ഒരു ആന അതിസാഹിസകമായി തന്റെ കുഞ്ഞിനെ അപകടത്തില്‍ നിന്ന് രക്ഷിക്കുന്നതാണ് വീഡിയോ.
ഹൈലൈറ്റ്:
- ട്വിറ്ററിലൂടെയാണ് വീഡിയോ പുറത്ത് വന്നത്
- ഐഎഫ്എസ് ഉദ്യോഗസ്ഥനാണ് വീഡിയോ പങ്കുവെച്ചത്
- അതിസാഹസികമായാണ് ആനക്കുട്ടിയെ രക്ഷിച്ചത്
നദി മുറിച്ച് കടക്കുന്നതിനിടെയാണ് കുട്ടിയാനയ്ക്ക് അപകടം സംഭവിക്കുന്നത്. കുത്തി ഒലിച്ച് ഒഴുകുന്ന നദിയാണ് ആനകള്‍ മുറിച്ച് കടക്കാന്‍ ശ്രമിക്കുന്നത്. വടക്കന്‍ ബംഗാളിലെ നാഗ്രാകട്ട എന്ന സ്ഥലത്ത് നിന്നാണ് ഈ വീഡിയോ പുറത്ത് വന്നിരിക്കുന്നത്. അതിശക്തമായ ഒഴുക്കില്‍ മറ്റ് ആനകളെല്ലാം നീന്തി മറുകര എത്തിയെങ്കിലും കുട്ടിയാനയ്ക്ക് അടി തെറ്റുകയായിരുന്നു.
Also read:കുട്ടി ആനയെ ഉപദ്രവിച്ച ചീങ്കണിയെ ചവിട്ടിയെറിഞ്ഞ് തള്ള ആന; വൈറലായി വീഡിയോ
കഷ്ടപ്പെട്ട് നടക്കാന്‍ ശ്രമിക്കുന്നുണ്ടെങ്കിലും ആനക്കുട്ടിക്ക് അതിന് സാധിക്കാതെ വന്നതോടെയാണ് ഒഴുക്കില്‍പ്പെട്ട് പോയത്. ഉടന്‍ തന്നെ അമ്മ ആന അതിന്റെ അടുത്തേക്ക് പാഞ്ഞ് അടുക്കുന്നതും വീഡിയോയില്‍ കാണാം. തുമ്പിക്കൈ കൊണ്ട് കുട്ടിയാനയെ പിടിച്ച് കരയിലേക്ക് കൊണ്ടുവരുന്ന കാഴ്ച ഏറെ ഹൃദ്യമാണ്. കരയിലേക്ക് ഇവര്‍ക്കായി കാത്തിരിക്കുന്ന ആനക്കൂട്ടത്തിന്റെ അടുത്തേക്ക് തിരിച്ച് പോകുകയാണ് രണ്ട് പേരും. മുന്‍പ് മുതലയുടെ കൈയില്‍ നിന്ന് കുട്ടിയാനയെ രക്ഷിക്കുന്ന അമ്മ ആനയുടെ വീഡിയോയും സോഷ്യല്‍ മീഡിയയില്‍ വൈറലായിരുന്നു. കാല്‍ കൊണ്ട് ചവിട്ടിയാണ് അമ്മ ആന കുഞ്ഞിനെ രക്ഷിച്ചത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : mother elephant saves baby elephant from drowning in the river
Malayalam News from Samayam Malayalam, TIL Network
