യുഎസ് കമ്പനിയായ മോഡേണ വികസിപ്പിച്ച കൊവിഡ് 19 വാക്സിൻ ഇന്ത്യയിലേയ്ക്ക് ഇറക്കുമതി ചെയ്ത് വിതരണം ചെയ്യാനുള്ള അനുമതി ഫാര്‍മസ്യൂട്ടിക്കൽ കമ്പനിയായ സിപ്ലയ്ക്കാണ് ലഭിച്ചിട്ടുള്ളത്.
പ്രതീകാത്മക ചിത്രം Photo: The Times of India/File
ഹൈലൈറ്റ്:
- മോഡേണ വാക്സിൻ ഇനി ഇന്ത്യയിലും
- ഇറക്കുമതി ചെയ്ത് വിതരണം ചെയ്യും
- യുഎസ് വാക്സിൻ ഇന്ത്യയിലാദ്യം
Also Read: ജമ്മുവിൽ മൂന്നാം ദിവസവും വട്ടമിട്ട് ഡ്രോൺ; ഗൗരവമെന്ന് ഇന്ത്യ, അന്വേഷണം എൻഐഎക്ക്
യുഎസ് ഉള്‍പ്പെടെയുള്ള രാജ്യങ്ങളിൽ വൻതോതിൽ വിതരണം ചെയ്യുന്ന വാക്സിൻ ഇന്ത്യയിൽ കുത്തിവെക്കുന്ന ആദ്യ നൂറു പേരുടെ വിവരങ്ങള്‍ കൈമാറാൻ തയ്യാറാണെന്ന് സിപ്ല അറിയിച്ചു. കൊവിഡ് 19നെതിരെ 90 ശതമാനം ഫലപ്രാപ്തിയുള്ള വാക്സിനാണ് മോഡേണയുടേത്. ഫൈസര്‍ വാക്സിൻ പോലെ തന്നെ എംആര്‍എൻഎ വാക്സിാണ് മോഡേണയും. കൊവിഡ് 19 പരത്തുന്ന കൊറോണ വൈറസിൻ്റെ ജനിതക ഘടകം ഉപയോഗിച്ചാണ് വാക്സിൻ നിര്‍മിച്ചിട്ടുള്ളത്. കൊറോണ വൈറസിൻ്റെ ഉപരിതലത്തിലുള്ള സ്പൈക്ക് പ്രോട്ടീനുകള്‍ ഉത്പാദിപ്പിക്കാനുള്ള താത്കാലിക സന്ദേശങ്ങള്‍ ഉദ്ദീപിപ്പിക്കുന്ന വാക്സിൻ ഇതുവഴി ശരീരത്തിൽ രോഗപ്രതിരോധശേഷിയുണ്ടാക്കുകയാണ് ചെയ്യുന്നത്.
Also Read: സഭാതർക്കത്തിന്റെ പേരിൽ ആരും പീഡന പരാതി ഉന്നയിക്കില്ല; പ്രതിക്ക് വൻ സ്വാധീനം: മയൂഖ ജോണി
ഇന്ത്യയിൽ അനുമതി ലഭിക്കുന്ന ആദ്യ യുഎസ് കൊവിഡ് 19 വാക്സിൻ കൂടിയാണ് മൊഡേണ. ഫൈസര്‍ വാക്സിനും ഉടൻ തന്നെ ഇന്ത്യയിലെത്തുമെന്നും നടപടിക്രമങ്ങള്‍ അന്തിമഘട്ടത്തിലാണെന്നും കമ്പനി അറിയിച്ചിരുന്നു. രാജ്യത്ത് ഡിസംബര്‍ മാസത്തിനുള്ളിൽ 18 വയസ്സിനു മുകളിൽ പ്രായമുള്ള എല്ലാവര്‍ക്കും വാക്സിൻ വിതരണം ചെയ്യാനുള്ള ഒരുക്കത്തിലാണ് കേന്ദ്രസര്‍ക്കാര്‍. ഇതിൻ്റെ ഭാഗമായി വരും മാസങ്ങളിൽ കൂടുതൽ വാക്സിനുകള്‍ക്ക് അനുമതി നല്‍കുമെന്നും കേന്ദ്രം വ്യക്തമാക്കിയിരുന്നു.
വിസ്മയയുടെ മരണം: കിരണിനെ വീട്ടിലും ബാങ്കിലും എത്തിച്ച് തെളിവെടുപ്പ്
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : dcgi nod for cipla to import moderna vaccine to india for use
Malayalam News from malayalam.samayam.com, TIL Network
