ശനിയാഴ്ച വാർത്താ ഏജൻസിയായ എഎൻഐക്ക് നൽകിയ അഭിമുഖത്തിൽ കേന്ദ്ര ആഭ്യന്തര മന്ത്രി അമിത് ഷാ ടീസ്തയ്ക്കെതിരെ രംഗത്തെത്തിയിരുന്നു. 2002 ലെ ഗുജറാത്ത് കലാപവുമായി ബന്ധപ്പെട്ട് ടീസ്തയുടെ നേതൃത്വത്തിലുള്ള എൻജിഒ അടിസ്ഥാനരഹിതമായ വിവരങ്ങൾ പോലീസിനു നൽകിയെന്നാണ് ഷാ ആരോപിച്ചത്. ഇതിനു മണിക്കൂറുകൾക്കു പിന്നാലെയാണ് ഗുജറാത്ത് എടിഎസ് സംഘം മുംബൈയിൽ നിന്നു ടീസ്തയെ കസ്റ്റഡിലെടുത്തത്. ഗുജറാത്ത് കലാപവുമായി ബന്ധപ്പെട്ട് അന്വേഷണ സംഘത്തിന് തെറ്റായ വിവരങ്ങൾ നൽകിയെന്ന പരാതിയിൽ രജിസ്റ്റർ ചെയ്ത കേസിലാണ് തീസ്തയെ കസ്റ്റഡിയിലെടുത്തിരിക്കുന്നത്.
കർണാടക രണ്ടാക്കും; സംസ്ഥാനങ്ങൾ മൊത്തം 50 ആകുമോ? തമാശയല്ല, ബിജെപി മന്ത്രി പറഞ്ഞതിനു പിന്നിൽ
ടീസ്തയ്ക്കു പുറമേ മലയാളിയായ ഗുജറാത്ത് മുൻ ഡിജിപി ആർ ബി ശ്രീകുമാർ, മുൻ ഐപിഎസ് ഉദ്യോഗസ്ഥൻ സഞ്ജീവ് ഭട്ട് എന്നിവരും കേസിലെ പ്രതികളാണ്. ശ്രീകുമാറിനെയും കസ്റ്റഡിയിലെടുത്തു. ഗുജറാത്ത് കലാപക്കേസിൽ നരേന്ദ്രമോദിക്ക് ക്ലീൻ ചിറ്റ് നൽകിയ വിധിയിൽ സുപ്രീംകോടതി ടീസ്ത സെതൽവാദിൻ്റെ ഇടപെടലുകളെ രൂക്ഷമായി വിമർശിച്ചിരുന്നു. അതേസമയം സാന്താക്രൂസ് സ്റ്റേഷനിലെ നടപടികൾ പൂർത്തിയാക്കി ടീസ്തയെ ഗുജറാത്തിലേക്ക് കൊണ്ടുപോകുമെന്നാണ് റിപ്പോർട്ട്.
പ്രതിഷേധത്തെ തള്ളി പറയുന്നത് ജനങ്ങളുടെ കണ്ണിൽ പൊടിയിടാൻ; വി ഡി സതീശൻ
Web Title : gujarat ats team detained activist teesta setalvad from mumbai
Malayalam News from Samayam Malayalam, TIL Network
