‘ഗ്രോ ഇന്‍ യുഎഇ’ എന്ന പേരില്‍ നിക്ഷേപനയങ്ങളും അവസരങ്ങളും സംബന്ധിച്ച വിവരങ്ങള്‍ ലഭ്യമാക്കുന്ന സംയോജിത സംവിധാനവും ആരംഭിക്കും. പുതിയ വിപണികളില്‍ പ്രവേശിക്കാന്‍ ആഗ്രഹിക്കുന്ന കുടുംബ ബിസിനസുകള്‍ക്കുള്ള സഹായപദ്ധതിയും അന്താരാഷ്ട്ര സര്‍വകലാശാലകളുമായി ചേര്‍ന്ന് സാമ്പത്തിക ശാസ്ത്ര ഗവേഷണ സ്ഥാപനവും ആരംഭിക്കുമെന്നും അദ്ദേഹം പ്രഖ്യാപിച്ചു. യുഎഇയിലെ പുതിയ സാമ്പത്തിക അവസരങ്ങള്‍ അടിസ്ഥാനമാക്കി ആഗോള നിക്ഷേപ സമ്മേളനവും പദ്ധതിയുടെ ഭാഗമായി നടക്കും. അടുത്ത വര്‍ഷം മാര്‍ച്ച് 22നാണ് ഇത് സംഘടിപ്പിക്കക. രാജ്യത്തിന്റെ സാമ്പത്തിക പ്രവര്‍ത്തനങ്ങള്‍ ശരിയായ ദിശയില്‍ മുന്നോട്ടുപോവുകയാണെന്നും എല്ലാ മന്ത്രാലയങ്ങളും സ്ഥാപനങ്ങളും അടുത്ത 50 വര്‍ഷം ലക്ഷ്യം വച്ചുള്ള മുന്നേറ്റത്തിന്റെ പാതയിലാണെന്നും ശെയ്ഖ് മുഹമ്മദ് ട്വിറ്റര്‍ സന്ദേശത്തില്‍ കുറിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : sheikh mohammed launches skill up academy to support startups and entrepreneurs
Malayalam News from malayalam.samayam.com, TIL Network
